Reflesaun Deuteronomio 30:11-20
Iha Moses ninia moris Rohan, nia husu nia ema sira atu halo tuir Maromak ninia lia-fuan (Deuteronomio 30:14). Nia husu ninia ema sira atu hadomi no la'o tuir Maromak (Deuteronomio 30:16). Nia fó atensaun atu labele muda sira-nia hanoin la obedese ba Maromak. Nia husu atu sira hili moris (Deuteronomio 30:19).
Bainhira ita hili buat ida komesa ho hanoin. Ita-nia hanoin sai ba lia-fuan. Ita-nia lia-fuan sai ba asaun. Kada loron, hili hanoin ne'ebé fó moris. Hanoin saida mak ita presiza tau iha laran? Mai ita lee Filipenses 4:8
Ikus mai, maun-alin sira, buat hotu nebee tuir lia loos, buat hotu nebee iha onra, buat hotu nebee loos, buat hotu nebee moos, buat hotu nebee furak, buat hotu nebee bele dehan diak, no se iha buat ruma nebee lao diak, no se iha buat ruma nebee bele hahii, hanoin kona ba buat sira nee. Filipenses 4:8 BK
Finalmente, irmãos, tudo o que for verdadeiro, tudo o que for nobre, tudo o que for correto, tudo o que for puro, tudo o que for amável, tudo o que for de boa fama, se houver algo de excelente ou digno de louvor, pensem nessas coisas.
Filipenses 4:8 NVI
Jadi akhirnya, saudara-saudara, semua yang benar, semua yang mulia, semua yang adil, semua yang suci, semua yang manis, semua yang sedap didengar, semua yang disebut kebajikan dan patut dipuji, pikirkanlah semuanya itu.
Filipi 4:8 TB
Finally, brethren, whatever things are true, whatever things are noble, whatever things are just, whatever things are pure, whatever things are lovely, whatever things are of good report, if there is any virtue and if there is anything praiseworthy—meditate on these things. Philippians 4:8 NKJV
Referensia
Deuteronomio: 30:11-20
Hili Moris Ka Mate
11 Tanba ukun fuan nee, nebee hau manda ba imi ohin loron, la subar hosi imi no ukun fuan nee la dook hosi imi. 12 Nia laos iha lalehan hodi imi husu, ‘See mak sae ba lalehan no lori liafuan nee mai ami, hodi ami bele rona no halo tuir?’ 13 No nia laos iha tasi sorin ba hodi imi husu, ‘See mak baa too iha tasi sorin ba hodi lori liafuan nee mai ami, hodi ami bele rona no halo tuir?’ 14 Maibee liafuan nee mak besik loos ho imi, iha imi nia ibun no iha imi nia fuan laran hodi imi bele halo tuir liafuan nee.a
15 Haree lai, ohin loron hau tau iha imi nia oin moris ho diak, no mate ho aat. 16 Ohin loron, hau manda imi atu hadomi NAI, imi nia Maromak, no lao tuir Ninia dalan sira, no halo tuir Ninia ukun fuan, estatutu no regulamentu sira, hodi imi bele moris no sai barak. No NAI, imi nia Maromak, sei foo bensaun ba imi iha rai nebee imi baa hodi hadau. 17 Maibee se imi nia fuan laran fila hodi nunee imi lakohi rona tuir, no ema dada imi sai hodi adora maromak sira seluk no serví sira, 18 nunee ohin loron, hau deklara ba imi katak imi se lakon duni, no imi sei la hela kleur iha rai nebaa, iha fatin nebee imi hakur Jordaun hodi hadau. 19 Ohin loron, hau bolu lalehan no mundu hodi sai sasin hasoru imi. Hau tau iha imi nia oin moris no mate, bensaun no malisan. Nunee hili moris, hodi imi no imi nia bei-oan sira bele moris hela. 20 Nunee imi bele hadomi NAI, imi nia Maromak, no rona tuir Ninia lian, no imi bele belit ba Nia. Tanba Nia mak imi nia moris no vida naruk. No imi bele hela iha rai nebee NAI jura ba imi nia bei-ala sira, ba Abraão, Isak no Jacó, hodi foo ba sira.”
✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
