Prepara Uma iha Lalehan (João 14:1-3)

Jesus hatete ba Nia dixípulu sira katak Nia atu ba ona. Nia ba atu prepara fatin espesiál ba sira iha Nia Aman Nia uma. Ida ne'e hanesan buat ida ne'ebé todan ba dixípulu sira tanba sira Husik hela buat hotu-hotu atu tuir Jesus.

Sira hatene katak Nia mak Mesias Israel nian. Sira nia espetativa mak, Na'i Jesus sei harii Nia reiñu Lalehan ne'ebé sira hein kleur ona. Jesus hatete ba sira katak Nia ba Nia sei la husik sira mesak tanba espiritu santu sei Mai horik ho sira.

Kristu hatene katak la kleur tan, Nia sei mate iha kruz atu kasu mundu nia sala no Nia de'it mak sei sai mediadór entre Maromak no ema,  tanba la iha ema ida mak sei bele ba  Aman Maromak se la liuhosi Nia
(João 14:6)

Jesus dehan lalika hanoin Barak basá Hau ba no Hau sei Mai fali atu simu imi iha Aman Nia Gloria.

Promesa Ida ne'e tinan 2000  liu ona no Ida ne'e hanesan tempu ne'ebé naruk tebes mai ita ema. Maibé ba Maromak Ida ne'e hanesan loron 2 de'it basá ba Maromak tinan rihun Ida hanesan ho loron Ida  (2Pedro 3:8).

Na'i Jesus agora prepara Hela fatin ba ita hotu, no loron Ida Nia sei Mai fali atu lori ita ba iha fatin Ida ne'ebé Nia prepara ona.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 14:3