Ema Judeu rihun ba rihun mak la'o tuir Na'i Jesus iha fatin ne'ebé izoladu. Agora sira hamlaha no hamrook maibé sira la iha ai-haan atu haan (Marco 6:36), no dixípulu sira mós la iha osan sufisiente atu fó haan ema lubun boot ne'e (João 6:7), saida mak sira iha mak so paung ne'ebé so sufisiente atu fó haan labarik kiik ida de'it (João 6:9).
Na'i Jesus responde ba situasaun ne'e hó milagre liuhosi multiplika ai-haan ne'ebé sufisiente de'it ba labarik ida sai fali ai-haan ne'ebé bele fó haan ema na'in 5000 liu (João 6:13). Ema hotu-hotu haan to'o bosu no tanba sira haan ikan no paung to'o bosu, sira hakarak obriga foti Na'i Jesus ba liurai (João 6:15, 26).
Lisaun saida mak ita bele aprende?
Lisaun dahuluk, ita tuir Na'i Maromak, la'os tanba ita bosu ka satisfaz ba buat ruma de'it, maibé tanba ita fiar katak Na'i Maromak mak ita Nia kriadór no Nia bele fornese buat hotu ne'ebé ita presiza.
Daruak: iha inisiu, dixípulu sira foka liu ba sira nia esforsu rasik no prekupa hó osan la iha. Lisaun ba ita mak, bainhira hasoru difikuldade ne'ebé ita haree hanesan la iha solusaun, lalika lamenta, maibé ita nia aproximasaun mak intrega buat hotu ka rekursu ne'ebé ita iha ba Maromak no husik Na'i Maromak mak rezolve.
Bainhira Na'i Maromak fó dezafiu ba ita, Nia espera ita atu tau esforsu no rekursu ne'ebé ita iha
(Kolose 3:23–25), maibé iha tempu hanesan Nia hakarak ita halo buat sira ne'e hó fé la'os hó laran susar (Lukas 10:2). Ne'e signifika tau fé ba Maromak, ida ne'e mak Na'i Jesus halo.
Lisaun datoluk, haree ba hanesan dixípulu sira nia osan limitadu tebes no labarik mane nia ai-haan mós uitoan los. Maibé iha Kristu Nia liman, buat ne'ebé haree hanesan ki'ik, sai fali bensaun ne'ebé boot. Hó bensaun ne'ebé boot, sira haan to'o bosu, maibé kuidadu atu labele estraga bensaun ai-haan ne'ebé Maromak fó (João 6:12)
Hó dalan ne'ebé hanesan, ita nia rekursu no ita matenek bele limitadu maibé Kristu bele uza rekursu ne'ebé limitadu atu hetan rezultadu ne'ebé boot. Maromak iha podér tomak. Na'i Maromak bolu ita atu fó saida mak ita iha hó fé ba Nia mesmu ita sente la sufisiente.
✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| João 6:12 |
0 comments:
Post a Comment