Atitude ema Kristaun iha serbisu fatin

Patraun sira, halo buat neʼebé justu no di'ak, tanba imi hatene katak imi mós iha Patraun ida iha lalehan. Kolose 4:1 BK. 

                                     Kolose 4:1

Serbisu mak parte importante ida iha ita-nia moris loroloron nian, no Biblia fó matadalan kona-ba oinsá ema kristaun nia atitude iha serbisu fatin. Eskritura hanorin katak serbisu-nain sira tenke halo tuir sira-nia patraun iha mundu la'ós de'it kuandu patraun haree sira, maibé ho laran-moos no respeitu tanba sira hamta'uk Nai (Koloso 3:22). Ida-ne'e katak ema kristaun tenke serbisu ho laran-moos maski la iha ema ida mak hateke. 

Bíblia mós hanorin katak buat saida de'it ne'ebé ita halo, ita tenke halo ho ita-nia laran tomak hanesan ita serbí Nai, la'ós ema (Koloso 3:23). Kuandu ita haree ita-nia serbisu nu'udar serbisu ba Maromak, ida-ne'e troka ita-nia atitude. Ita sai responsavel liu, onestu liu, no badinas liután. 

Maromak promete katak ema ne'ebé serbí Maromak ho fiél, sei simu kolen husi Nia, tanba loloos ne'e sira serbí Kristu (Koloso 3:24). Iha tempu hanesan, Eskritura mós fó avizu katak ema ne'ebé halo sala mós sei hetan konsekuénsia hosi sira-nia hahalok, tanba Maromak la hatudu favoritismu (Koloso 3:25). 

Bíblia mós ko'alia ba ema ne'ebé iha podér atu ukun ema seluk. Mestre ka empregadór sira hetan instrusaun atu hatudu hahalok loos no justisa ba sira-nia serbisu-nain sira, tamba sira mós iha Nai ida iha lalehan (Koloso 4: 1). Ida-ne'e signifika katak patraun sira labele halo abuza podér ka la justu. Duke halo nune'e, sira tenke hatudu justisa no respeitu. 

Hanorin sira-ne'e hatudu katak Maromak hanoin kona-ba oinsá ita trata malu iha serbisu-fatin. Maski ita mak traballador ka patraun ida, ita-nia hahalok tenke reflete onestu, justisa, no respeitu. 

Kuandu ita serbisu ho integridade no trata ema seluk ho justu, ita-nia serbisu loroloron nian sai dalan ida atu hahi'i Maromak. Hodi halo nune'e, ita-nia serbisu-fatin mós bele sai fatin ne'ebé ita aplika ita-nia fiar no kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Aprende obedese iha familia

Oan sira, halo tuir imi-nia inan-aman iha buat hotu, tanba ida ne'e halo Nai kontenti. Kolose 3:20 BK 

Kolose 3:20

Maromak dezeña atu familia ka uma sai fatin primeiru atu labarik sira aprende obedese no respeitu. Bíblia hanorin ho klaru katak oan sira tenke halo tuir sira-nia inan-aman tanba ida-ne'e halo Nai kontente (Koloso 3: 20). Labarik sira ne'ebé obedese iha uma-laran, ajuda sira sai ema-boot ne'ebé matenek no iha responsabilidade. 

Inan-aman mós iha responsabilidade importante. Inan-aman tenke dirije didi'ak sira-nia oan. Bíblia hatete katak inan-aman tenke hanorin oan sira kona-ba dalan ne'ebé nia tenke ba, no kuandu nia boot ona, nia sei la husik dalan ne'e (Proverbios 22: 6). Ida-ne'e signifika hanorin labarik sira atitude ne'ebé di'ak, hanorin sira valor diak sira, no dalan Maromak nian bainhira labarik sira sei ki'ik kedas. 

Labarik sira ne'ebé moris mai la hatene saida mak loos. Bíblia esplika katak labarik sira moris mai beik, maibé hanorin dixiplina ho domin sei ajuda sira atu hetan matenek (Proverbios 22:15). Dixiplina, bainhira halo ho domin, ajuda labarik sira atu aprende kontrola an no respeitu. 

Maromak mós haruka inan-aman atu hanorin ninia Liafuan iha uma. Bíblia haruka inan-aman sira atu halo tuir Maromak Nia mandamentu sira iha sira-nia laran no hanorin mandamentu sira ne'e ba sira-nia oan durante sira-nia moris loroloron nian: kuandu sira tuur iha uma, la'o iha dalan, toba no hamriik (Deuteronomio 6: 6-7). Ho ida-ne'e, labarik sira krexe hatene Maromak no Ninia dalan sira. 

Iha tempu hanesan, Jesus mós hatudu domin boot ba labarik sira. Nia hatete: “Husik labarik kiik sira ne'e hakbesik mai Ha'u, no keta bandu sira. Tanba ema hanesan labarik sira ne'e mak sai Maromak Nia reinu.” Mateus 19:14. Labarik sira iha folin-boot iha Maromak Nia oin. 

Bíblia mós fó-hanoin oan sira atu rona ba sira-nia aman nia hanorin no la husik sira-nia inan nia hanorin (Proverbios 1: 8-9). Hanorin sira-ne'e sai hanesan koroa matenek nian no sai nu'udar bénsaun ba sira-nia moris. 

Kuandu inan-aman hanorin ho domin no oan sira aprende atu halo tuir, sira-nia uma sai fatin ne'ebé fé bele krexe. Familia hanesan ne'e prepara labarik sira atu moris ho matenek no la'o ho laran-metin ba Maromak iha dalan ba lalehan.

                                  Kolose 3:20

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lalaok la'en no feen tuir Biblia nia hanorin

Feen sira, hakruuk ba imi nia laen, tanba ida nee diak iha Nai. Laen sira, hadomi imi nia feen, no keta siak sira. Kolose 3:18-19 BK 

Kolose 3:18-19

Bíblia hanorin katak moris kaben-na'in sira nian mak relasaun ne'ebé sagrada dezeña hosi Maromak. Iha kazamentu, la'en no feen tenke moris ho domin, respeitu, no haraik-an. Eskritura fó-hanoin ba fiar-na'in sira atu hatudu respeitu ba malu tamba Kristu (Efeso 5:21). Ne'e signifika katak parseiru na'in rua tenke hatudu haraik-an no tau matan ba malu. 

Feen sira hetan korajen atu hatudu respeitu no apoia sira-nia la'en (Efeso 5:22-24; Koloso 3: 18). Ne'e la dehan katak sira ladún iha valór. Iha Maromak nia oin, mane no feto sira iha folin-boot. Feen no laen tenke serbisu hamutuk ho harmonia hodi obedese ba Maromak nia ukun-fuan iha família laran. 

La'en sira hetan responsabilidade sériu. Bíblia haruka la'en sira atu hadomi sira-nia feen hanesan Kristu hadomi igreja no fó Nia an ba igreja (Efeso 5:25). Domin ne'e la'ós de'it ba an rasik, maibé ne'e mak domin sakrifísiu, pasiénsia no protetivu. La'en sira tenke hatudu laran-sadi'a ba sira-nia feen no hatudu respeitu ba sira (1 Pedro 3: 7). 

Uma-kain tenke refleta Maromak Nia karakter. Bainhira la'en sira hatudu domin no feen sira hatudu respeitu ba sira, família sai fatin ba dame no forsa. Bíblia mós hanorin katak ema kristaun tenke hatudu hahalok-di'ak iha buat hotu iha sira-nia moris, atu nune'e ema bele fo onra ba Maromak Nia hanorin (Tito 2: 7-10). 

Instrusaun Biblia nian ne'e la'ós atu kontrola ka estraga ema ida. Instrusaun sira ne'e ajuda família sira atu moris tuir orden, respeitu, no tau matan ba malu. Kuandu la'en no feen halo tuir Maromak Nia matadalan, sira-nia relasaun sai forte liután no refleta Kristu nia domin. 

Kaben la'ós de'it kona-ba moris hamutuk, maibé kona-ba serbí Maromak hamutuk. Bainhira la'en no feen halo tuir ninia Liafuan, sira-nia uma sai fatin ne'ebé sira-nia fiar sai boot liután no Maromak hetan onra. 

Família sira hanesan ne'e sai nu'udar ezemplu di'ak kona-ba Maromak nia dezeña konaba uma kain ideál no fó matadalan ba malu atu nafatin la'o iha dalan ba lalehan.

Referensia: 5:21-6:9, Koloso 3:18-4:1, Tito 2: 1-10, no 1 Pedro 2:18-3:7 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More