La iha ema ida ne'ebé loos iha Maromak nia oin

Avo David buka salvadór Ida " Oh katak salvasaun ba Israel sei sai mai hosi Zion! (Salmos 53:6a). Avo David ninia dezezu kompleta iha Jesus. Apostolu Paulo sita Salmo ne'e atu hatudu katak ema hotu presiza salvadór ida (Roma 3:10-12)

Bainhira Apostolo Paulo ezamina ema iha mundu - Ema Judeu no Jentiu, morál no imorál nia foti konkluzaun ida katak la iha ema ida iha mundu mak di'ak no loos iha Maromak Ninia futar-oin. Apostolu Paulo hakerek "Tanba la iha ema ida nebee sai loos iha Maromak nia oin liu hosi halo tuir lei. Maibee liu hosi lei ita hatene kona ba ita nia sala" Roma 3:20 BK

Evanjellu ninia furak mak, ita ema ne'ebé la loos, bele deklara hanesan ema loos liuhosi Jesus Ninia loos ne'ebé perfeitu. Maromak Ninia loos ne'e ita bele hetan liuhosi Jesus "Ema hotu nebee fiar bele hetan moris loos hosi Maromak. Ida nee mai liu hosi fiar iha Jesus Kristu" Roma 3:22

Fiar ba ba Jesus no halo tuir Ninia lia-fuan iha Sagrada Bíblia.

Referensia

Salmo 53:6 no Roma 3:10-22

10 Hanesan sira hakerek nanis ona, “La iha ema ida nebee moris loos, ida mos la iha.

11 La iha ema ida nebee kompriende, la iha ida nebee buka tuir Maromak.

12 Sira hotu lao sees ona, hamutuk sira sai folin laek; la iha ida nebee halo diak, ida mos la iha.”b

13 “Sira nia kakorok hanesan rate nebee nakloke hela, sira lohi ho sira nia nanaal.” “Samea nia veneno mak iha sira nia ibun tutun.”c

14 “Sira nia ibun nakonu ho malisan no liafuan moruk.”d

15 “Sira nia ain halai atu fakar raan.”e

16 “Sira lao tuir dalan nebee halakon no foo terus.

17 Sira la hatene dalan dame nian.”f

18 “Sira nia matan la hamtauk Maromak.”g

19 Agora, ita hatene katak saida mak lei dehan, lei nee dehan ba sira nebee iha lei nia okos. Atu nunee ibun hotu sei nonook, no ema hotu iha mundu merese atu simu kastigu iha Maromak nia oin.

20 Tanba la iha ema ida nebee sai loos iha Maromak nia oin liu hosi halo tuir lei. Maibee liu hosi lei ita hatene kona ba ita nia sala.

> Moris Loos Liu Hosi Fiar

21 Maibee agora, moris loos mosu mai hosi Maromak nebee ketak hosi lei. Lei no profeta sira foo sasin kona ba moris loos nee.

22 Ema hotu nebee fiar bele hetan moris loos hosi Maromak. Ida nee mai liu hosi fiar iha Jesus Kristu. Ema hotu hanesan deit. Roma 3:10-22

✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏