Mesmu nune'e, Na'i Jesus gasta tempu ko'alia hó feto ne'e no revela ka hatudu Nia identidade ne'ebé loloos katak Nia mak Mesias. (João 4:26). Hafoin, feto ne'e fo sasin ba ema seluk hatete katak nia hasoru mane ida mak "hatete buat hotu ne'ebé ha'u halo ona" no ema Samaria barak mak fiar ba Na'i Jesus tanba feto ne'e nia sasin (João 4:39).
Ita iha ita nia moris, karik ita esperiensia buat balu ne'ebé halo ita moe. Ita hotu pernah halo sala no baku ita ren-toos. Karik ita halo ema seluk laran-moras no la moris tuir Na'i Maromak Nia hakarak, hanesan feto Samaria ne'e. Maibé Na'i Jesus iha tempu ba ita hanesan tempu ne'ebé nia gasta hó feto Samaria iha bee-matan. Na'i Jesus prontu hasoru ita iha kondisaun saida de'it mak ita infrenta iha ita nia moris no Nia hatene detaillamente buat hotu iha ita nia moris tomak, buat sira ne'ebé ita halo iha pasadu to'o agora.
Na'i Jesus promesa katak se de'it mak fiar ba Nia, mota bee moris nian sei suli sai hosi sira nia laran (João 4:14; 7:38). Nia esplika katak ida ne'e refere ba Espiritu ne'ebé sira sei simu (João 7:39). Karik ita hamrook ba Jesus iha ita nia moris, Na'i Nia Espiritu sei restaura ita hosi sentimentu moe no esperiensia bee- matan moris nian iha ita nia moris.
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| João 4:14 |
0 comments:
Post a Comment