Podér husi Maromak Nia Liafuan

Liu hosi fiar mak ita kompriende katak Maromak Nia liafuan kria buat hotu, atu nune'e Nia halo buat neʼebé ita haree hosi buat ne'ebé ita la haree. Ebreu 11:3 BK 

                                  Ebreu 11:3

Maromak nia Liafuan iha kbiit boot. Ne'e la'ós liafuan baibain. Kuandu Maromak ko'alia, buat sira-ne'e akontese. Bíblia hatudu dalan oioin ne'ebé Maromak Nia liafuan sira halo iha mundu no iha ita-nia moris. 

Dahuluk, Maromak Nia Liafuan iha podér atu kria. Ebreu 11: 3 hatudu katak liuhusi Maromak Nia lia-fuan mak Maromak kria universu. Hanesan ne'e mós ho livru Salmo 33:6 hatete katak buat hotu ne'ebé ita haree ohin loron ezisti tanba Maromak ko'alia no sira ezisti. Ninia Liafuan iha podér atu kria. 

Daruak, Maromak Nia Liafuan fó sai kona-ba ninia serbisu sira iha ema nia leet. Kuandu ema husu Jesus serake Nia mak Mesias ne'ebé Maromak promete ona atu mai? Nia hatete atu sira haree saida mak akontese iha sira nia leet. Iha Evanjellu Mateus 11: 4-5, Jesus hatete katak ema matan-delek sira bele haree, ema ain- aat sira bele la'o fali, no lia-fuan di'ak haklaken ba ema kiak sira. Milagre no hanorin sira-ne'e hatudu katak Maromak Nia promesa sira kumpre dadauk ona. 

Datoluk, loron ida Maromak Nia Liafuan sei bolu ema mate atu moris hi'as fali. 1Tesalonika 4: 16 hanorin katak kuandu Jesus fila fali mai ba daruak, Nia sei komanda ho liafuan maka'as, no ema ne'ebé mate iha Kristu sei moris hi'as fali. Ida-ne'e hatudu katak Maromak Nia lian iha podér atu fó moris. 

Ba dala haat, Biblia hatete katak Maromak Nia Liafuan mak arma ida iha funu espirituál nian. Efeso 6: 17 hanaran "surik espíritu nian". Liuhusi Eskritura, ita bele tahan hasoru tentasaun no halakon ita-nia inimigu, espiritu nakukun nian. 

Ikusmai, Maromak Nia Liafuan mós bele muda ita-nia laran. Tiago 1:21 haruka ita atu simu liafuan ne'ebé kuda iha ita-nialaran, ne'ebé bele salva ita-nia moris. Kuandu ita simu Maromak Nia Liafuan ho haraik-an, ida-ne'e sei transforma ita-nia moris. 

Versíkulu sira-ne'e fó-hanoin ita katak Maromak Nia Liafuan kria, fó sai lia-loos, fó moris, proteje ita, no salva ita. Kuandu ita rona no halo tuir loron-loron ita simu forsa no matadalan. No bainhira ita tau fiar no halo tuir Maromak Nia Liafuan ne'ebé poderozu, ida-ne'e lori ita ba oin  atu nafatin la'o  iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bíblia afirma

Tanba Maromak Nia liafuan mak moris no iha podér, no kro'at liu fali surik ne'ebé kro'at iha sor-sorin. Liafuan ne'e sei sona to'o fahe mós klamar no espíritu, fukun no dolen, no bele hatudu fuan laran nia hanoin no kompriensaun. Ebreu 4:12 BK 

                                  Ebreu 4:12

Bíblia afirma buat barak kona-ba nia an rasik. Bíblia hatete katak Maromak Nia Liafuan la'ós de'it liafuan baibain ne'ebé ema hakerek. Bíblia hatete katak Maromak Nia Liafuan bele muda ita-nia moris. 

Ebreu 4: 12 hatete katak Maromak nia Liafuan mak moris no ativu, ne'ebé forte liu fali surik ne'ebé iha isin rua. Maromak Nia liafuan alkansa to'o ita-nia laran no revela ita-nia hanoin no atitude. Ne'e katak kuandu ita lee Biblia, Maromak ko'alia ba ita no ajuda ita atu komprende didi'ak ita-nia an. 

Bíblia mós afirma katak Maromak Nia Liafuan proteje ita husi sala. Livru Salmo 119: 11 hatete: "Hau subar Ó-nia liafuan iha ha'u-nia laran atu ha'u labele halo sala hasoru Ó." Kuandu ita rai Maromak Nia Liafuan iha ita-nia laran, ne'e ajuda ita atu halo desizaun ne'ebé loos. 

Jesus mós hanorin kona-ba poder hosi Maromak Nia Liafuan. Iha Evanjellu João 6:63, Jesus hatete katak Ninia liafuan mak Espíritu no moris. Maromak Nia Liafuan fó moris espirituál no hametin ita-nia fiar. 

Maromak promete katak Ninia Liafuan sei sempre alkansa Ninia hakarak. Isaias 55:11 hatete katak Maromak Nia Liafuan sei la fila mamuk maibé sempre alkansa saida mak Nia hakarak atu halo. Maromak Nia liafuan sempre iha podér no ojetivu.

Bíblia mós fó komfortu no esperansa. Livru Salmo 119: 50 hatete katak Maromak Nia promesa prezerva ita-nia moris. Iha tempu susar, Maromak Nia Liafuan fó korajen no dame. 

Profeta Jeremias esperiensia ksolok ne'e iha Maromak Nia Liafuan. Iha livru Jeremias 15:16, nia hatete katak kuandu nia hetan Maromak Nia liafuan, nia han MaromakNia Liafuan ne'e, no sai haksolok no kontente. 

Bíblia mós ajuda ema kristaun atu krexe espiritualmente. 1 Pedro 2: 2 kompara Maromak Nia Liafuan ho susubeen ne'ebé moos hodi ajuda ema fiar-na'in atu sai forsa liután iha sira-nia fiar. 

Ikusmai, Jesus fó-hanoin ita iha Evanjellu Mateus 4: 4 katak ema la moris de'it ho paun, maibé ho liafuan hotu ne'ebé mai husi Maromak Nia ibun. 

Afirmasaun sira-ne'e hatudu katak Biblia iha podér boot, fó moris, no fo ita-nia presiza moris espirituál nian. Kuandu ita lee, fiar, no halo tuir, Maromak nia Liafuan hametin ita-nia fiar no lori ita ba oin atu nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak Ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bíblia nia lia-loos

Halo sira santu liu hosi lia loos. Ó-nia liafuan mak lia loos. João 17:17 BK 

                                   João 17:17

Lia-loos importante tebes iha ita-nia moris. Ohin loron, ema barak iha hanoin ne'ebé la hanesan kona-ba lia-loos. Ema balu fiar katak lia-loos bele muda tuir ema nia hanoin ka sentimentu. Maibé Biblia hanorin katak lia-loos mai husi Maromak. 

Iha Evanjellu Joao 17:17, Jesus halo orasaun ba Aman hodi dehan: "Santifika sira liuhusi lia-loos; Ita-nia liafuan mak lia-loos." Ida-ne'e hatudu katak Biblia mak Maromak Nia Liafuan ne'ebé loos. Biblia hanorin ita saida mak loos no dirije ita iha dalan ne'ebéloos. 

Jesus mós hatete iha Evanjellu Joao 14: 6 katak: "Hau mak dalan, lia-loos no moris." Jesus rasik mak lia-loos, no Ninia hanorin sira fó sai Maromak Nia lia-loos ba mundu. 

Bíblia mós hatete katak Maromak Nia Liafuan mak perfeitu no ita bele tau fiar ba. Livru Proverbios 23: 5-6 hatete katak Maromak Nia liafuan hotu mak moos no ita labele aumenta tan ba Ninia liafuan sira. Nune'e mós, livru Salmo 12: 6 esplika katak Nai Nia liafuan mak liafuan ne'ebé moos, hanesan osan-mutin ne'ebé hamoos iha fornu laran. 

Maromak Nia lia-loos nunka muda tanba Maromak rasik nunka muda. Ebreu 13: 8 hatete katak Jesus Kristu mak hanesan horiseik, ohin, no ba nafatin. Tanba Maromak la muda, ninia Liafuan mós loos no ita bele tau fiar ba. 

Ema kristaun sira iha tempu uluk simu Maromak Nia Liafuan nu'udar lia-loos. 1Tesalonika 2: 13 hatete katak sira simu mensajen ne'e la'ós hanesan ema nia liafuan, maibé hanesan Maromak Nia Liafuan, ne'ebé ajuda sira-nia fiar. 

Bíblia mós fó-hanoin ita katak Maromak Nia Liafuan sempre loos. Livru Salmo 33:4-5 deklara katak Maromak Nia Liafuan mak loos no fiél.

Ikusmai, kuandu ema rona no fiar lia-loos husi Evanjellu, sira hetan salvasaun. Efeso 1:13 hanorin katak kuandu ita rona lia-loos no fiar ba Kristu, espíritu santu taka ita (sealed with the Holy spirit).

Tan ne'e, ita tenke tau fiar ba Biblia nu'udar Maromak Nia Liafuan ne'ebé loos. Bainhira ita lee, fiar no halo tuir lia-loos ne'e, Maromak Nia lia-loos sei dirije ita-nia moris no lori ita la'o iha ba Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More