Lalehan no rai sei lakon, maibé Jesus ninia lia-fuan sira sei la lakon

Jesus dehan Nia mak dalan, lia-loos no moris (João 14:6). Jesus promete sei mai fali ba daruak (João 14:1-3). Jesus hanesan iha horseik, ohin no ba nafatin (Ebreu 13:8). Saida mak Jesus hatete sei sai nune'e duni. To'o mundu no lalehan remata mós Na'i Jesus Ninia lia-fuan sei mantein. Konsidera Na'i Jesus Ninia lia-fuan tuir mai:

Lalehan no rai sei lakon, maibé haʼu-nia liafuan sira sei la lakon. Marcos 13:31 TMF

Lalehan no mundu sei lakon, maibee Hau nia liafuan sei nunka lakon. Marcos 13:31 BK

Os céus e a terra passarão, mas as minhas palavras jamais passarão. Marcos 13:31 NVI

Langit dan bumi akan berlalu, tetapi perkataan-Ku tidak akan berlalu. Markus 13:31 TB

Heaven and earth will pass away, but My words will by no means pass away. Mark 13:31 NKJV

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏