Halo ida-neʼe hodi hanoin haʼu. Lukas 22:19

No mós, nia foti paun ida, no depois fó tiha agradese, nia silu hodi fó ba sira no dehan: “Neʼe reprezenta haʼu-nia isin neʼebé haʼu sei fó ba imi-nia diʼak. Halo ida-neʼe hodi hanoin haʼu. Lukas 22:19

Bibi-oan, ne'ebé oho desde fundasaun mundu, hó haraikan hamriik iha Nia dixípulu sira, iha paskua ida ne'ebé úniku liu paskua hotu-hotu ne'ebé ema Israel sira selebra, iha tempu ne'ebá Na'i foti paung fahe ba Nia eskolante sira no dehan   "Neʼe reprezenta haʼu-nia isin neʼebé haʼu sei fó ba imi-nia diʼak. Halo ida-neʼe hodi hanoin haʼu"

Orden atu selebra paskua mai hosi Na'i Maromak liuhosi Moses (ita bele lee iha Éxodos 12). Bazeia ba instrusaun iha kapítulu ne'e
Tinan barak nia laran desde éxodus hosi Ijitu (Egypt), ema Israel sira sempre hili bibi-oan ne'ebé inosente, isin perfeitu  no oho iha altar sakrifisiu santuariu nian atu oferese ba Maromak - hanesan imajen ida kona-ba Mesias ne'ebé atu mai atu soi ita hosi sala no oferese Nia moris hanesan ita nia redentor ba mundu tomak. Na'i Jesus Nia isin no raan besik atu fakar ba sala ema hotu nian.

Na'i Jesus mak Paung moris nian (João 6:48)  –  manna ne'ebé Maromak haruka hosi Lalehan atu fó nia moris atu soi ita. 

Nia harahun paung ne'ebé la fermenta (roti tidak beragi/unfermented bread) - reprezenta Na'i Jesus Nia isin ne'ebé sala la iha no foti kalis, reprezenta Nia raan moris nian ne'ebé fakar  atu salva ita ema maksalak.

Na'i Jesus foti Paung no harahun fahe ba Nia eskolante sira hatudu imajen kona-ba Na'i Jesus Nia isin ne'ebé hetan estraga iha kruz no Nia raan moris nian fakar iha Maromak Nia futar- oin hanesan oferta ba pekadu atu selu hau no ó nia sala.

Se Na'i Jesus la mai mate iha kruz ita labele hetan  moris Rohan-laek, tanbasá? Tanba ita nia sala seidauk kasu. No bainhira sala seidauk kasu, ita sei hetan mate rohan-laek. Na'i Maromak Nia futarlia ko'alia "Tanba sala nia kolen mak mate, maibé prezente neʼebé Maromak fó mak moris rohan-laek liuhusi Kristu Jesus ita-nia Naʼi" Roma 6:23

Na'i Maromak Nia liafuan iha João 3:16 hatete "Maromak hadomi tebes mundu toʼo fó nia Oan-Mane mesak, atu nuneʼe ema hotu neʼebé  fiar ba nia sei la lakon, maibé hetan moris rohan-laek "

Sakrifisiu Na'i Jesus nian mak bele kasu sala, maibé Bíblia ko'alia katak se ita hatene Lia Loos Maromak nian no vinje la koi halo tuir, Na'i Jesus Nia sakrifisiu sei la vale ba ita. Tanbasá?   "Tanba se ita halo beibeik sala ho neon bainhira ita hetan ona koñesimentu neʼebé loos kona-ba lia-loos, sei la iha tan sakrifísiu ba sala" Ebreu 10:26

Mai ita valoriza Na'i Jesus Nia sakrifisiu liuhosi halo tuir Nia hanorin iha Sagrada Bíblia.

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Lukas 22:19

Read More

Satanas husu atu haketak ita hosi Maromak

Simão, Simão, haree bá! Satanás husu atu nia bele haketak imi hotu hanesan ema neʼebé haketak trigu husi nia kulit. Lukas 22:31

Fiar na'in sira bele aprende buat barak hosi versu ne'e.   Job, Paulo no Simão Pedro, sai ezemplu ba ema ne'ebé Diabu hakarak haketak hanesan terigu hó nia kulit, maibé Diabu la iha autoridade atu halo ida ne'e bainhira la iha permisaun hosi Maromak.

Satanas, presiza permisaun hosi Maromak, bainhira nia atu koko ita nia fiar liuhosi susar no moras oinoin iha ita nia moris hanesan saida mak nia halo ba  Maromak nia atan Job (Ba sira ne'ebé seidauk hatene historia Job, bele lee iha libru Job/Ayub iha Testamentu tuan).

La iha buat ida mak Satanas bele halo bainhira la iha permisaun hosi Maromak. No karik ita sai Maromak Nia oan, ita hatene katak buat hotu-hotu ne'ebé akontese iha ita nia moris, Maromak sei uza difikuldade sira ne'e ba ita nia benefisia no ba Maromak Nia Gloria- mesmuké iha tempu moras no susar ita sente hanesan Maromak husik hela ita.

Diabu baibain ataka ita, aproveita ita nia frakeza ka parte hosi ita nia moris ne'ebé vulneravél liu. Ita nia frakeza bele, porno, osan, rikusoin, telemovél, TV, tua, taru, droga, sigaru, etc. Liuhosi buat sira ne'e Diabu lasu no ataka ita. Identifika ita idaidak nia frakeza no husu Maromak atu ajuda ita sai hosi diabu nia lasu sira ne'e. Medita Na'i Maromak Nia futarlia loronloron no rezisti Diabu no nia sei halai hosi ita. Na'i Maromak Nia Nia futarlia hatete "Tan neʼe, hakruʼuk ba Maromak; maibé kontra hasoru Diabu, now nia sei halai husi imi" Tiago 4:7

Na'i Maromak Hatene saida mak di'ak liu ba ita idaidak. Tan ne'e haraikan no submete ba Maromak no la'o tuir Na'i Jesus Nia ain-fatin  hosi Loron ba loron.

Maromak ne'ebé ita serbí mak Maromak ne'ebé  hatene buat hotu-hotu (omniscient), poderozu (omnipotent) no Nia prezensa iha fatin hotu-hotu (omnipresent). Na'i Maromak sempre kuida ita hosi tempu ba tempu.  La iha buat ida ka ema ida ne'ebé bele hasai ita hosi Na'i Maromak Nia liman, anaunser ita rasik ba desidi atu la'o hela Na'i Maromak no Nia Lia Loos.

Na'i Jesus fó atensaun ba Pedro kona-ba oinsa nia sei terus tanba Na'i Jesus Nia hanorin, maibé iha kazu Job, Maromak la fó hatene susar no terus ne'ebé nia sei infrenta. Nune'e mós ho Ita, dala ruma ita hatene tanba saida mak ita hasoru difikuldade oinoin, maibé mós dala ruma ita la hatene.

Kompriende ba   katak hosi tempu ba tempu ita nia inimigu- Diabu Koko atu separa ita sira ne'ebé moris tuir Kristu nia hanorin hosi Na'i Maromak, maibé keta haluha katak Na'i Maromak hatene Kona-ba ida ne'e no nia permiti susar sira ne'e akontese ba ita tanba razaun balu.

Na'i Maromak hó Nia grasa permiti ita esperiensia susar oinoin iha ita nia moris ba ita nia di'ak no Na'i Maromak Nia Gloria. Liután ida ne'e, ita iha mediadór ida ne'ebé reza ba ita atu ita nia fé la monu (Lukas 22:32).

**********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Lukas 22:31

Read More

Alerta no kontinua harohan atu simu Na'i hiit-an mai (Lukas 21:34-36)

34 Alerta imi-nia an bá, atu nuneʼe imi-nia laran la monu tanba festa no lanu, no prekupasaun kona-ba moris neʼe, no derrepente deʼit loron neʼe toʼo ba imi 35 hanesan lasu ida. Tanba loron neʼe sei toʼo ba ema hotu neʼebé hela iha mundu tomak.36 Tan neʼe, matan-moris nafatin bá, no harohan bá iha tempu hotu, atu nuneʼe imi bele evita hosi buat sira-neʼe hotu neʼebé atu akontese, no atu Oan-Mane bele simu imi.” Lukas 21:34-36

Na'i Jesus ko'alia kona-ba matan moris neon na'in, alerta no prontidaun hasoru kalamidade ka susar ne'ebé sei mai derepente. Ema ne'ebé bolu sira nia an Kristaun tenke moris hó prontidaun katak Na'i Jesus bele fila fali mai tuir nia promesa iha João 14 iha kualker tempu.

Na'i Jesus alista buat tolu ne'ebé bele halo ita monu  1. Festa; 2. Lanu; 3. Prekupasaun kona-ba moris ne'e (prekupasaun mundu nian).

Espresaun  "derrepente deʼit loron neʼe toʼo ba imi" refere ba mundu nia rohan, bainhira Na'i Jesus fila fali mai ba dala-2. "Alerta" signifika hau fo neon-horis ka alerta ba imi.

Iha Mateus 24:36-39 Na'i Jesus dehan: “36 Kona-ba loron no oras, ema ida la hatene, anju sira iha lalehan la hatene no Oan-Mane mós la hatene, só Aman deʼit mak hatene.  37 Hanesan iha Noé nia tempu, nuneʼe mós ho tempu neʼebé Oan-Mane toʼo mai. 38 Iha tempu antes rai-nabeen, ema han-hemu, mane no feto sira kaben, toʼo loron neʼebé Noé tama ba ró laran. 39 Sira la tau atensaun toʼo rai-nabeen akontese no halakon sira hotu, nuneʼe mós ho tempu neʼebé Oan-Mane toʼo  mai"

Iha versu iha leten ita mós kompriende katak ema Kristaun presiza prontu iha tempu ne'ebé de'it atu hasoru Na'i.  Na'i Jesus alerta iha versu ne'e katak estilu moris ema iha mundu nia rohan ka tempu ikus sei hanesan hó tempu Noe nian. Noe Haklaken durante tinan 120 no la iha ema ida rona nia, hanesan mós ema barak iha ita nia tempu la interese rona, prepara an no alerta ba Na'i Jesus atu mai fali ba dala-2.

Ita la hakfodak haree ema sira ne'ebé la fiar ba mensajen evanjellu moris arbiru de'it tuir isin nia hakarak, maibé ba ita sira ne'ebé fiar la bele halo tuir mundu nia hakarak.

Ema fiar na'in ne'ebé loloos, nia moris hosi loron ba loron antisipa no hein Kristu  fila fali mai no kuida sira nia hahalok hosi pekadu. Apostolu João hatete  iha 1João 2:28 nune'e: "Neʼe duni, oan doben sira, nafatin hela hó Nia, atu nuneʼe kuandu Nia mosu mai, ita bele konfia an no sei la moe ba Nia bainhira nia mosu  mai"

Seráke ita boot prontu atu hasoru Na'i Jesus?  Seráke ita boot halo preparasaun espirituál ruma? Bíblia hatete mai ita katak "15 Keta hadomi mundu ka buat neʼebé iha mundu. Se ema ida hadomi mundu, domin ba Aman la hela iha nia,16 tanba buat hotu iha mundu neʼe, hanesan hakarak isin nian, hakarak matan nian no foti an,  buat sira-neʼe la mai husi Aman, maibé mai husi mundu neʼe".1João 2:15-16

Na'i Jesus hatete mai ita atu " Matan-moris nafatin bá, no harohan bá iha tempu hotu, atu nuneʼe imi bele halai sees hosi buat sira-neʼe hotu neʼebé atu akontese, no atu Oan-Mane bele simu imi.” Lukas 21:36.

Iha Jardin Getsemani, Na'i Jesus husu Nia dixípulu sira atu "Matan-moris nafatin bá no harohan beibeik, atu nuneʼe imi labele monu ba tentasaun. Espiritu hakarak, maibé isin fraku" Mateus 26:41

Ita presiza Matan-moris neon-nain no halo orasaun nafatin atu ita fiar no fiél nafatin ba Na'i Maromak. Ita nia fé, ita nia alerta, orasaun no konfiansa ba Kristu atu fila fali mai konsidera hanesan buat ne'ebé loos iha Maromak Nia futar-oin. Hanesan Abrão, bainhira Nia fiar ba Maromak no Maromak konta ida ne'e hanesan buat ne'ebé loos (Génesis 15:6).

Alerta no orasaun halo ema fiar-na'in sira prontu hamriik iha Na'i Jesus Nia oin bainhira Nia fila hikas mai;  prontu atu hetan justisa, no sei transforma  ita nia isin ne'ebé mortál sai-ba imortál (Filipenses 3:21); prontu atu serbí Maromak loron no kalan iha nia templu” (Apokalipse 7:15).

Oinsá ita halo ida ne'e? Kro'at ne'ebé Na'i Jesus uza mak orasaun no Na'i Maromak Nia futarlia. Na'i Jesus Nia dixípulu sira ohin loron mós presiza alerta no halo orasaun beibeik. Tanba buat mundu nian barak mak sei atrai ita, atu halo tuir isin nia hakarak no lasu diabu nian  (2 Korintu 2:11).

Bainhira ita nia matan ses hosi Na'i Jesus no Nia Promesa atu fila fali mai, ita nia atensaun sei ba buat mundu nian no sei fó fuan ne'ebé uitoan ba Reiñu Lalehan (1 Timoteo 6:18–19). Na'i Maromak alerta ba ita atu prontu iha tempu ne'ebé de'it atu hamriik iha Nia futar-oin no responsavél ba saida de'it mak ita halo iha ita nia moris tomak  (Roma 14:12; 1 Pedro 4:5; Mateus 12:36).

Ita nia dever hanesan ema Kristaun mak obedese ba nia ukun-fuan sira (Éxodos 20:3-17). Karik ita falla no monu ba sala, Na'i Maromak Nia futarlia dehan "Se ita konfesa ita nia sala, Maromak neʼebé giél no loos, sei perdua ita-nia sala no hamoos ita husi hahalok aat hotu" 1João 1:9

Mai ita enkoraje malu nafatin atu matan moris neon na'in no halo orasaun nafatin atu hein Na'i Jesus hiit-an mai.

 **********************************
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

Lukas 21:36

Read More