Ema ne'ebé fiar ba Kristu maski nia mate, nia sei moris fali

Bíblia deskrebe kona-ba mate iha oin 2. Mate dahuluk mak hanesan baibain ema mate tamba moras no tamba ferik no katuas ona. Mate daruak mak mate depoisde resuresaun ema di'ak no ema aat. Iha João 5:28-29 ita lee katak bainhira Na'i Jesus mai fali, mate sira iha rate sei rona nia lian no moris fali, sira ne'ebé di'ak ba moris rohan-laek no sira ne'ebé hahalok aat sei hetan kastigu, ida ne'e mak mate daruak. Ema sira ne'ebé fiar no halo tuir Kristu, mesmu sira mate hanesan baibain ema mate tamba moras ka katuas/ferik sira sei la mate ba daruak maibé goza moris rohan-laek. Ida ne'e mak Na'i Jesus ko'alia iha João 11:25 katak ema ne'ebé fiar ba Nia mesmu mate sei moris fali. Kompara mós 1 Tesalonika 4:16-17. Apokalipse 21: 8 ko'alia kona-ba hahalok sira ne'ebé lori ita ba mate daruak nian "Mas os covardes, os incrédulos, os depravados, os assassinos, os que cometem imoralidade sexual, os que praticam feitiçaria, os idólatras e todos os mentirosos—o lugar deles será no lago de fogo que arde com enxofre. ESTA É A SEGUNDA MORTE"

Jesus hatete ba nia: “Haʼu mak moris-hiʼas no moris. Ema neʼebé hatudu fiar mai haʼu, maski nia mate, nia sei moris fali. João 11:25 TMF

Jesus dehan ba nia, “Hau mak kbiit moris fali nian no Hau mak moris. Ema nebee fiar mai Hau, maski nia mate, nia sei moris. João 11:25 BK

Disse-lhe Jesus: “Eu sou a ressurreição e a vida. Aquele que crê em mim, ainda que morra, viverá. João 11:25 NVI

Jawab Yesus: ”Akulah kebangkitan dan hidup; barangsiapa percaya kepada-Ku, ia akan hidup walaupun ia sudah mati. Yohanes 11:25 TB

Jesus said to her, “I am the resurrection and the life. He who believes in Me, though he may die, he shall live. John 11:25 NKJV

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏