Nai, ó-nia Maromak, mak iha ó-nia laran, Nia mak asuwain ida ne'ebé sei salva ó; Nia sei sai haksolok kona ba ó ho laran kontenti; Nia sei hamaus ó ho Ninia domin; Nia sei dansa no kanta makaas kona ba ó. Sofonias 3:17 BK
Livru Sofonias ko'alia kona-ba julgamentu no mós kona-ba esperansa. Antes ne'e, iha versíkulu anterior, Maromak ko'alia kona-ba koresaun ba Ninia povu tanba sira-nia sala. Maibé kuandu ita to'o iha versíkulu 17, mensajen ne'e muda hodi fó komfortu no restaurasaun. Maromak promete atu hamutuk fali ho Ninia povu no salva sira.
Versíkulu ne'e hatudu katak la iha maromak ida mak hanesan ita-nia Maromak. Maromak ne'e deskrebe hanesan funu-na'in ne'ebé forte atu salva Ninia povu. Maibé Iha tempu hanesan, lNia mós hatudu laran-mamar no domin. Nia la'ós de'it proteje ita, maibé Nia mós haksolok ho ita. Ida-ne'e fó komfortu ba ita, liuliu kuandu ita sente fraku ka senti la merese.
Zefanias 3:17 hatete mai ita katak Maromak haksolok ba Ninia povu ho kanta knananuk. Ne'e signifika katak Maromak la dook no prekupa ho ita. Nia kuida tebes ita. Nia hadomi tebes ita to'o nia bele haksolok iha ninia relasaun ho ita. La iha maromak seluk mak hanesan ne'e, ne'ebé forte atu salva no iha tempu hanesan hadomi ita.
Versíkulu ne'e mós fó-hanoin ita katak Maromak hamutuk ho Ninia povu. "Nai, imi-nia Maromak, hamutuk ho imi" signifika katak ita nunka mesak de'it. Iha tempu ta'uk, triste, ka susar, Maromak nafatin besik no fó dame mai ita.
Hatene lia-loos ida ne'e ajuda ita tau fiar ba Maromak liután. Kuandu ita komprende kona-ba Ninia domin no podér, ita-nia laran nakonu ho esperansa no fiar.
La iha maromak ida hanesan ita-nia Maromak, ne'ebé forte, domin na'in, no sempre besik. Kuandu ita tau fiar ba Nia no deskansa iha Ninia domin, Nia lidera ita ho ksolok no laran-metin hodi nafatin la'o iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment