Maibé se ita lao iha naroman hanesan Nia iha naroman, nune'e ita hotu iha laran ida, no Ninia Oan Mane Jesus Kristu nia raan ne'e hamoos ita hosi sala hotu. 1 João 1:7
Maibé saida mak signifika hosi moris iha naroman?
Ne'e la dehan katak ita nunka halo sala. Ne'e katak ita hili atu moris ho laran-moos, onestu no nakloke ba Maromak. Ita la koko atu subar ita-nia sala sira. Ita husik Maromak Nia Liafuan hatudu ba ita saida mak loos no saida mak sala.
Bíblia hatete: "Maromak mak naroman, no la iha nakukun ida iha Nia. 1 João 1:5. Kuandu ita moris iha naroman, ita hili Maromak Nia dalan duke halo sala.
Oinsá mak ida-ne'e ita haree iha ita-nia moris loroloron nian?
Moris iha naroman katak hatudu laran-moos ka onestidade. Ita la bosok ita-nia família, kliente, empregadór, ka membru igreja. Ita la muda lia-loos hodi fo impresaun di'ak ba ita-nia an (Efeso 4:25).
Moris iha naroman katak hatudu laran-moos ba ita-nia sala sira. Kuandu ita halo buat ruma ne'ebé sala, ita la du'un ema seluk. Ita hatete: "Hau sala. Favor, perdua ha'u." Maromak promete katak Nia sei fó perdua ba ita kuandu ita konfesa ita-nia sala sira (1 Joao 1:9).
Moris iha naroman katak hadook an husi sala sira ne'ebé ita halo iha segredu. Ema ida bele subar buat ruma husi ema, maibé la iha buat ida mak subar husi Maromak. Ita labele hatudu ita-nia moris oin ida iha igreja no ita-nia moris oin seluk fali iha uma ka iha fatin seluk.
Moris iha naroman katak trata ema ho di'ak. Apóstolu João hatudu ligasaun entre la'o iha naroman ho ita-nia relasaun ho ema seluk (1 João 1: 7). Se ita sempre funu hasoru malu, odi, ko'alia lia-bosok, ka lakohi fó perdua, buat ruma la loos iha ita-nia relasaun ho Maromak.
Moris iha naroman katak halo tuir Maromak Nia Liafuan. Salmu 119:105 hatete: "O nia liafuan mak lampu ida ba hau nia ain, no naroman ida ba hau nia dalan." Bíblia ajuda ita atu hatene iha ne'ebé ita tenke la'o.
Hanoin to'ok kona-ba oinsá ita la'o iha kalan nakukun bainhira la iha ahi-oan. Ita bele fasilmente monu ba rai-kuak ka soke buat ruma. Maibé kuandu ita iha ahi-oan, it bele haree dalan. Maromak Nia Liafuan mós ajuda ita atu moris iha dalan loos.
Jesus mós hatete: “Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.” João 8:12. Kuandu ita la'o tuir Jesus, ita la presiza la'o iha nakukun laran.
Ohin, husu ba ita-nia an:
"Serake ha'u-nia moris ne'ebé ema haree iha publiku hanesan ho ha'u-nia moris segredu nian?
Se ita subar hela buat ruma, lori ba Jesus. Konfesa sala ne'e ba Jesus. Husu perdua. Tuirmai deside atu husik sala ne'e.
Moris iha naroman la dehan katak ita ema ne'ebé perfeitu. Ida-ne'e katak ita onestu ba Maromak, hakarak muda ita-nia hahalok, no hakarak tuir Jesus loroloron.
Kuandu ita la'o iha Maromak Nia naroman, moris ho laran-moos ka onestidade, hadomi ema seluk, no halo tuir Ninia Liafuan, ita kontinua la'o ho laran-metin iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Click iha ne'e atu estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
Maluk sira ne'ebé Kristu hadomi,
Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu
Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak.
Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan.
Like • Follow • Share • Maromak fo bensaun! 🙏📖✨
0 comments:
Post a Comment