Saida mak ita hanoin, influensia atitude

Iha 2005, National Science Foundation publika artigu ida konabá ema nia pensamentu pur dia. Average (media) totál pensamentu ema ida mazumenus 12,000 to'o 60,000 pur dia (mazumenus 8 to'o 42 pensamentu pur minutu). Hosi totál ne'e, 80%  mak pensamentu negativu no 95% mak repete de'it saida mak ita hanoin horseik nian.

Faktu ne'e hautudu mai ita katak naturalmente ita ema moris mai ho buat ne'ebé negativu mak barak liu. Tan ne'e mak Na'i Jesus hatete iha João 3:3  katak atu bele haree reiñu lalehan presiza moris fila fali alias moris foun tuir Na'i Maromak nia hakarak.

Rihun bá rihun pensamentu negativu tama bá ita nia hanoin hosi loron bá loron injeta veneno bá ita nia kakutak no influensia ita nia atitude no ita nia estilu moris nian. Tan ne'e karik maioria hosi ita nia hanoin positivu ita nia atitude sei positivu no kontente. Karik maioria ita nia pensamentu negativu ita nia atitude sei sai negativu no la kontente

Ida ne'e hanesan ho saida mak bíblia hatete iha Proverbio 23: 7 - hanesan saida mak nia hanoin iha  nia laran, nia sei sai nune'e duni  “For as he thinks in his heart, so is he, Proverbs‬ ‭23:7‬ ‭NKJV‬‬. Roman emperor Marcus Aurelius (121-180 AD) konklui, "ita sai hanesan saida mak ita hanoin /we become what we think about.

Matenek nain ida naran Eckhart Tolle nia hatete nune'e "Kauza prinsipál ba la kontenti mak la'os ambiente ka kondisaun iha ne'ebé ita hela bá maibé saida mak ita hanoin. Tan ne'e kuidadu hó saida mak ita hanoin.

Purezemplu loron tomak ita hanoin de'it mak ita nia fen/la'en nia aat sei rezulta bá domin ba ita nia kaben menus, istori malu, soe malu etc. Se loron tomak ita hanoin mak Governante sira nia aat ita liafuan iha FB imi mak hatene de'it bá. Se ita nia hanoin mak domina ho sex ita nia estilu moris mazumenus nakonu ho sex nst.

Mai ita enxe ita nia hanoin ho Maromak nia futarlia liuhosi medita Na'i Maromak nia liafuan loron no kalan (Salmo 1:1-2).

Ho Na'i Maromak nia tulun, hau espera ita sei hahú loron ohin ho pensamentu positivu.

✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Provérbios 23:7