Na'i Jesus: Saida mak hakerek iha Lei? (Versu 26)
Doutór da Lei: Ó tenke hadomi Maromak hó ó nia laran tomak, hó ó nia klamar tomak, Hó ó nia Beran (forsa) tomak, hó o nia hanoin tomak no Hadomi ó nia viziñu hanesan ó nia an rasik (versu 27)
Na'i Jesus: Ó hatán hó loos, halo ida ne'e no ó sei moris (versu 28).
Doutór da Lei: Maibé se mak hau nia viziñu? (Versu 29)
Na'i Jesus: iha ema ida halo viajen hosi Jerusalen bá Jeriko. Iha dalan ema na'ok teen sira baku nia besik atu mate no husik hela nia iha dalan. Depois pastor ida liu, haree no la ajuda. Tuir mai ema Levi ida liu, hare no la ajuda mós. Ikus liu ema samaria ida liu no nia iha kompaixaun, kuida nia, fo aimoruk bá nia, etc. Entre sira iha istória ne'e ida ne'ebé mak sai viziñu ba ema ne'e? (Versu 30-36)
Doutór da Lei: ida ne'ebé iha kompaixaun no ajuda ema ne'ebé hetan susar (versu 37).
Na'i Jesus: Bá no halo hanesan ne'e (versu 37).
Konkluzaun: Na'i Jesus dehan atu hetan moris rohan-laek presiza hadomi Maromak no ema seluk. Bainhira ita hadomi Maromak no ema, ita sei la halo saida de'it mak kontra Maromak nia ukun-fuan no sei la halo saida de'it mak estraga ema seluk.
✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| Lukas 10:27 |
0 comments:
Post a Comment