Ita-nia Liafuan, imajen ita-nia laran

Oh samea nia oan sira! Oinsa mak imi ne'ebé aat bele koalia buat ne'ebé di'ak? Tanba ibun koalia hosi buat resin ne'ebé sai hosi fuan laran. Mateus 12:34 BK 

                              Mateus 12:34

Ita-nia liafuan iha kbiit boot tebes. Loron-loron ita ko'alia liafuan barak ba ita-nia família, kolega no ema seluk. Dala ruma ita hanoin katak liafuan sira-ne'e la importante, maibé Biblia hanorin katak liafuan sira-ne'e hatudu buat ne'ebé kle'an liu. 

Iha Mateus 12:34 Jesus hatete: "Tanba ibun koalia hosi buat resin ne'ebé sai hosi fuan laran". Ne'e katak liafuan ne'ebé ita ko'alia hatudu saida mak iha ita-nia laran. Se ita-nia laran nakonu ho laran-di'ak, domin, no fé, ita-nia liafuan sei reflete buat di'ak sira-ne'e. Maibé se ita-nia laran nakonu ho hirus, foti-an, ka laran-nakali, ita-nia liafuan mós sei hatudu sentimentu sira-ne'e. 

Lia-loos ne'e ajuda ita atu komprende katak kontrola ita-nia liafuan hahú ho muda ita-nia laran. Ema barak koko atu kontrola sira-nia liafuan sein troka buat ne'ebé iha sira-nia laran. Maibé Jesus hanorin katak problema nia hun mak la'ós ibun, maibé ita-nia laran. 

Kuandu Maromak muda ita-nia laran, ita-nia liafuan mós komesa muda. Laran ne'ebé hadomi Maromak sei ko'alia liafuan ne'ebé fó korajen ba ema seluk, lori dame, no hatudu laran-di'ak. Ita-nia liafuan bele sai bénsaun ba ema ne'ebé hale'u ita. 

Tan ne'e mak importante atu enxe ita-nia laran nakonu ho buat di'ak sira. Bainhira ita lee Maromak Nia Liafuan, halo orasaun, no hanoin kona-ba Ninia lia-loos, Ninia domin transforma ita-nia laran. Tuirmai, ita-nia liafuan sira sei reflete Ninia karakter. 

Antes ko'alia, di'ak atu husu pergunta simples ba ita-nia an: Serake ita-nia liafuan hatudu laran-di'ak? Serake ita-nia lia-fuan bele ajuda ema? Serake ita-nia liafuan sira fó onra ba Maromak? Kuandu ita husik Maromak dirije ita-nia laran, ita-nia liafuan sei fó naroman duke hakanek ema. 

Ita-nia liafuan mak hanesan espellu ida-ne'ebé hatudu ita-nia laran nia kondisaun. Se ita hakarak ita-nia liafuan sai di'ak no fó aten-barani, ita tenke husik Maromak halo ita-nia laran sai nakonu ho Ninia lia-loos no domin. 

Bainhira Maromak muda ita-nia laran no ita-nia liafuan sira refleta Maromak Nia laran-di'ak, ita la'o daudauk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Podér husi Maromak Nia Liafuan

Liu hosi fiar mak ita kompriende katak Maromak Nia liafuan kria buat hotu, atu nune'e Nia halo buat neʼebé ita haree hosi buat ne'ebé ita la haree. Ebreu 11:3 BK 

                                  Ebreu 11:3

Maromak nia Liafuan iha kbiit boot. Ne'e la'ós liafuan baibain. Kuandu Maromak ko'alia, buat sira-ne'e akontese. Bíblia hatudu dalan oioin ne'ebé Maromak Nia liafuan sira halo iha mundu no iha ita-nia moris. 

Dahuluk, Maromak Nia Liafuan iha podér atu kria. Ebreu 11: 3 hatudu katak liuhusi Maromak Nia lia-fuan mak Maromak kria universu. Hanesan ne'e mós ho livru Salmo 33:6 hatete katak buat hotu ne'ebé ita haree ohin loron ezisti tanba Maromak ko'alia no sira ezisti. Ninia Liafuan iha podér atu kria. 

Daruak, Maromak Nia Liafuan fó sai kona-ba ninia serbisu sira iha ema nia leet. Kuandu ema husu Jesus serake Nia mak Mesias ne'ebé Maromak promete ona atu mai? Nia hatete atu sira haree saida mak akontese iha sira nia leet. Iha Evanjellu Mateus 11: 4-5, Jesus hatete katak ema matan-delek sira bele haree, ema ain- aat sira bele la'o fali, no lia-fuan di'ak haklaken ba ema kiak sira. Milagre no hanorin sira-ne'e hatudu katak Maromak Nia promesa sira kumpre dadauk ona. 

Datoluk, loron ida Maromak Nia Liafuan sei bolu ema mate atu moris hi'as fali. 1Tesalonika 4: 16 hanorin katak kuandu Jesus fila fali mai ba daruak, Nia sei komanda ho liafuan maka'as, no ema ne'ebé mate iha Kristu sei moris hi'as fali. Ida-ne'e hatudu katak Maromak Nia lian iha podér atu fó moris. 

Ba dala haat, Biblia hatete katak Maromak Nia Liafuan mak arma ida iha funu espirituál nian. Efeso 6: 17 hanaran "surik espíritu nian". Liuhusi Eskritura, ita bele tahan hasoru tentasaun no halakon ita-nia inimigu, espiritu nakukun nian. 

Ikusmai, Maromak Nia Liafuan mós bele muda ita-nia laran. Tiago 1:21 haruka ita atu simu liafuan ne'ebé kuda iha ita-nialaran, ne'ebé bele salva ita-nia moris. Kuandu ita simu Maromak Nia Liafuan ho haraik-an, ida-ne'e sei transforma ita-nia moris. 

Versíkulu sira-ne'e fó-hanoin ita katak Maromak Nia Liafuan kria, fó sai lia-loos, fó moris, proteje ita, no salva ita. Kuandu ita rona no halo tuir loron-loron ita simu forsa no matadalan. No bainhira ita tau fiar no halo tuir Maromak Nia Liafuan ne'ebé poderozu, ida-ne'e lori ita ba oin  atu nafatin la'o  iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bíblia afirma

Tanba Maromak Nia liafuan mak moris no iha podér, no kro'at liu fali surik ne'ebé kro'at iha sor-sorin. Liafuan ne'e sei sona to'o fahe mós klamar no espíritu, fukun no dolen, no bele hatudu fuan laran nia hanoin no kompriensaun. Ebreu 4:12 BK 

                                  Ebreu 4:12

Bíblia afirma buat barak kona-ba nia an rasik. Bíblia hatete katak Maromak Nia Liafuan la'ós de'it liafuan baibain ne'ebé ema hakerek. Bíblia hatete katak Maromak Nia Liafuan bele muda ita-nia moris. 

Ebreu 4: 12 hatete katak Maromak nia Liafuan mak moris no ativu, ne'ebé forte liu fali surik ne'ebé iha isin rua. Maromak Nia liafuan alkansa to'o ita-nia laran no revela ita-nia hanoin no atitude. Ne'e katak kuandu ita lee Biblia, Maromak ko'alia ba ita no ajuda ita atu komprende didi'ak ita-nia an. 

Bíblia mós afirma katak Maromak Nia Liafuan proteje ita husi sala. Livru Salmo 119: 11 hatete: "Hau subar Ó-nia liafuan iha ha'u-nia laran atu ha'u labele halo sala hasoru Ó." Kuandu ita rai Maromak Nia Liafuan iha ita-nia laran, ne'e ajuda ita atu halo desizaun ne'ebé loos. 

Jesus mós hanorin kona-ba poder hosi Maromak Nia Liafuan. Iha Evanjellu João 6:63, Jesus hatete katak Ninia liafuan mak Espíritu no moris. Maromak Nia Liafuan fó moris espirituál no hametin ita-nia fiar. 

Maromak promete katak Ninia Liafuan sei sempre alkansa Ninia hakarak. Isaias 55:11 hatete katak Maromak Nia Liafuan sei la fila mamuk maibé sempre alkansa saida mak Nia hakarak atu halo. Maromak Nia liafuan sempre iha podér no ojetivu.

Bíblia mós fó komfortu no esperansa. Livru Salmo 119: 50 hatete katak Maromak Nia promesa prezerva ita-nia moris. Iha tempu susar, Maromak Nia Liafuan fó korajen no dame. 

Profeta Jeremias esperiensia ksolok ne'e iha Maromak Nia Liafuan. Iha livru Jeremias 15:16, nia hatete katak kuandu nia hetan Maromak Nia liafuan, nia han MaromakNia Liafuan ne'e, no sai haksolok no kontente. 

Bíblia mós ajuda ema kristaun atu krexe espiritualmente. 1 Pedro 2: 2 kompara Maromak Nia Liafuan ho susubeen ne'ebé moos hodi ajuda ema fiar-na'in atu sai forsa liután iha sira-nia fiar. 

Ikusmai, Jesus fó-hanoin ita iha Evanjellu Mateus 4: 4 katak ema la moris de'it ho paun, maibé ho liafuan hotu ne'ebé mai husi Maromak Nia ibun. 

Afirmasaun sira-ne'e hatudu katak Biblia iha podér boot, fó moris, no fo ita-nia presiza moris espirituál nian. Kuandu ita lee, fiar, no halo tuir, Maromak nia Liafuan hametin ita-nia fiar no lori ita ba oin atu nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak Ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More