Na'i Jesus, Liurai Lia Loos nian

Tan neʼe Pilatos dehan ba nia: “Se nuneʼe, ó mak liurai ida ka?” Jesus hatán: “Ita rasik mak dehan katak haʼu liurai ida. Tan neʼe mak haʼu moris mai, no tan neʼe mak haʼu mai iha mundu, atu haʼu fó sasin kona-ba lia-loos. EMA HOTU NEʼEBÉ HALO TUIR LIA-LOOS RONA HAʼU-NIA LIAN. João 18:37

Jesus mai hanesan Liurai. Nia la mai hanesan Liurai ne'ebé hatais ropa Liurai nian iha palasiu. Maibé Nia Mai hanesan Liurai ba Lia Loos nian iha simplisidade hamutuk hó ema bainbain no Nia Apostolu sira. Nia misaun la'os atu halakon forsa politiku, maibé Nia misaun mak atu manan ema nia laran - ema hotu-hotu la'os de'it ema Judeu sira.

Maibé Lia Loos ne'e fó amiesa ka perigu ba ema balu.  Ukun na'in sira ne'ebé ukun hó dalan ne'ebé la loos sinti katak Na'i Jesus Nia hanorin ne'ebé loos fó amiesa ba sira Nia autoridade. Ema sira ne'ebé ukun hó dalan ne'ebé la loos ta'uk Lia Loos.  Tanba ne'e sira oho Liurai ba Lia Loos atu asegura sira nia hahalok aat sira ne'e.   Ita hotu hatene katak bainhira Lia Loos ne'e  ema hatene ona, ukun na'in sira ne'ebé ukun hó Lia bobar ka bosok-teen nunka manan.   Ohin loron ita bele haree, Pilatus, Herodes no Cesar nia podér iha ne'ebé? Sira ne'e HELENA (Hela ho naran) de'it. Ita hatene de'it sira tanba ema Hakerek iha historia no fatuk homenajen sira  Maibé Na'i Jesus, Liurai ba Lia Loos, sei ukun ema Nia laran hosi rasa, suku no nasaun barak iha mundu to'o ohin loron, Na'i Jesus mak Liurai ba Lia Loos.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 18:37

Read More

Oinsá ita Koñese Maromak?

"Neʼe mak moris rohan-laek: Katak sira hatene Ita, Maromak loos mesak deʼit, no mós Jesus Kristu neʼebé Ita haruka mai" João 17:3

Iha João 17:3, Jesus deskrebe moris Rohan-laek mak koñese Maromak. Liafuan  Koñese  la indika  relasaun ne'ebé baibain maibé relasaun ne'ebé rabat tebes. Tipu relasaun ida ne'e mak ita tenki dezenvolve bainhira moris iha mundu ne'e atu hetan moris Rohan-laek.

Maromak hatene buat hotu-hotu. Versu Barak iha bíblia hatudu katak Maromak hatene ita (Ezemplu .1Korintu 8:3, Galatia 4:6) Tan ne'e se ita Nia koñesementu ba Maromak ne'e la kle'an ka  kulit li'ur de'it, Maromak mós hatene. 

» I Korintu 8:3: "Maibé se ema ida hadomi Maromak, Maromak hatene ona nia"

» Galatians 4:9: "Maibé agora imi hatene ona Maromak, ka haʼu bele dehan katak Maromak hatene ona imi, entaun oinsá mak imi fila fali ba buat neʼebé fraku no buat neʼebé la iha folin iha mundu neʼe no hakarak sai atan fali ba buat sira-neʼe?

Maromak hatene ita Nia motivu hotu, Maromak hatene ita nia laran.

"Dalan neʼebé ema haree la hanesan ho dalan neʼebé Maromak haree, tanba ema haree deʼit buat neʼebé iha liʼur, maibé Maromak haree ema nia laran.” 1 Samuel 16:7

Atu hetan moris Rohan-laek, Maromak tenki koñese ita no ita mós tenki koñese Maromak. Saida mak definisaun koñese Maromak tuir bíblia Nia hanorin? 

Bíblia deskrebe:

Se ita kontinua halo tuir ninia ukun-fuan sira, neʼe katak ita hatene ona nia. Ema neʼebé dehan: “Haʼu hatene ona nia”, maibé la halo tuir ninia ukun-fuan sira, ema neʼe bosok-teen, no lia-loos la hela iha ema neʼe. 1 João 2:3-4

Se ita dehan ita koñese Maromak maibé la halo tuir Nia ukunfuan sira ne'ebé Hakerek iha libru Éxodos 20:3-17, ita ema ne'ebé bosok-teen

Saida mak akontese se Maromak la koñese ita tamba ita la halo tuir Nia ukunfuan sira?

 Bíblia hatán:...Laʼós ema hotu neʼebé dehan mai haʼu: ‘Naʼi, Naʼi’, sei tama ba Reiñu lalehan nian, maibé ema neʼebé halo tuir haʼu-nia Aman iha lalehan nia hakarak mak sei tama ba Reiñu Lalehan. Iha loron neʼebá ema barak sei dehan mai haʼu: ‘Naʼi, Naʼi, ami fó sai profesia no duni sai diabu sira, no ami mós halo milagre barak hodi Ita-Boot nia naran, loos ka lae?’ Maibé haʼu sei hatete ba sira: ‘Haʼu la hatene imi! Hadook an tiha husi haʼu, imi neʼebé la halo tuir ukunfuan sira. Mateus 7:21-23

Na'i Jesus dehan "Se imi hadomi haʼu, imi sei halo tuir haʼu-nia ukun-fuan sira" João 14:15

Mai ita lee no kompriende Na'i Maromak Nia ukunfuan sira ne'ebé Hakerek iha libru Éxodos 20:3-17 no halo tuir. 

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 17:3

Read More

Oinsá bíblia Nia hanorin Kona-ba Orasaun ba ema mate?

Iha dutrina balu mak hanorin atu ita halo orasaun ba ema mate atu sira   bele hases an hosi ahi infernu.

Oinsá bíblia Nia hanorin Kona-ba dutrina ne'e? Seráke ida ne'e loos?

Mai ita rona Saida mak Maromak Nia futarlia hatete:

Halo orasaun ba ema mate ne'e saugati de'it tanba bíblia hanorin katak ema mate lahatene buat ida.
Mai ita lee Ecclesiastes/Pengkotbah 9:5-6 tuir mai:....Tanba ema neʼebé moris hela hatene katak sira sei mate, maibé ema neʼebé mate ona la hatene buat ida, no sira la simu tan kolen, tanba ema haluha ona buat hotu kona-ba sira. No sira-nia domin, sira-nia odi no sira-nia laran-moras mós lakon mohu ona, no sira la hola parte tan iha buat hotu neʼebé ema halo iha loro-matan okos.

Bíblia mós hanorin katak ema ne'ebé mate ona sei hetan julgamentu bazeia ba saida de'it mak sira halo ona durante sira Nia moris. Mai ita lee Maromak Nia futarlia iha Apokalipse/ Wahyu 20:12-13.....Depois neʼe, haʼu haree ema sira neʼebé mate ona, kiʼik no boot, sira hamriik iha kadunan nia oin, no livru sira loke tiha. Maibé, iha mós livru ida seluk neʼebé loke tiha; neʼe mak livru moris nian. Liuhusi buat sira neʼebé hakerek iha livru sira-neʼe mak ema mate sira sei hetan JULGAMENTU TUIR SIRA-NIA HAHALOK. Tasi entrega ema mate sira neʼebé iha laran, no mate no rate entrega ema mate sira neʼebé iha laran, no ema ida-idak hetan JULGAMENTU TUIR SIRA-NIA HAHALOK.

Entaun antes ita mate, ita tenki halo buat ne'ebé loos tuir Maromak Nia hanorin.  La lika tau esperansa ba ema atu halo  orasaun mai ita bainhira ita mate ona, tanba ida ne'e saugati de'it tanba sira lahatene buat ida.

Maromak Nia futarlia iha Ebreu/Ibrani 9:27 hatete nune'e: Hanesan ema sei mate dala ida deʼit, depois neʼe  JULGAMENTU”

Ema sira ne'ebé mate ona agora iha ne'ebé? Toba iha rate

Mai ita lee iha João 5:28-29
Keta hakfodak kona-ba neʼe, tanba oras sei toʼo mai kuandu ema hotu neʼebé iha rate laran sei rona ninia lian no sai husi rate. Sira neʼebé halo buat diʼak sei moris-hiʼas atu hetan moris rohan-laek, no sira neʼebé halo hahalok aat sei moris hiʼas atu hetan kondenasaun

Kriteria ba ema ne'ebé mak bele tama ba Lalehan mak: sira ne'ebé moris foun tuir Kristu Nia hanorin no intrega sira nia an ba Kristu (Roma 5: 8-10, João 3: 36).Tan ne'e antes mate presiza arependementu no halo buat ne'ebé tuir Maromak Nia ukunfuan.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Ecclesiastes 9:5-6

Read More