Sai Nai Jesus Nia kolega

Bainhira tempu besik ona, Na'i Jesus ema atu hedi ba Kruz, Nia prepara Nia dixípulu sira atu hasoru difikuldade oinoin, tanba ema sira ne'ebé odi Jesus no Nia dixípulu sira. Na'i Jesus hatete katak Nia ema sira ne'ebé Nia hadomi tebes sei Sai target ba inimigu sira, ne'ebé la'o ba mai hanesan liaun buka ema atu Haan (1Pefro 5:8). Tan ne'e importante tebes atu rona hó kuidadu no aplika Nia mandamentu sira hotu iha sira no ita nia moris.

Jesus hatete ba Nia dixípulu sira katak sira ne'e Nia kolega no Nia hadomi tebes sira, tan nee Nia sei prontu intrega nia morisv atu salva sira no ita. Nia hatete "La iha ema ida mak iha domin boot liu fali ema neʼebé entrega nia moris tanba ninia belun sira.(João 15:13)

Iha Evanjellu ita lee katak, Kristu kolega ba ema Sala na'in sira.   Oinsá hó ita? Seráke ita konsidera ita nia an hanesan ema pekadór neebé hetan salvasaun tanba Na'i Maromak Nia grasa de'it?  Ka ita hakarak halo Kristu sai ita Nia kolega ne'ebé intim ka kolega ne'ebé diak liu hotu, Kolega ne'ebé prontu atu mate tanba ita nia sala?.

Na'i Jesus hatete  "Imi mak haʼu-nia belun se imi halo buat neʼebé haʼu haruka imi atu halo" João 15:14

Mai ita sai Na'i Jesus Nia kolega liuhosi kumpri Maromak Nia mandamentu sira ne'ebé Hakerek iha libru Éxodos 20:3-17.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 15:14