Ita-nia isin hanesan templu Maromak nian

Kuidadu ita-nia isin. Labele uza ita isin hanesan instrumentu ba halo pekadu, maibé uza isin hodi adora Na'i Maromak mesak de'it. 

Ita lee iha evanjellu João 2:13-22, Jesus defini fila fali sentidu hosi templu. Jesus Ninia isin hanesan templu ne'ebé loos. Jesus dehan ba Farizeu sira “Halakon Templu nee no Hau sei harii fali iha loron tolu nia laran” João 2:19. Templu ne'ebé loos ema sei harahun maibé Maromak bele konstrui fila fali liuhosi resuresaun. Ema sira ne'ebé rona la kompriende ida ne'e no husu "oinsá Nia bele harii templu ne'e iha de'it loron 3, maibé João esplika "Maibee Jesus koalia kona ba templu nebee Ninia isin lolon rasik" João 2:21

Templu ne'e importante tamba templu simbulu ba Maromak Ninia presenza. Templu hanesan fatin iha ne'ebé ema no Maromak hasoru malu. Jesus Nia lia-fuan ne'e hatudu katak Nia mak templu foun. Jesus hanesan fatin Aman Maromak Nia hela fatin iha mundu. Liuhosi Jesus, Maromak bolu ita atu sai fatin iha ne'ebé Maromak hela ba. Ita-nia isin mak templu iha ne'ebé Espiritu Maromak horik ba (1 Kor 6:19).

Imi hatene ka lae katak imi nia isin lolon mak templu ba Espíritu Santu nebee iha imi nia laran? Imi simu ona Espíritu nee hosi Maromak. Imi laos imi nian. 1 Kor 6:19 BK

Acaso não sabem que o corpo de vocês é santuário do Espírito Santo que habita em vocês, que lhes foi dado por Deus, e que vocês não são de vocês mesmos? 1 Coríntios 6:19 NVI

Or do you not know that your body is the temple of the Holy Spirit who is in you, whom you have from God, and you are not your own? I Corinthians 6:19 NKJV

Referensia

Evanjellu João 2:13-22 no 1 Kor. 6: 12-20

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏