Prepara ita-nia laran hodi hasoru Maromak

Tanba iha fatin ne'ebé ó rai ó-nia riku-soin, ó-nia fuan laran mós iha ne'ebá. Mateus 6:21 BK 

Mateus 6:21

Iha Mateus kapítulu 6, Jesus hanorin kona-ba devosaun neʼebé loos ba Maromak. Antes versíkulu 21, Jesus hatete katak rai rikusoin iha lalehan duke rai iha mundu. Riku-soin mundu nian bele lakon, ema na'ok, ka hetan destroi. Maibé rikusoin iha lalehan sei iha ba nafatin. Hanorin ne'e ajuda ita komprende oinsá mak ita bele prepara ita-nia laran atu hasoru Maromak. 

Ita-nia laran tuir buat ne'ebé ita hafolin liu. Se ita-nia rikusoin boot liu mak osan, riku, ka susesu, ita-nia laran sei iha ligasaun ho buat ne'ebé la dura. Maibé se ita-nia rikusoin mak Maromak, ita-nia laran sei hakbesik liután ba Nia. Prepara ita-nia laran hodi hasoru Maromak, signifika hili Maromak nu'udar ita-nia prioridade boot liu. 

Jesus la dehan katak iha rikusoin ne'e sala. Nia hanorin ita atu labele husik rikusoin kontrola ita-nia laran. Bainhira ita tau uluk Maromak, buat hotu seluk mós hetan fatin ne'ebé loos. Laran ne'ebé preparadu ba Maromak mak laran ne'ebé hadomi liu Nia duke buat seluk mundu nian. 

Ita prepara ita-nia laran liuhusi uza tempu halo orasaun, lee Ninia Liafuan, no moris tuir Ninia hanorin sira iha sagradaEskritura. Ita mós prepara ita-nia laran liuhusi husik hahalok sala, fo perdua, no husik hakarak sira ne'ebé hanoin an de'it. Kuandu ita-nia laran moos no foka liu ba Maromak, ita bele hasoru Nia. 

Versíkulu ne'e dezafia ita atu husu ho onestu pergunta ida: Saida mak ita hafolin liu iha ita-niamoris? Ita-nia resposta hatudu katak ita-nia laran iha ne'ebá. Maromak hakarak ita-nia laran, la'ós de'it ita-nia asaun de'it. 

Kuandu ita hili Maromak nu'udar ita-nia rikusoin boot liu no prepara ita-nia laran atu hasoru Nia, ita-nia moris hetan transformasaun. Moris ho laran ne'ebé foka ba Maromak lori ita hakbesik liután ba Nia loroloron, no ida ne'e ajuda ita atu kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏