Moris loos tamba fé

Tanba evanjellu nee hatudu Maromak Nia hahalok loos, hosi fiar ba fiar, tuir buat ne'ebé hakerek nanis ona, “Ema loos sei moris liu hosi fiar.” Roma 1:17 BK

Roma 1:17 

Versikulu ne'e hakerek husi apóstolu Paulo, no versikulu ne'e sai lia-loos ida-ne'ebé importante liu iha Biblia. Apóstolu Paulo esplika katak ita sai loos iha Maromak Nia futar-oin la'ós liuhosi ita-nia serbisu di'ak sira ka ita-nia relijiaun, maibé liuhosi ita-nia fiar ba Jesus Kristu. 

Sai ema loos signifika katak ita iha relasaun ne'ebé loos ho Maromak, ne'ebé livre husi sentimentu sala no pekadu. Maibé la iha ema ida entre ita mak bele halo rasik ida ne'e. Ita hotu halo ona sala no lakon Maromak Nia glória (Roma 3:23). Tan ne'e mak Maromak haruka Ninia Oan-Mane Jesus mai iha mundu ne'e (João 3:16). Kuandu Jesus mate iha kruz, nia foti ita-nia sala no fó ninia hahalok loos ba ita. Agora, ema se de'it ne'ebé fiar ba Jesus sei hetan perdua no hetan aseitasaun hosi Maromak. 

Ida ne'e mak sentidu hosi moris liuhusi fiar. Ita fiar tomak ba buat ne'ebé Jesus halo ona ba ita, la'ós ba buat ne'ebé ita bele halo ba ita aan rasik. Fé la'ós de'it fiar katak Maromak ezisti - maibé depende ba Nia loroloron, halo tuir Ninia Liafuan sira, no la'o tuir Ninia grasa. 

Kuandu ita moris ho fiar/fé, ita-nia laran nakonu ho dame no esperansa. Ita la koko tan atu hetan Maromak Nia domin, maibé ita simu de'it domin ne'e. No bainhira ita tau fiar nafatin ba Jesus, Ninia hahalok loos taka ita no lori ita ho seguru ba moris rohan-laek. 

Dalan ida de'it atu ita bele sai ema ne'ebé loos no atu hetan moris rohan-laek mak liuhusi fiar ba Jesus Kristu - ne'ebé uníku direji ita atu la'o iha dalan ba lalehan. 

Orasaun: Nai Jesus, obrigadu tanba halo ami sai loos liuhusi fiar ba ita Ita. Ajuda ami atu tau fiar ba Ita liutan kada loron no la'o ho laran-metin iha dalan ba lalehan. Amen.

Roma 1:17 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sentru ba SALVASAUN

Maromak hola fali ita ho Jesus Nia raan. Nune'e ita hetan perdua ba ita-nia sala tuir Ninia grasa ne'ebé boot tebes. Éfezu 1:7 BK

Éfezu 1:7

Kurasaun hosi Evanjellu - sentru ba SALVASAUN mak Jesus Kristu nia raan. Houri uluk kedas iha Biblia, Maromak hatudu katak pekadu ne'e sériu no presiza fó perdua liuhosi fakar raan. Tamba Ebreu 9:22 hatete "Nee duni, tuir lei kuaze buat hotu tenki halo moos ho raan. Bainhira raan la fakar, la iha perdua ba sala". Iha Testamentu Antigu, ema hasa'e sakrifísiu animál nian hodi kasu sira-nia sala, maibé sakrifísiu sira-ne'e mak símbolu de'it. Sira hatudu de'it kona-ba sakrifísiu ne'ebé perfeitu ne'ebé sei mai - Jesus Kristu, Maromak nia Bibi-Oan. 

Kuandu Jesus mate iha kruz, Nia fó Ninia moris ba ita. Ninia raan la'ós de'it ema nia raan, maibé Maromak Nia Oan-Mane Nia raan. Liuhusi Ninia mate, Nia selu ita-nia sala sira. Tanba Jesus Nia sakrifísiu, ita bele hetan perdua, hamoos hosi sala no restaura fali ita-nia relasaun di'ak ho Maromak. Ne'e mak Efeso 1: 7 dehan: "Maromak hola fali ita ho Jesus Nia raan" 

Ita labele sosa ita-nia salvasaun liuhusi serbisu di'ak, osan, ka relijiaun. Perdua mak prezente grasa nian - ne'ebé ita so hetan de'it, liuhusi fiar ba Jesus Kristu. Krús fó-hanoin ita katak salvasaun mak kustu-boot tebes, maibé Jesus selu kotu ona salvasaun ne'e. 

Kuandu ita simu Ninia sakrifísiu no moris iha Ninia grasa, ita-nia laran sai moos, no ita simu promesa kona-ba moris rohan-laek. Jesus Nia raan la'ós de'it salva ita husi pekadu, maibé loke mós odamatan atu la'o iha dalan loos ba lalehan. 

Orasaun: Na'i Jesus, obrigadu tanba Ita fó ona Ita-nia raan ba ami. Ajuda ami atu moris loroloron hodi agradese ba Ita-nia sakrifísiu no la'o ho laran-metin iha Ita-nia dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak: Fatuk, Fortaleza & salvadór

Na'i mak ha'u-nia Fatuk Aas, ha'u-nia fortaleza no ha'u-nia salvadór, ha'u-nia Maromak, ha'u-nia Fatuk, ha'u-nia subar fatin, ha'u-nia eskudu, ha'u-nia dikur salvasaun nian, ha'u-nia Fatin Aas nebee seguru! Salmu 18:2 BK

Salmu 18:2

Liurai David hakerek salmu ne'e bainhira Maromak salva nia husi ninia inimigu sira. Nia hasoru ona funu barak, perigu no ta'uk, maibé nia hetan seguransa no forsa iha Na'i. Liurai David bolu Maromak ninia fatuk, ninia forsa, no ninia salvadór - liafuan ne'ebé hatudu fiar no seguransa. 

Kuandu David hatete: "Nai mak ha'u-nia fatuk," nia hatete katak Maromak ne'e forsa, la muda, no Nia bele depende ba. Hanesan fatuk ne'ebé la muda bainhira anin-fuik mosu, Maromak mós nunka muda bainhira susar haleu ita. Kuandu buat seluk sente nakdoko, Maromak nafatin firme. 

Nia mós bolu Maromak nia fortaleza- fatin seguru ida-ne'ebé nia bele subar husi perigu. Ita mós bele halai ba Maromak kuandu ita ta'uk, kole, ka sente kanek. Nia proteje ita, la'ós atu sempre halakon problema hotu, maibé Nia sei fó ita forsa, dame, no korajen atu hasoru problema sira-ne'e. 

No liurai David dehan katak Maromak mak salvadór. Ida ne'e signifika katak Maromak salva ita, la'ós de'it husi inimigu sira, maibé mós husi pekadu, ta'uk no iha tempu ita la iha esperansa. Iha Jesus Kristu, Maromak sai ita-nia salvasaun ba nafatin. Nia salva ita husi pekadu no fó ita moris rohan-laek. 

Kuandu ita tau fiar ba Maromak nu'udar ita-nia Fatuk, ita hamriik metin maski ita hasoru susar iha ita-nia moris. Nia mak ita-nia fatin seguru agora no ba nafatin - no tau fiar ba Nia de'it mak dalan ne'ebé seguru ba lalehan. 

Orasaun: Nai, Ita mak ami-nia fatuk no ami-nia fatin Subar iha perigu laran. Kuandu ami fraku ka ta'uk, ajuda ami atu hamriik metin iha Ita no la'o ho laran-metin iha dalan ba lalehan. Amen.

Salmu 18:2

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More