Serake ita moe ko'alia kona-ba Jesus?

Ha'u la moe kona-ba evanjelhu. Tanba evanjelhu ne'e mak kbiit hosi Maromak atu fó salvasaun ba ema hotu neʼebé fiar, primeiru ba ema Judeu no mós ba ema Gregu. Roma 1:16

Paulo halo deklarasaun ida ne'ebé forte tebes: "Hau la moe kona-ba Evanjellu." 

                                 Roma 1:16

Ida-ne'e signifika saida? 

Ne'e katak Paulo la ta'uk atu fó-hatene ema kona-ba Jesus. Nia la subar ninia fiar tanba nia la ta'uk kona-ba saida mak ema bele hatete. 

Ohin loron, ita mós bele sente moe atu ko'alia kona-ba Jesus. Karik ita-nia kolega sira bele hamnasa ita. Karik ita-nia kolega serbisu sira hatete: "Ó ne'e relijius liu." Ema balu karik bele hatete katak ita- ne'e primitivu liu. Dala ruma ita mós ta'uk katak ema sei rejeita ita. 

Maibé Paulo fó-hanoin ita katak evanjellu mak "Kbiit hosi Maromak atu fó salvasaun ba ema hotu neʼebé fiar" Evanjellu la'ós de'it istória ida. Ne'e mak Maromak Nia mensajen kona-ba Jesus, ne'ebé mate tanba ita-nia sala no moris hi'as fali atu nune'e ita bele hetan moris rohan-laek (1 Korinto 15: 3-4). 

Oinsá mak asaun hanesan ne'e haree iha ita-nia moris loroloron nian? 

Iha serbisu fatin, kuandu ema ko'alia kona-ba negósiu ne'ebé la loos, ita bele hili dalan onestu, tanba ita partensi ba Jesus. 

Kuandu ema ida husu tanbasá mak ita la join sira atu halo buat-aat, ita bele dehan de'it: "Hau ema kristaun, no ha'u hakarak fó onra ba Maromak." 

Kuandu kolega ida hasoru susar ruma, duke hatete de'it buat hotu sei sai di'ak, ita bele dehan: " Serake hau bele halo orasaun ba ita?" 

Iha uma, ita bele halo orasaun hamutuk ho ita-nia oan sira no hanorin sira kona-ba Jesus. 

Kuandu ita iha oportunidade atu ajuda ema ruma, ita bele ajuda. Ita-nia asaun bele loke dalan ba ita atu ko'alia kona-ba ita-nia fé. 

Ita la presiza haklaken buat ne'ebé boot no han tempu naruk ba ema. Dala ruma liafuan simples, liafuan mamar no laran-di'ak, hahalok ne'ebé onestu, ita-nia ajuda, ka fó sasin ne'ebé simples bele halo ema hakarak hatene kona-ba Jesus liután. 

Jesus hatete: "Nune'e husik imi-nia naroman nabilan iha ema nia oin, atu sira bele haree imi-nia hahalok di'ak, no fó glória ba imi-nia Aman neʼebé iha lalehan. Mateus 5:16

Maibé la moe atu ko'alia kona-ba Jesus la signifika obriga ema atu fiar. Ita tenke ko'alia ho laran-di'ak, respeitu, no domin (1 Pedro 3:15). Ita-nia serbisu mak atu fahe Evanjellu. Espíritu santu mak sei serbisu iha ema nia laran. 

Ohin, husu ba ita-nia an: 

"Serake hau subar ha'u-nia fé tanba ha'u prekupa ho saida mak ema sei ko'alia ka hanoin kona-ba haʼu?" 

Hanoin ida ne'e: ema bele rejeita ita-nia mensajen, maibé ita labele moe atu ko'alia kona-ba ita-nia Salvador. 

Jesus la moe atu bolu ita nu'udar Ninia maun-alin sira (Ebreu 2: 11). Nia prontu mate ba ita. Serake ita iha vontade atu ko'alia ka haklaken kona-ba Nia? 

Mai ita moris no ko'alia iha dalan ne'ebé ema bele haree katak Jesus mak importante iha ita-nia moris. 

Keta moe ko'alia kona-ba Jesus. Karik iha ema balu ne'ebé hein hela atu rona liafuan di'ak ka Evanjellu liuhusi Ita. 

Bainhira ita ho aten-barani maibé ho domin fahe evanjellu ba ema seluk, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Fé, esperansa no karidade

Agora, sei hela buat tolu ne'e: fiar, esperansa no domin. Maibé ida ne'ebé boot liu mak domin. 1 Korinto 13:13

                          1 Korinto 13:13

Ema kristaun nia moris haree oinsá? 

Iha 1 Korinto 13, apóstolu Paulo fó resposta ne'ebé furak: fé, esperansa no karidade ka domin. 

Igreja iha Korinto iha prezente espirituál barak. Balu bele ko'alia ho di'ak, hanorin, no halo buat espesiál seluk tan. Maibé sira hasoru problema barak hanesan foti-an, kontra malu, no hanoin an de'it. Apóstolu Paulo hakarak sira atu komprende katak prezente espirituál importante, maibé domin tenke kontrola oinsá ita uza prezente sira-ne'e (1 Korinto 12:27-31; 13: 1-7). 

Paulo hatete katak loron ida "ita sei haree Jesus oin ho oin" (1 Korinto 13:12). Ohin loron, ita hatene Jesus liuhusi fiar. Maibé lakleur tan, ita sei haree Jesus oin ho oin. Maibé molok to'o loron furak ne'ebá, ita tenke iha fé, esperansa no domin. 

Fé katak fiar ba Maromak 

Fé katak ita fiar Maromak maski ita la haree buat hotu ho klaru. Ita tau fiar ba Ninia Liafuan no Ninia promesa sira. 

Kuandu ita hasoru susar iha ita-nia moris, ita bele dehan: "Hau la komprende buat hotu, maibé ha'u tau fiar ba Maromak." 

Paulo hatete katak ita "justifikadu ka halo sai loos liuhosi fé" no bele iha dame ho Maromak (Roma 5: 1). 

Esperansa katak haree ba oin

Kristaun nia esperansa mak la'ós de'it dehan: "Karik buat sira-ne'e sei sai di'ak liu." Maibé, ita-nia esperansa mak bazeia ba Maromak Nia promesa sira. 

Ita haree ba oin, iha loron ne'ebé Jesus sei mai fali no lori ita ba uma lalehan nian. Paulo hatete katak ita tenke "haksolok ho esperansa atu hetan glória husi Maromak" (Roma 5: 2). 

Kuandu ita lakon ita-nia serbisu, karik ita hasoru problema, ka ita sente deskorajen, esperansa fo hanoin ita katak : "Nee la'ós rohan. Jesus sei mai fali"

Domin katak hatudu Maromak Nia karakter.

Domin la'ós de'it sentimentu ida. Domin ema bele haree iha ita-nia hahalok. 

Domin nee mak pasiénsia no laran diak. Domin la laran moras. Domin la gaba aan ka foti aan. Domin hatudu respeitu. Domin la buka atu manaan mesak deit. Domin la sai hirus lalais no la sura sala nebee hasoru nia. Domin la haksolok ho hahalok aat, maibee haksolok ho lia loos. Domin lori todan hotu, fiar buat hotu, espera buat hotu no tahan buat hotu.1 Korinto 13:4-7

Iha uma, domin katak fó perdua. 

Iha serbisu, domin katak serbisu ho onestidade. 

Iha igreja, domin katak simu ema ne'ebé hanoin la hanesan ho ita. 

Kuandu ema ida fraku, domin katak ajuda nia duke hamnasa ba ninia frakeza sira

Kuandu ema ruma hakanek ita, domin katak hili perdua duke odi no vingansa. 

Paulo hatete katak domin mak boot liu hotu (1 Korinto 13: 13). Tanbasá? Tanba domin mak buat ne'ebé boot liu hotu ne'ebé Maromak fó mai ita. Domin deskrebe kona-ba se mak Maromak. Bíblia hatete: "Maromak mak domin." (1 João 4:8).

Fé mak esensiál ba ita-nia viajen espirituál nian. Maibé kuandu ita haree Jesus oin ho oin, ita-nia fiar sei sai loos no ita-nia esperansa sei sai realidade. Domin sei kontinua ba nafatin. 

Entaun bainhira ita hein hela ba Jesus Ninia mai ba daruak, mai ita husu: 

Serake ema bele haree fé, esperansa no domin iha ita-nia moris loroloron? " 

Espera katak ita-nia fé sei ajuda ita atu tau fiar ba Maromak, ita-nia esperansa sei ajuda ita atu kontinua hateke ba Jesus, no ita-nia domin sei hatudu ba ema seluk oinsa Maromak Nia karakter.

To'o loron ne'ebé ita haree ita-nia Salvador Nia oin ho oin, mai ita moris loroloron hó fé, esperansa, no domin no ida ne'e sei ajuda ita kontinua la'o hamutuk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak signifika hosi moris iha naroman?

Maibé se ita lao iha naroman hanesan Nia iha naroman, nune'e ita hotu iha laran ida, no Ninia Oan Mane Jesus Kristu nia raan ne'e hamoos ita hosi sala hotu. 1 João 1:7

                                   1 João 1:7

Maibé saida mak signifika hosi moris iha naroman?

Ne'e la dehan katak ita nunka halo sala. Ne'e katak ita hili atu moris ho laran-moos, onestu no nakloke ba Maromak. Ita la koko atu subar ita-nia sala sira. Ita husik Maromak Nia Liafuan hatudu ba ita saida mak loos no saida mak sala. 

Bíblia hatete: "Maromak mak naroman, no la iha nakukun ida iha Nia. 1 João 1:5. Kuandu ita moris iha naroman, ita hili Maromak Nia dalan duke halo sala. 

Oinsá mak ida-ne'e ita haree iha ita-nia moris loroloron nian? 

Moris iha naroman katak hatudu laran-moos ka onestidade. Ita la bosok ita-nia família, kliente, empregadór, ka membru igreja. Ita la muda lia-loos hodi fo impresaun di'ak ba ita-nia an (Efeso 4:25). 

Moris iha naroman katak hatudu laran-moos ba ita-nia sala sira. Kuandu ita halo buat ruma ne'ebé sala, ita la du'un ema seluk. Ita hatete: "Hau sala. Favor, perdua ha'u." Maromak promete katak Nia sei fó perdua ba ita kuandu ita konfesa ita-nia sala sira (1 Joao 1:9). 

Moris iha naroman katak hadook an husi sala sira ne'ebé ita halo iha segredu. Ema ida bele subar buat ruma husi ema, maibé la iha buat ida mak subar husi Maromak. Ita labele hatudu ita-nia moris oin ida iha igreja no ita-nia moris oin seluk fali iha uma ka iha fatin seluk. 

Moris iha naroman katak trata ema ho di'ak. Apóstolu João hatudu ligasaun entre la'o iha naroman ho ita-nia relasaun ho ema seluk (1 João 1: 7). Se ita sempre funu hasoru malu, odi, ko'alia lia-bosok, ka lakohi fó perdua, buat ruma la loos iha ita-nia relasaun ho Maromak. 

Moris iha naroman katak halo tuir Maromak Nia Liafuan. Salmu 119:105 hatete: "O nia liafuan mak lampu ida ba hau nia ain, no naroman ida ba hau nia dalan." Bíblia ajuda ita atu hatene iha ne'ebé ita tenke la'o. 

Hanoin to'ok kona-ba oinsá ita la'o iha kalan nakukun bainhira la iha ahi-oan. Ita bele fasilmente monu ba rai-kuak ka soke buat ruma. Maibé kuandu ita iha ahi-oan, it bele haree dalan. Maromak Nia Liafuan mós ajuda ita atu moris iha dalan loos.

Jesus mós hatete: “Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.” João 8:12. Kuandu ita la'o tuir Jesus, ita la presiza la'o iha nakukun laran. 

Ohin, husu ba ita-nia an: 

"Serake ha'u-nia moris ne'ebé ema haree iha publiku hanesan ho ha'u-nia moris segredu nian?  

Se ita subar hela buat ruma, lori ba Jesus. Konfesa sala ne'e ba Jesus. Husu perdua. Tuirmai deside atu husik sala ne'e. 

Moris iha naroman la dehan katak ita ema ne'ebé perfeitu. Ida-ne'e katak ita onestu ba Maromak, hakarak muda ita-nia hahalok, no hakarak tuir Jesus loroloron. 

Kuandu ita la'o iha Maromak Nia naroman, moris ho laran-moos ka onestidade, hadomi ema seluk, no halo tuir Ninia Liafuan, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More