Kuidadu ho saida mak ita hanoin, saida mak ita ko'alia, saida mak ita haree

Proverbios  4:20-27

20Hau nia oan, tau atensaun ba buat nebee hau dehan, see o nia tilun ba hau nia liafuan sira. 21La bele husik sira sees hosi o nia matan, proteje sira iha o nia fuan laran.

22Tanba liafuan sira nee mak moris ba ema nebee hetan sira, no sira foo saude diak ba ninia isin tomak. 23Proteje o nia fuan laran ho seguransa makaas,tanba o nia moris mosu mai hosi o nia fuan laran. 24Hasai ibun aat hosi o, no sees dook hosi ibun tutun nebee koalia aat. 25Husik o nia matan hateke loos,

no haree ba oin deit. 26Hanoin kona ba o nia ain sira nia dalan, no lao liu hosi dalan nebee metin deit. 27La bele fila ba liman loos ka liman karuk, fila o nia ain hosi hahalok aat.

Meu filho, escute o que digo a você; preste atenção às minhas palavras. Nunca as perca de vista; guarde-as no fundo do coração, pois são vida para quem as encontra e saúde para todo o seu ser. Acima de tudo, guarde o seu coração, pois dele depende toda a sua vida. Afaste da sua boca as palavras perversas; fique longe dos seus lábios a maldade. Olhe sempre para a frente, mantenha o olhar fixo no que está adiante de você. Veja bem por onde anda, e os seus passos serão seguros. Não se desvie nem para a direita nem para a esquerda; afaste os seus pés da maldade. Provérbios 4:20‭-‬27 NVI

Iha leitura iha leten, ita haree area haat ne'ebé presiza tau-matan karik ita hakarak enjoy vitoria iha tentasaun:

Kuidadu ho saida mak ó hanoin

Ó bele hili saida mak ó hanoin. "Proteje o nia fuan laran ho seguransa makaas,tanba o nia moris mosu mai hosi o nia fuan laran" Proverbs 4:23. Presiza ense ita-nia laran ho buat di'ak - liuliu Na'i Maromak ninia lia-fuan (Proverbs 4:20–21). Tamba lia-fuan sira for moris no Saúde (Prov 4:22). Hanoin kona-ba: "loos, buat hotu neʼebé importante, buat hotu neʼebé diʼak tuir Maromak nia haree, buat hotu neʼebé moos, buat hotu neʼebé haburas domin, buat hotu neʼebé merese respeitu, no buat hotu neʼebé santu no buat hotu neʼebé merese hahiʼi" (Fil. 4:8).

Kuidadu ho saida mak ita ko'alia

Ita-nia lia-fuan iha podér. Uza ita-nia lia-fuan ho kuidadu. "Hasai ibun aat hosi o, no sees dook hosi ibun tutun nebee koalia aat" (Prov. 4:24). Bainhira ita ko'alia, presiza husu ita-nia aan: seraké saida mak ha'u ko'alia loos, di'ak no nesesariu?

Kuidadu ho saida mak ita haree

Guarda ita-nia matan. Kuidadu ita-nia matan saida mak ita haree (espesialmente lha tempu agora iha ne'ebé TV, no internet, sosiál media hatudu buat imorál barak). "Husik o nia matan hateke loos, no haree ba oin deit" (Prov. 4:.25). Jesus for atensaun katak Karik ita haree ba buat ne'ebé la loos "ita-nia isin-lolon tomak sai nakukun. Maibé nia mós dehan "see ó-nia matan di'ak, ó-nia isin-lolon tomak vl sei nakonu ho naroman" (Mateus 6:22–23).

Kuidadu ba fatin ne'ebé ita atu ba

Ita sei evita tentasaun Barak bainhira ita kuidadu kona-ba fatin ne'ebé ita atu ba. "Hanoin kona ba o nia ain sira nia dalan....fila o nia ain hosi hahalok aat" (Prov. 4:26–27). Autór libru Ebreu sita hosi versu ne'e. Nia hanorin ita atu "....no mai ita halai taru ho pasiénsia tuir dalan nebee iha ita nia oin. Hateke ba Jesus, nebee huun no rohan ba ita nia fiar...no hametin imi nia ain tuur nebee fraku (Ebreu 12:1–2,12).

Atu hetan vitoria ba tentasaun ita presiza kuidadu ho: saida mak ita hanoin, saida mak ita ko'alia, saida mak ita haree no kuidadu ho ita-nia ain atu la'o ba ne'ebé.

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏