Pilatus hatete dala rua hó arogansia "Ha'u iha Kbiit". Na'i Jesus hatete ba Pilatus katak nia la iha Kbiit atu hamoris ka hamate Nia, se nia lahetan Kbiit hosi Leten. Ida ne'e signifika podér hosi Maromak ne'ebé iha ligasaun hó pialtus nia pergunta iha João 19:8
Kbiit ne'ebé Pilatus kaer, EZISTI tanba Ida ne'ebé Nia julga dadauk ne'e hó Nia hakarak Rasik hakarak entrega Nia moris. João Batista hatete "Ida neʼebé mai husi leten mak aas liu ema hotu. Ida neʼebé mai husi mundu, nia mundu neʼe nian no koʼalia kona-ba buat sira neʼebé iha mundu. Ida neʼebé mai husi lalehan, nia aas liu ema hotu" (João 3:31).
Maibé podér ne'e fó ba Pilatus atu nune'e ojetivu Mesias bele alkansa tanba Nia tenki mate atu kasu mundu nia sala (João 1:29;3:16)
Pilatus komete pekadu, tanba Nia iha podér atu salva Na'i Jesus ne'ebé inosente, maibé Nia la uza podér ne'e atu salva maibé uza Lori kondena. Maromak Nia futarlia iha Tiago 4:17 hatete "Tan neʼe, se ema ida hatene oinsá atu halo buat neʼebé loos maibé la halo, nia halo ona sala"
Tan ne'e ba ita sira ne'ebé serbí iha ne'ebé de'it halo ita idaidak nia knar ba Maromak Nia Gloria. Maromak Nia liafuan iha 1Korintu 10:31 dehan "Tan neʼe, se imi han, hemu, ka halo buat seluk, halo buat hotu-hotu ba Maromak nia glória"
Uza biban hotu-hotu iha ita serbisu fatin atu halo di'ak ba ema hotu. Maromak Nia liafuan iha Kolose 3:23 dehan "Buat saida deʼit neʼebé imi halo, halo ida-neʼe ho laran tomak hanesan imi halo ba Maromak laʼós ba ema"
Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.
Maromak akonpaña ita hotu nia moris ohin loron no ba oin🙏🙏🙏
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan
 |
| João 19:11 |
0 comments:
Post a Comment