Hahi'i Maromak

Oh Nai, Ó mak ha'u-nia Maromak, no ha'u sei foti aas Ó, ha'u sei hahi'i Ó-nia naran, tanba Ó mak halo ona buat sira ne'ebé furak, no Ó-nia planu sira ne'ebé halo hosi tempu antigu sei metin no loos. Isaias 25:1 BK

Isaias 25:1 

Iha versíkulu ne'e, Profeta Isaias fó hahi'i ba Maromak tanba Nia mak boot no Nia fidelidade. Profeta Isaias hateke ba buat hotu ne'ebé Maromak halo ona - husi salva Ninia povu to'o kumpre Ninia promesa sira - no ida ne'e halo profeta nia laran nakonu ho adorasaun. Nia dehan: "Nai, Ó mak ha'u-nia Maromak." Ida-ne'e hatudu katak adorasaun ne'e esperiensia pesoál idaidak nian. Hahi'i Maromak ne'e la'ós de'it kona-ba hatene katak Maromak mak kbiit boot de'it, maibé kona-ba halo Maromak nu'udar ita-nia Maromak, ita-nia ajuda-nain, no ita-nia Salvador rasik. 

Adorasaun katak hasa'e Maromak Nia naran ho domin no agradese. Profeta Isaias adora Maromak tanba nia haree oinsá Maromak halo tuir Ninia liafuan maski buat sira-ne'e haree hanesan imposivél. Iha tempu uluk, Maromak halo planu sira-ne'e no buat hotu akontese tuir Ninia planu sira-ne'e ho perfeitu. Maromak ne'ebé hanesan, ne'ebé fiél ba ema Izrael sira sei fiél nafatin ba ita to'o ohin loron. 

Ita bele adora Maromak nu'udar ita-nia Kriador, ita-nia Salvador no ita-nia belun ne'ebé nunka muda. Ita mós bele agradese ba nia tanba buat ne'ebé nia halo ona: hanesan salva ita liuhusi Jesus Kristu, fó perdua ba ita-nia sala sira, no fó esperansa ba ita atu hetan moris rohan-laek. Adorasaun ne'ebé loos mai husi laran ne'ebé hanoin-hetan Maromak Nia laran-di'ak no tau fiar ba Ninia planu sira. 

Tan ne'e, ohin loron, foti momentu balu kona-ba oinsá atu fó agradese no hahi'i Maromak. Hanoin-hetan Ninia bénsaun no Ninia promesa sira. Foti Ninia naran iha ita-nia uma, iha serbisu fatin, ka iha fatin ne'ebé de'it ne'ebé ita hela-ba. Bainhira ita adora Maromak ho laran ne'ebé agradese, ida-ne'e halo ita hakbesik liután ba Nia no hametin Ita-nia fiar nafatin bainhira ita la'o hamutuk iha dalan ba lalehan. 

Orasaun: Nai, Ita mak ami-nia Maromak. Ami hahi'i Ita-nia naran tanba Ita-nia fidelidade no buat furak hotu ne'ebé Ita halo ona. Hanorin ami atu adora Ita ho laran ne'ebé nakonu ho agradesementu loroloron, bainhira ami la'o tuir Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Haksolok iha tempu hotu

Haksolok nafatin ba iha Nai. Dala ida tan ha'u dehan, Haksolok ba! Filipe 4:4 BK

Filipe 4:4 

Iha versíkulu ne'e, apóstolu Paulo hatete katak ita tenke haksolok nafatin. Ida-ne'e fasil bainhira ita moris iha situasaun di'ak, maibé susar ba ita kuandu ita sente moras, lakon, ka sente laran-tun ka desapontadu. Saida mak halo apóstolu Paulo nia liafuan nee signifikativu tebes mak: Nia hakerek liafuan sira-ne'e bainhira nia iha komarka laran. Maski Paulo hetan terus, maibé nia sei kontente nafatin ho Nai. 

Apóstolu Paulo hanorin ita katak haksolok ne'ebé loos la mai husi ita-nia situasaun, maibé maihusi ita-nia relasaun ho Jesus. Ema, osan, ka komfortu ne'ebé ita simu bele halo ita kontente ba tempu balu, maibé Nai de'it mak fó ksolok ba nafatin maski iha tempu susar. Kuandu ita hateke nafatin ba Jesus, ita hanoin-hetan ninia domin, ninia promesa sira, no ninia prezensa hamutuk ho ita, ita la prekupa ho situasaun saida de'it mak ita hasoru.  

Ita bele haksolok iha tempu di'ak sira tanba Maromak nia bénsaun, no ita bele haksolok iha tempu susar sira tanba ita hatene katak buat hotu Maromak mak kontrola. Roma 8:28 fó-hanoin ba ita hanesan ne'e: "Ita hatene katak buat hotu halao hamutuk hodi halo diak ba sira nebee hadomi Maromak, ba sira nebee Maromak bolu tuir Ninia planu". Iha tempu hotu: kuandu ita haksolok ka triste, bele halo ita hakbesik liután ba Maromak. 

Tan ne'e, ohin, hili atu haksolok iha Nai. Agradese ba ninia fidelidade, maski buat hotu la perfeitu. Haksolok la'ós kona-ba buat ne'ebé akontese haleu ita, maibé kona-ba se mak hela iha ita-nia laran. Kuandu Jesus mak ita-nia fonte ba ksolok, tempu hotu-hotu sai pasu ba oin atu la'o iha dalan ba lalehan. 

Orasaun: Nai, obrigadu, tanba Ita mak ami-nia ksolok ne'ebé loos. Ajuda ami atu haksolok iha ami-nia moris tomak, iha situasaun kontente ka susar, tanba ami hatene katak Ita hamutuk ho ami. Hakonu ami-nia laran ho Ita-nia dame no ksolok bainhira ami la'o hamutuk ho Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fo korajen ba malu

Nunee foʻ korajen ba malu no hametin malu, hanesan imi halo dadaun. 1 Tesalónika 5:11 BK

1 Tesalónika 5:11

Dala ruma ita hetan susar iha moris. Ita hotu hasoru situasaun ne'ebé halo ita sente laran-susar, triste, ka fraku. Tan ne'e mak Maromak haruka ita atu fó korajen no hametin malu. Iha versíkulu ne'e, apóstolu Paulo fó-hanoin ba ema kristaun sira iha Tesalonika katak sai parte husi Maromak nia família signifika katak ajuda malu nafatin atu metin iha fiar, liuliu iha tempu susar sira. 

Fo korajen signifika fó esperansa ba ema ida bainhira sira sente fraku ka ta'uk. Atu hamtein malu signifika ajuda ema ida atu krese liután iha sira-nia fiar no sai hanesan Jesus. Ita bele halo ida-ne'e liu hosi ko'alia ho laran-di'ak, halo orasaun ba ema seluk, hatudu domin, ka liu hosi ita-nia prezensa de'it ba ema ne'ebé presiza tulun. 

Bíblia mós hatete iha Ebreu 10: 24-25 hanesan tuir mai ne'e: "Mai ita hanoin oinsaa ita bele foo hanoin ba malu atu hatudu domin no hahalok diak. Keta haluha atu halibur hamutuk, hanesan ema balu toman ona. Maibee foo korajen ba malu, no halo liu tan tanba ita haree katak Loron nee besik ona". Maromak nunka hakarak ita atu hala'o ita-nia vida Kristaun mesak de'it. Nia tau ita iha familia boot kristaun nia leet atu nune'e ita bele ajuda malu liuliu iha tempu susar sira.

Kuandu ita fó korajen ba ema seluk, ita mós fahe Jesus nia domin. Ita-nia liafuan no asaun sira bele lori dame, esperansa no ksolok ba ema seluk nia laran. Maski ita hatudu laran-di'ak uitoan de'it, ida-ne'e bele fó-hanoin ema katak Maromak sei hanoin no kuida nafatin sira. 

Tan ne'e, ohin, husu Maromak atu hatudu ema ida ne'ebé presiza korajen. Biarba ita sai razaun ida ba ema-nia hamnasa, oin-midar no hetan fali forsa iha fiar. Kuandu ita tane no ajuda malu, ita ajuda malu atu nafatin ho fiar iha dalan ba lalehan. 

Orasaun: Nai, obrigadu tanba fó ami maun-alin sira iha fiar nian. Ajuda ami atu fó korajen no hametin ema seluk ho domin no lia-loos. Husik ami-nia liafuan no hahalok sira hametin Ita-nia ema bainhira ami la'o hamutuk dadauk iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More