Liurai, Maromak, no Salvadór

Bainhira tama tiha ba uma laran, sira haree labarik kiʼik neʼe hamutuk ho ninia inan Maria, no sira hakneʼak no hakruʼuk iha labarik neʼe nia oin. Sira mós hasai osan-mean, olíbanu no mirra hodi fó ba nia nuʼudar prezente. Mat 2:11

Iha Mateus 2:11, matenek-naʼin sira neʼebé estuda fitun mai husi área Leste sira  fó prezenti espesiál ba Na'i Jesus: osan-mean, olíbanu (Frankincense) no mirra (Myrrh)

Prezente 3 ne'e iha nia sentidu iha Testamentu tuan bainhira sira mai halo adorasaun. 

Osan-mean reprezenta realeza (royalty) iha Salmo 72:15, no prezente osan-mean reafirma Na'i Jesus hanesan Liurai ba Liurai sira nian.

olíbanu (Frankincense) relasiona hó hahí Maromak iha   Exodus 30:34, no prezente olíbanu rekoñese katak Na'i Jesus ne'e Maromak.

Iha Exodus 30:22-25, Mira (myrrh) uza atu kose (anoint) hó ojetivu espesiál. Tempu dahuluk Na'i Jesus simu mira mak iha tempu nia moris mai no tempu ikus Na'i Jesus simu mira mak iha kruz no momentu hakoi Nia. Prezente ida ne'e hatudu ba ojetivu espesiál iha Na'i Jesus Nia moris: Nia sei mate iha kruz atu salva ita hosi sala no sei moris hi'as, manan mate hó Vitoria.

Iha versu iha Mateus 2 hatete katak bainhira matenek na'in sira hosi Leste haree Jesus, “sira hakneʼak no hakruʼuk iha labarik neʼe nia oin" (Nota katak sira na'in 3 (Na'i Jesus, Nia inan sta. Maria no Sn Jose) iha neebá mai, matenek na'in sira la adora sira maibé kosokan Jesus). Ita mós adora  Na'i Jesus hanesan Liurai tanba Nia iha podér iha lalehan no rai (Mateus 28:18-20).

Ita hahí Na'i Jesus tanba   “Liuhusi nia mak buat hotu mosu,no la iha buat ida neʼebé mosu se la liuhusi nia" João 1:3).

No ita hahí Nia hanesan ita nia Salvadór  tanba  “Maromak hadomi tebes mundu toʼo fó nia Oan-Mane mesak, atu nuneʼe ema hotu neʼebé fiar ba nia sei la lakon, maibé hetan moris rohan-laek" João 3:16

Mai ita husu Na'i Maromak atu iha tinan foun ida ne'e, Nia sei lori ita besik liutan ba Na'i Jesus liuhosi hahí Nia hanesan fitun ne'ebé lori matenek na'in sira ba hahí Nia.

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Mateus 2:11

Read More

Oinsá ita bele kompriende Bíblia?

Dalaruma ita koko ona lee Bíblia, maibé la kompriende, konfundi ka la iha serteza oinsá interpreta Bíblia. Dalaruma ita boot lahatene oinsá atu komesa no atu komesa hosi ne'ebé. Karik nune'e, ida ne'e normál.

Favór nota katak, la iha dalan ne'ebé sala ka loos liu atu komesa lee Bíblia. Na'i Maromak ko'alia ba ema idaidak hó maneira ne'ebé diferente. Ita libre atu esperimenta kona-ba oinsá lee Eskritura; dalaruma han tempu uitoan atu kompriende maneira ida ne'ebé di'ak liu ba ita.

Tuir mai maneira balu ne'ebé dalaruma bele ajuda lee Na'i Maromak Nia futarlia:

Dahuluk, halo orasaun.
Na'i Maromak hakarak ko'alia hó ita bainhira ita rona Nia.  Na'i Maromak dala barak uza Nia futarlia atu fó diresaun ba ita, resposta pergunta balu, no ajuda kompriende Na'i Maromak Nia natureza.  Tan ne'e konvida Na'i Maromak antes lee Bíblia no husu ajuda bainhira konfundi kona-ba buat balu. Purezemplu ita bele halo orasaun hanesan tuir mai: Na'i hatudu buat foun ruma hosi Sagrada Bíblia atu hau bele banati tuir ka bele hatete "Ajuda ha'u atu kompriende parte ida ne'e etc.

Daruak, hatene ojetivu.
Na'i Maromak sei hatudu buat balu mai ita liuhosi Espiritu Santu, maibé Na'i Maromak la hatudu buat hotu iha tempu ida de'it. Karik nune'e, la iha buat ida. Ida ne'e la signifika, ita uza maneira ne'ebé sala. Lee Bíblia la'os hanesan ema tau vistu ba lista naruk ne'ebé ita halo, ka halo Na'i Maromak hadomi ita ka atu hetan resposta ba pergunta hotu ne'ebé ita iha, maibé objetivu lee Bíblia mak atu hatene Maromak. Tan ne'e labele tau espetativa ne'ebé barak demais. Hanoin de'it katak atu hatene Na'i Maromak di'ak liu.

Datoluk, prátika iha moris loronloron.
Na'i Maromak la hakarak ita lee de'it ninia futarlia maibé Nia hakarak ita tau iha ita nia asaun. Tan ne'e labele lee de'it, maibé tau atensaun kona-ba oinsá ita bele aplika iha ita nia moris hosi loron ba loron. Biarbá Na'i hatudu Ninia lia loos, grasa, no domin iha Ninia liafuan atu muda ita nia hanoin no sei muda ita nia liafuan, asaun no ita nia relasaun.

Dahaat, fahe Na'i Ninia futarlia ba ema seluk.
Na'i Maromak ko'alia mai ita liuhosi Nia futarlia maibé mós liuhosi Nia ema sira. Tan ne'e Bainhira ita Ko'alia ba ema kona-ba Na'i Maromak Nia futarlia, ita bele mós aprende buat balu ne'ebé ita lahetan ka diskobre bainhira ita estuda mesak.

Igreja ne'ebé loos, nia hanorin tenke bazeia ba Na'i Maromak Nia futarlia hanesan Kristu no Apostolu sira hatudu mai ita. Tan ne'e mai ita banati tuir igreja dahuluk iha inisiu no fahe no ko'alia kona-ba Maromak Nia futarlia ba ema seluk. Karik ita iha pergunta ruma, husu! La presiza halo buat hotu mesak de'it, ema seluk dalaruma bele ajuda ita.

Dalimak, lee Bíblia tuir nia kontestu.
 Asegura katak, ita kompriende Na'i Nia futarlia iha nia kontestu.

Lalika lee Bíblia barak ka hotu iha tempu ida de'it. Ita bele komesa hó lee  uitoan.   Koko purezemplu kapítulu ida kada loron. Di'ak liu lee uitoan maibé kompriende duké barak mas la hatene buat ida.

Saida mak temi iha leten, hanesan ezemplu ba maneira balu atu inisia estuda bíblia rasik. Bainhira estuda bíblia bele mistura maneira sira iha leten. Bele tenta dekór versu balu, rona Bíblia audio etc.

Ksolok ba ema neʼebé la halo tuir ema aat nia konsellu No la hamriik iha ema sala-naʼin sira-nia dalan No la tuur hamutuk ho ema neʼebé hakribi buat neʼebé loos.  Maibé nia gosta tebes Na'i nia ukun-fuan. Nia lee no medita Ninia ukun-fuan loron no kalan.  Nia sei sai hanesan ai-hun ida neʼebé kuda besik bee-dalan, Ai-hun neʼebé fó fuan tuir ninia tempu, Ninia tahan sira sei la sai namlaek. No nia sei hetan susesu iha buat hotu neʼebé nia halo. Salmo 1:1-3

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Salmo 1:1-3

Read More

Fatu interesante 22 kona-ba Bíblia

1. Bíblia hakerek iha dalen tolu
Dalen sira ne'e mak Ebreu,  Aramaic, no Greek. Testamentu tuan maioria hakerek ho dalen Ebreu. Parte balu hosi Testamentu tuan hakerek iha dalen  Aramaic (Ezemplu , Libru Ezra no Daniel). Testamentu foun hakerek iha dalen Greek;

2. Totál liafuan iha Bíblia Sagrada  mazumenus 611,000 (Iha lian orijinál totál liafuan iha Bíblia Sagrada  mazumenus 611,000, maibé bainhira traduz ba lian oinoin, iha variasaun no totál liafuan dalaruma sai barak liu atu esplika nia sentidu hosi dalen orijinál);

3. Libru ne'ebé naruk liu iha Bíblia mak Salmo ho kapítulu 150. Iha liafuan  43,743;

4. Libru ne'ebé badak liu iha Bíblia mak   3 João, so iha kapítulu 1 de'it no liafuan 299;

5. Bíblia hakerek hosi mazumenus autór na'in  40;

Moizés hakerek libru 5 dahuluk iha Testamentu tuan (Génesis, Éxodos, Levitico Números, Deuteronomo). Libru balu ita lahatene nia autór;

6. Bíblia hakerek hosi ema ho background oinoin (Parte balu hakerek hosi Liurai sira, ezemplu Salmo, Provérbios, Ecclesiastes.  Parte seluk hakerek hosi agrikultór, peskadór, ema ne'ebé halo tenda, profeta, Doutór, Eskriba profesionál, kantór, pastór etc);

7. Libru sira iha antigu Testamentu nia aranjamentu diferente iha Judaismo. Bíblia ne'ebé baibain ita uza tradús hosi Inglesh no aranja tuir tipu  literatura.  Tan ne'e iha Testamentu tuan, libru lei Moizés nian uluk, tuir mai istoria iha rai promesa, depois libru kona-ba sabedoria no poezia, no libru profeta sira nian. Maibé iha Judaismo, nia aranjamentu diferente.  Purezemplu, libru Torah ka lei uluk, tuir kedas ho profeta sira (kombinasaun profeta no istoria), depois mak hakerek sira hanesan poezia, istoria, no libru profesia. Aranjamentu hanesan ne'e, libru ikus liu mak Crônicas  la'os Malaquias;

8. Iha mazumenus knananuk 185 iha bíblia. Hosi knananuk 185 ne'e,  150  iha libru Salmo;

9. 1Reis no 2Reis divide depoisde hakerek.  Karik 1Reis no 2Reis junta hamutuk karik, sira sai libru ne'ebé naruk liu iha Bíblia.1Reis no 2Reis nia orijinál libru ida de'it. Nune'e mós 1Samuel & 2 Samuel no 1Crônicas & 2Crônicas;

10.  Bíblia, hakerek iha benua/  continents tolu. Maioria hakerek iha Israel (Asia), parte balu hosi Jeremias hakerek iha   Egypt (Afrika) no Libru Testamentu balu hakerek iha sidade balu iha Eropa;

11. Bíblia hakerek durante mazumenus tinan1500-1600 nia laran hosi ema na'in 40 ka liu. Tempu hakerek entre tinan 1500 BC to'o AD 100;

12. Divizaun Bíblia
Bíblia hanesan libru ida, maibé iha laran kontein libru 66. Libru Testamentu tuan hakerek antes Kristu moris no Testamentu foun kobre Na'i Jesus Nia moris  no depoisde Nia mate;

13. Maioria kada libru iha bíblia divide ba kapítulu no versikulu;

14. Iha libru 5 mak la fahe ba kapítulu, sira ne'e mak: Obadiah, Philemon, 2 João, 3 João, no Judas. Libru sira ne'e kiik no so fahe de'it ho versikulu;

15. Kapítulu iha bíblia introdús iha tinan   1238 hosi Kardinal Hugo de S. Caro. Maibé versikulu iha bíblia foin aumenta iha bíblia iha tinan  1551 hosi Robertus Stephanus;

16. Bíblia Inglesh versaun  King James kontein liafuan 788,258, versu 31,102,  Kapítulu 1,189 ,  no libru 66;

17. Versu ne'ebé badak liu iha lian Inglesh mak João 11: 35, ho liafuan 2 de'it  "Jesus tristi";

18. Kapítulu Bíblia ne'ebé naruk liu mak  Salmo 119 ho totál versu 176;

19. Kapítulu libru ne'ebé badak liu mak Salmo 117, so iha de'it versu  2;

20.   Versu ne'ebé naruk liu mak Esther 8:9 ho liafuan 90;

21. Libru ne'ebé ema fa'an barak liu mak Bíblia no libru ne'ebé ema na'ok barak liu mak Bíblia;

22. Liafuan ikus iha Bíblia mak Amen. Apokalipse 22:21.

Bíblia

Read More