Fiar maihusi ne'ebé?

Nune'e fiar mai liuhosi buat ne'ebé ema rona. No ema rona liuhosi Kristu Nia lia-fuan. Roma 10:17 BK

Roma 10:17

Ema barak husu: "Oinsa mak ha'u bele iha fiar ne'ebé metin liu?" Roma 10:17 fó resposta ne'ebé klaru no simples. Fiar la mai husi ita-nia sentimentu, ita-nia forsa, ka ita-nia hahalok-di'ak sira. Fiar mai husi rona Maromak nia Liafuan. 

Iha Roma 10, apóstolu Paulo esplika katak ema labele fiar ba Jesus se sira la rona kona-ba Nia. No sira labele rona kona-ba N8a se la iha ema ida mak haklaken ba sira. Ida-ne'e hatudu katak oinsá Maromak Nia futarlia importante ba ita. Kuandu ita rona Kristu Nia mensajen, ita-nia laran komesa tau fiar ba Nia. Kuandu ita rona no komprende liután Maromak nia Liafuan, ita-nia fiar sai metin liután. 

"Rona" la'ós de'it atu rona ho ita-nia tilun. Ne'e mós signifika ita simu Maromak Nia Liafuan iha ita-nia laran. Kuandu ita lee Biblia, rona ba ema-nia pregasaun, lee devosaun ruma, ka rona ema ruma ne'ebé fahe Maromak nia lia-loos, Maromak uza Ninia Liafuan atu hametin ita-nia fiar. Maski ita-nia fiar ki'ik, maibé Maromak Nia Liafuan bele haburas ita-nia fiar. 

Dala ruma ita sente fraku iha fiar tanba ita uza tempu barak liu rona ba ta'uk, problema, ka novidade negativu sira. Maibé kuandu ita enxe ita-nia hanoin ho Maromak nia Liafuan, ita-nia esperansa komesa sai boot. Maromak Nia promesa sira fó-hanoin ita katak Nia fiél, iha kbiit boot, no sempre hamutuk ho ita. 

Se Ita hakarak atu iha fiar ne'ebé metin liután, hakbesik nafatin ba Biblia. Lee Bíblia loroloron. Rona Bíblia didi'ak. Husu Maromak atu ajuda Ita komprende Ninia lia-fuan. Husik Maromak nia Liafuan dirije ita-nia hanoin no desizaun sira. 

Kuandu ita rona Maromak nia Liafuan no husik nia book no forma ita-nia laran, ita-nia fiar sei krexe liután loroloron. Fiar ne'ebé krexe ajuda ita atu la'o ho laran-metin iha dalan ba lalehan. Amen.

Roma 10:17

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hein ho esperansa

Imi mós tenki iha pasiénsia. No hametin imi-nia fuan laran, tanba Nai besik atu fila fali mai ona. Tiago 5:8 BK

Tiago 5:8

Livru Tiago ko'alia ba ema kristaun sira ne'ebé hasoru susar oioin. Ema balu kiak, ema balu hetan tratamentu ne'ebé la loos, no balu hetan terus ho pasiénsia, maibé sira seluk luta nonook hasoru susar sira ho pasiénsia banhira buat aat haree hanesan manan buat di'ak. Iha situasaun sira hanesan ne'e, apóstolu Tiago fó korajen ba sira atu labele rende. Nia haruka sira atu hatudu pasiénsia no firmi, tanba Nai Jesus sei mai daudaun.

Iha versíkulu sira antes ne'e, apóstolu Tiago fó ezemplu ida kona-ba toos-nain ida. Toos-nain ida kuda fini no tuirmai hein. Nia labele obriga ai-horis sira atu krexe lalais liu. Nia hein liuhusi udan, loro-matan, no tempu, hodi espera katak koilleta ne'e sei mai. Nune'e mós, Maromak husu ita atu hein ho fiar no esperansa. 

La fasil atu hein. Kuandu ita sente katak ita-nia orasaun la hetan resposta ka problema ne'ebé haree ba hanesan naruk ba beibeik, ida-ne'e bele halo ita sente kole no deskorajen. Maibé hein ho esperansa signifika ita fiar katak Maromak sei serbisu hela, maski ita la bele haree. Ida-ne'e signifika ita fiar katak Maromak nia tempu mak perfeitu no Ninia promesa sira mak loos. 

Apóstolu Tiago mós fó-hanoin ita katak Jesus sei mai fali. Esperansa ne'e fó forsa mai ita. La iha moras, injustisa, ka terus neebe dura ba nafatin. Loron ida, Maromak sei halo buat hotu sai loos. Maibé molok to'o iha tempu ne'ebá, Maromak bolu ita atu fiél, pasiénsia no haforsa ita-nia laran nafatin. 

Hein ho esperansa la signifika katak ita la halo buat ida. Maibé ida-ne'e signifika katak ita kontinua halo orasaun, hadomi ema seluk, halo tuir Maromak Nia hanorin sira, no tau fiar ba Nia loroloron. Kada loron ne'ebé ita hein mak oportunidade ba ita atu ita-nia fé krexe liután. 

Bainhira ita hein ho pasiénsia no hein nafatin ho esperansa, Maromak halo ita-nia laran sai metin no prepara ita atu halo buat ne'ebé sei akontese iha tempu mai. Mantein fiél hodi hein, sei ajuda ita nafatin la'o iha dalan ba lalehan. Amen.

Tiago 5:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Moris iha Maromak Nia domin

Nune'e ita hatene no fiar Maromak Nia domin ba ita. Maromak mak domin. No ema ne'ebé hela iha domin hela iha Maromak, no Maromak hela iha nia. 1 João 4:16 BK

1 João 4:16

1 Joao 4 hanorin ita lia-loos simples ida maibé poderozu: Maromak mak domin. Ninia domin la'ós de'it sentimentu ida - maibé domin ne'e Maromak Nia natureza rasik. Buat hotu ne'ebé Nia halo mai husi Ninia domin ne'ebé perfeitu. Tan ne'e, ita bele tau fiar kompletamente ba Nia. 

Iha versíkulu sira antes ne'e, apóstolu João fó-hanoin ba ema fiar-na'in sira katak Maromak hatudu Ninia domin liuhusi haruka Jesus mai mate tanba ita-nia sala sira (1 Joao 4: 9-10). Ne'e mak prova boot liu kona-ba maromak nia domin. Tanba Maromak hadomi uluk ita, agora ita bele moris loroloron iha ninia domin. 

"Moris iha Maromak Nia domin", signfika liu fali hatene de'it kona-ba Ninia domin ne'e. Maibé ida ne'e signifika katak: 

*Tau fiar ba Ninia domin bainhira hasoru susar iha moris 

*Deskansa ka hakmatek iha Ninia kuida

*Hatudu domin ne'ebé hanesan ba ema seluk

*Fiar katak Maromak hamutuk ho ita maski ita-nia sentimentu muda.

Kuandu ita hili atu moris iha domin - hanesan hatudu laran-di'ak, fó perdua, ajuda, no hatudu pasiénsia, Maromak Nia prezensa sai reál iha ita-nia moris. Ninia domin komesa forma ita-nia hanoin, hahalok no relasaun. 

Dala ruma ita sente katak ita la hetan domin no ta'uk. Maibé 1 Joao 4: 16 fó-hanoin ba ita katak Maromak Nia domin la depende ba ita-nia atinjimentu. Maromak Nia domin ne'e la muda, forsa no fiél. Ninia domin fó forsa ita kuandu ita fraku no foti ita ita kuandu ita monu. 

Se Ita dùvida kona-ba Maromak Nia domin, haree ba krús. Jesus Nia sakrifísiu prova katak Maromak Nia domin sempre ba ita. 

Kuandu ita moris loroloron iha Maromak Nia domin no fahe domin ne'e ba ema seluk, ita la'o besik ho Maromak. Ninia domin ne'ebé perfeitu fó matadalan mai ita, hametin ita, no kontinua ajuda ita la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More