Hala'o moris ho matenek

Moris ho matenek kle'an ho sira ne'ebé iha liur, no uza didi'ak tempu ne'ebé sei iha. Sempre ko'alia ho grasa, no tau masin uitoan, atu nune'e imi bele hatene oinsa atu hatán ba ema ida-idak. Kolose 4:5-6 BK 

Kolose 4:5

Bíblia hanorin katak ema fiar-na'in sira tenke moris ho matenek, liuliu iha ema ne'ebé seidauk hatene Maromak (Koloso 4:5). Ema seluk haree ita-nia hahalok, no hahalok sira ne'e bele halo ema hakbesik liután ba Maromak ka halo sira dook liután hosi Maromak. 

Eskritura alerta katak kuandu Maromak Nia povu moris iha dalan ne'ebé la loos, bele hafo'er Ninia naran iha ema seluk nia leet (Roma 2:24; Isaias, 52:5). Ida-ne'e signifika katak ita-nia hahalok la'ós de'it kona-ba ita-nia an, maibé mós afeta oinsá ema seluk haree Maromak. Kuandu ita moris arbiru de'it, ida-ne'e bele halo ema ko'alia aat kona-ba lia-loos Maromak nian (2 Pedro 2: 2). 

Tan ne'e mak importante tebes atu la'o ho sabedoria ka matenek. Sabedoria signifika hili saida mak loos iha Ita-nia asaun, liafuan, no atitude. Ida-ne'e katak ita uza oportunidade hotu atu refleta Maromak Nia karakter iha ita-nia moris loroloron nian (Koloso 4:5). 

Ita-nia liafuan mós importante. Bíblia hatete katak ita-nia liafuan sira tenke nakonu ho grasa "tempera ka tau ho masin" (Koloso 4: 6). Ida-ne'e katak ita-nia liafuan sira tenke di'ak, ajuda ema, no nakonu ho valór moris nian. Ita tenke ko'alia iha dalan ne'ebé bele hametin ema seluk no hatudu lia-loos Maromaknian. 

Maromak mós bolu ema fiar-na'in sira atu moris ho laran-moos no hatudu respeitu ba Maromak Nia Liafuan atu nune'e ema labele hakribi Ninia Liafuan (Tito 2:5). Moris tuir Maromak Nia hakarak sai sasin ne'ebé forte. Karik ema la sempre rona ba buat ne'ebé ita hatete, maibé sira sei haree oinsá ita hala'o ita-nia moris. 

Moris ho matenek katak moris ho kuidadu, ko'alia ho laran-di'ak, no reprezenta Maromak iha buat hotu ne'ebé ita halo. Kuandu ita-nia moris refleta Maromak Nia lia-loos, ita sai naroman ba ema seluk. 

Kuandu ita la'o ho matenek loroloron, ita-nia moris sei fó onra ba Maromak no ajuda lori ema seluk atu la'o iha dalan ba lalehan.

Kolose 4:5

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏