Agora, fiar mak laran metin ba buat sira nebee ita espera atu simu, no hatudu realidade kona ba buat sira nebee ita la haree. Ebreu 11:1 BK
Fé ne'e mak parte esensial ida hodi ita bele la'o tuir Na'i Jesus.
Ebreu 11: 6 hatete: "Maibee se ita la fiar, ita la bele halo Maromak kontenti" no Efesu 2:8 hatete"Tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik, maibee ida nee mak prezenti hosi Maromak"
Tan ne'e, ita labele tau fiar liu ba ita-nia fé rasik, maibé tau fiar ba Maromak. Nia de'it mak bele kria, salva no sustenta. Ita la bele hatene buat hotu, maibé ita bele hatene Maromak, ne'ebé hatene buat hotu. Tan ne'e mak di'ak liu atu tau fiar ba Maromak.
Maibé la fasil atu tau ita-nia fé ba prátika. Hakerek-nain husi Ebreu hatete katak fiar hahú hosi tau fiar ba buat ne'ebé ita espera. Liután ne'e, ita iha serteza ba buat ne'ebé ita la bele haree.
Maski ida-ne'e hanesan kontradisaun ida, maibé fé rekere tau fiar ba buat ida ne'ebé fora hosi ita-nia an. Se ita bele haree no sukat, ida-ne'e la presiza fé. Porezemplu, iha Eskritura ita lee katak Maromak kria lalehan no rai rai no buat hotu ne'ebé iha rai (Jenesis 1:1) Maibé ita la iha ne'ebá bainhira kriasaun ne'e akontese. Presiza fé atu fiar ida-ne'e.
Jesus hatete katak sira ne'ebé fiar ba Nia, sei simu moris rohan-laek, maibé ne'e mak promesa ba futuru ne'ebé sei mai. Ita tenke iha fé katak Jesus sei kumpre ninia promesa sira, no loron ida ita sei hamutuk ho Nia iha lalehan hanesan Nia promete ona iha João 14:1-3.
Fé mak serteza katak saida mak Maromak promete sei akontese. Fé mak konfia katak saida mak Jesus dehan ne'e loos duni. Tan ne'e mak ema sira iha Eskritura hein ho laran-metin ba Maromak atu kumpre ninia promesa sira. Karik sira barak mak la haree kumprimentu ba Maromak Ninia promesa ne'e bainhira sira sei moris, maibé sira iha fé katak Maromak sei kontinua halo tuir saida mak Nia promete ona
Gasta tempu atu hanoin kona-ba Ita-nia fiar rasik. Serake Ita-nia fiar nakonu ho esperansa? Halo orasaun ba Maromak atu fó garantia katak ninia promesa hotu sei sai loos. No bainhira ita halo ida ne'e, aprende husi istória sira ne'ebé temi iha Ebreu 11 kona-ba oinsá mak ita bele tau ita-nia fé ba pratika
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
0 comments:
Post a Comment