Moris loos maihosi Maromak

Bazeia ba Roma 3: 9-31 Biblia Kadi 

Ita hakarak ka dezezu hetan dame. Ita hakarak iha relasaun di'ak ho Maromak no ho ema seluk. Maibé oinsá mak ita bele simu Maromak nia moris loos? 

Paulo kontinua ninia argumentu katak la iha ema ida mak loos. La iha ema ida ne'ebé moris loos, ida mós la iha (Roma 3:10b BK). Sira hotu la'o sees ona, hamutuk sira sai folin laek; la iha ida nebee halo diak, ida mós la iha (Roma 3:12 BK). Dalan ne'ebé loos mak dalan ba dame, maibé realidade mak, dalan dame nian ne'e sira la hatene (Roma 3:17 BK). 

Paulo konklui ninia diskusaun iha seksaun ne'e: klaru loos, katak ita sala-na'in, ita hotu, iha ro ne'ebé mout dadauk ho ema seluk? (Roma 3:20 BK). Liafuan ki'ik rua tuirmai ne'e signifika: Maibe agora... (Roma 3:21 BK). 

Hafoin aprezenta problema pekadu nian, Paulo agora aprezenta Maromak Ninia resposta ba problema ne'e, ne'ebé nakonu ho podér, mak "Moris loos maihosi Maromak" (Roma 3:21 BK). Moris loos maihosi Maromak ne'e ita ema labele hetan liuhosi lei ka ukun-fuan tamba la iha ema Ida (esetu/kecuali Jesus) mak halo tuir ukun-fuan tomak. Iha Testamentu Antigu (Lei no profeta sira) fo sasin kona-ba Ida ne'e no hatudu ba Maromak Ninia resposta ne'e (Roma 3:21 BK). 

Moris loos maihosi Maromak ne'e ita hetan liuhosi fiar ba Jesus Kristu (Roma 3:22 BK). Moris loos maihosi Maromak ne'e ita labele sosa. Ita so bele simu de'it hanesan prezente ne'ebé moos liuhusi fiar ba Jesus Kristu. Ne'e mak prezente ida ba ema hotu ne'ebé fiar (Roma 3:22). 

Tuirmai Paulo uza imajen tolu atu esplika saida mak Jesus nia mate iha kruz alkansa ona. Sira ida-idak iha ligasaun ba malu: 

1. Selu tiha ona kastigu ba sala nian

Justifikasaun nu'udar espresaun husi tribunál. Ita hetan justisa gratuita liuhosi Maromak Ninia grasa (Roma 3:24 BK). Maromak mak juis ne'ebé justu. Nia la bele ignora ita-nia sala. Maromak mai liuhosi ninia oan-mane Jesus Kristu ne'ebé mate tanba imi no ha'u:... Maromak tau Jesus nudar sakrifísiu nebee kasu ita-nia sala ne'ebé ita simu liuhosi fiar iha Jesus nia raan. Ida nee hatudu Maromak nia hahalok loos tanba Nia hatudu pasiénsia kona ba sala iha tempu uluk. Ida ne'e mós hatudu Ninia hahalok loos iha tempu agora. Nunee Nia mak loos, no Nia mak ida ne'ebé halo sira ne'ebé fiar iha Jesus sai moris loos, Roma 3:25-26 BK. Maromak rasik mak selu kastigu ne'e. 

Ita hetan justisa gratuita tanba Maromak nia grasa ka laran-di'ak (Roma 3: 24 BK). Grasa signifika ita hetan domin ne'ebé ita la merese hetan. Ne'e gratuita. Ita hetan la'os tamba ita merese. Ita labele sosa. Ne'e mak prezente ida. Tan ne'e, la iha fatin atu ita gaba an (Roma 3: 27-31 BK). 

Liuhusi Jesus nia mate iha kruz, nia selu kastigu ba ita-nia hahalok-aat, liafuan aat no hanoin aat hotu. Bainhira ita tau fiar ba Jesus, ita sai ema ne'ebé loos. Ita la iha buat ida atu ta'uk. Pena ne'e selu tiha ona. Imi simu ona prezente justisa husi Maromak. 

 2. Sala nia kbiit rahun ona 

Imajen segundu ne'ebé Paulo uza maihusi fatin merkadu: "Redensaun (sosa fila fali) liuhosi Kristu Jesus" (Roma 3:24 BK). Iha mundu antigu, iha mós problema kona-ba debe. Se ema ida iha tusan boot, karik sira tenke obrigatoriamente fa'an sira-nia an nu'udar atan atu bele selu fali debe sira.

Karik ema ida hamriik iha merkadu, oferese sira-nia an nu'udar atan. Karik iha ema ida sente hadomi no selu osan ne'ebé sira debe, entaun ema ne'ebé sira selu sai livre. Hodi halo nune'e, sira sei sosa fila fali ema ne'e ho presu redensaun ne'ebé folin-boot. 

Hanesan ne'e mós ho ita, "redensaun/penebusan" mai liuhosi Jesus Kristu (Roma 3:24 BK). Imi-nia sala mak hanesan tusan ne'ebé ita iha. Jesus, liuhosi ninia mate iha kruz, selu ona presu redensaun nian (Markus 10:45 BK). Ho dalan ida-ne'e, ita sai livre atu bele iha relasaun di'ak ho Maromak. Ita-nia relasaun di'ak restaura fali ona. Imi simu moris loos husi Maromak. Polusaun hosi sala hasai tiha ona.

 3. Paulo nia imajen terseiru iha lisaun ne'e mai husi templu. Maromak hasa'e nia nu'udar sakrifísiu atu hamoos sala, liuhusi fé ba ninia raan (Roma 3:25 BK).

Iha Testamentu Antigu, Maromak fó lei oioin kona-ba oinsá rezolve pekaduu, bainhira ema ida halo sala. Iha sistema sakrifísiu tomak ne'ebé hatudu seriadade hosi pekadu no presiza hamoos. Sala hamoos, bainhira pekadu hosi pekadór ida kasu ba animal ne'ebé sakrifika ka oho. 

Maibé "Karau aman no bibi sira nia raan nunka bele hasai sala (Ebreu 10:4). Sistema sakrifísiu antigu ne'e hanesan lalatak de'it (Ebreu 10:1) kona-ba buat ne'ebé atu mai. Realidade mak sakrifisiu Jesus nian. Tanba so Kristu nia raan de'it mak bele fasi tiha imi-nia sala no hasai tiha ninia polusaun. (Ebreu 10:10). Ne'e tanba Jesus mak sakrifísiu ne'ebé perfeitu. Nia mesak de'it mak moris perfeitu. Liuhusi Jesus Nia raan, ita simu moris loos hosi Maromak. 

🙏Nai, oinsá mak ha'u bele fó agradese ba Ita tanba moris loos iha Jesus liuhosi fé. Obrigadu tamba moris loos hosi ita, Hau bele simu paz, perdaun, liberdade no hamoos liuhosi Jesus Ninia raan🙏.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Referensia: Roma 3: 9-31 Biblia Kadi 

9 Nunee oinsaa? Ita ema Judeu diak liu fali sira ka? Lae liu! Tanba ita foin hatudu katak sala ukun ema hotu, inklui ema Judeu sira no ema Jentiu sira.

10 Hanesan sira hakerek nanis ona,

“La iha ema ida nebee moris loos, ida mos la iha.”

11 La iha ema ida nebee kompriende,

la iha ida nebee buka tuir Maromak.

12 Sira hotu lao sees ona, hamutuk sira sai folin laek; la iha ida nebee halo diak, ida mos la iha.

13 “Sira nia kakorok hanesan rate nebee nakloke hela, sira lohi ho sira nia nanaal.” “Samea nia veneno mak iha sira nia ibun tutun.”

14 “Sira nia ibun nakonu ho malisan no liafuan moruk.”

15 “Sira nia ain halai atu fakar raan.”

16 Sira lao tuir dalan nebee halakon no foo terus.

17 Sira la hatene dalan dame nian.

18 “Sira nia matan la hamtauk Maromak.”

19 Agora, ita hatene katak saida mak lei dehan, lei nee dehan ba sira nebee iha lei nia okos. Atu nunee ibun hotu sei nonook, no ema hotu iha mundu merese atu simu kastigu iha Maromak nia oin.

20 Tanba la iha ema ida nebee sai loos iha Maromak nia oin liu hosi halo tuir lei. Maibee liu hosi lei ita hatene kona ba ita nia sala.

21 Maibee agora, moris loos mosu mai hosi Maromak nebee ketak hosi lei. Lei no profeta sira foo sasin kona ba moris loos nee.

22 Ema hotu nebee fiar bele hetan moris loos hosi Maromak. Ida nee mai liu hosi fiar iha Jesus Kristu. Ema hotu hanesan deit.

23 Tanba ema hotu-hotu halo ona sala, no sira la too Maromak nia glória.

24 Maibee ita bele sai loos liu hosi Ninia grasa nebee Nia foo gratis deit. Tanba Nia hola fali ita iha Jesus Kristu.

25 Maromak tau Jesus nudar sakrifísiu nebee taka ita nia sala nebee ita simu liu hosi fiar iha Jesus nia raan. Ida nee hatudu Maromak nia hahalok loos tanba Nia hatudu pasiénsia kona ba sala iha tempu uluk.

26 Ida nee mos hatudu Ninia hahalok loos iha tempu agora. Nunee Nia mak loos, no Nia mak Ida nebee halo ema loos nebee fiar iha Jesus.

27 Entaun ita bele gaba aan ka? La bele! Ida nee liu hosi lei saida? Liu hosi lei hahalok nian? Lae, maibee liu hosi lei fiar nian.

28 Tanba ita hatene ona katak ema sai loos liu hosi fiar, nebee ketak hosi hahalok nebee tuir lei.

29 Nia mak Maromak ba ema Judeu sira deit ka? Laos Nia mos Maromak ba ema Jentiu sira? Sin, ba ema Jentiu sira mos.

30 Tanba iha Maromak ida deit, nebee sei halo loos sira nebee iha sirkunsizaun liu hosi fiar, no mos sira nebee la iha sirkunsizaun liu hosi fiar.

31 Entaun ita halakon lei tanba fiar ka? La bele! Maibee, ita hametin lei.

Read More

Halo Ita-nia laran mamar ba Maromak

Reflesaun bazeia ba Roma 2:17-3:8 (Versikulu kompletu haree iha referensia, parte ikus)

La problema saida mak akontese iha li'ur se ita-nia laran la mamar. Iha ne'e, Paulo haree kona-ba importansia hosi ita-nia laran. Nia esplika katak ema judeu sira, Maromak nia povu, tenke iha relasaun di'ak ho Maromak. Entaun sira simu ukun-fuan. Sira hatene Maromak nia hakarak (Roma 2:17-18). Sira hakarak atu sai matadalan ba ema matan-delek sira, naroman ba sira ne'ebé iha nakukun laran, hanorin ba ema beik sira, hanorin ba labarik sira (Roma 2: 19-20). 

Sinál sirkunsizaun fíziku nian mak sinál hosi li'ur ne'ebé refleta buat ne'ebé iha ita-nia laran ne'ebé ema la bele haree ho matan. Paulo hatete katak infelizmente , sira, hanesan mós ita iha tempu agora la halo tuir Maromak nia ukun-fuan ho perfeitu (Roma 2: 21-27). 

Tuirmai Paulo foka kona-ba buat ne'ebé importante: Imi sai ema judeu liuhusi imi-nia hahalok. Maromak nia marka iha imi-nia laran, la'ós tudik ne'ebé ko'a iha imi-nia kulit mak halo ema Judeu ida. No rekoñesimentu ne'e mai husi Maromak, la'ós kritika legalizmu nian (Roma 2:29). 

Buat ne'ebé importante ba Maromak mak laran. Ema hotu ne'ebé iha espíritu santu iha sira-nia laran, simu liman-rohan ne'ebé hanesan ho ema judeu sira iha Testamentu Antigu. Ida-ne'e inklui ema kristaun hotu ne'ebé loos. 

Serake ida-ne'e signifika katak ema judeu sira la iha folin? Lae. Nia hatudu katak iha vantajen boot atu sai ema judeu. Porezemplu, Maromak fó ona liafuan ne'ebé loos ba sira (Roma 3:2). Ne'e mak priviléjiu furak tebes! Maibé agora ita la'ós de'it iha Maromak nia liafuan iha Eskritura sira hotu, maibé ita mós iha Jesus nia liafuan no Testamentu Foun tomak. Ita iha vantajen boot liu tan. 

Tuirmai, iha Roma, nia sei fó sai buat sira-ne'e ho naruk liu (lee Roma 9-11). Entretantu, nia hakarak atu hasoru malu ho ninia inimigu sira (Roma 3:3-8). Nia fo emfaze fali katak Maromak ne'e fiél. Maski ita la iha fiar, maibé Maromak nafatin fiél ba ita. Ita sei la hanoin katak ita bele aproveita ida-ne'e hodi halo buat-aat. Maibé Maromak nia fidelidade book ita-nia laran atu fiél ba Nia. 

Nai, ohin halo hakonu ha'u-nia laran ho Ita-nia espíritu, ho domin no kompaixaun ba ema hotu ne'ebé ha'u hasoru. Obrigadu ba Ita-Boot tanba Ita fó ona liafuan husi Maromak. Ajuda ha'u atu fiél ba Ita ohin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Referensia

Roma 2:17-3:8 Biblia kadi 

17 ‘Iha tempu ikus, ida nee sei akontese, dehan Maromak, Hau sei fakar Hau nia Espíritu ba ema hotu, no imi nia oan mane sira no imi nia oan feto sira sei foo sai profesia, no imi nia joven mane sira sei haree vizaun, no imi nia katuas sira sei hetan mehi.

18 Ba Hau nia atan mane no hau nia atan feto sira mos Hau sei fakar Hau nia Espíritu iha tempu nebaa, no sira sei foo sai profesia.

19 No Hau sei hatudu milagre sira iha lalehan iha leten, no sinál sira iha mundu iha kraik,n ebee raan, ahi, no ahi suar.

20 Loro matan sei sai nakukun no fulan sei sai raan, molok Nai nia loron mai, nebee boot no makaas tebes.

21 No ema hotu nebee bolu ba Nai nia naran

sei hetan salvasaun.’

22 Ema hosi Israel, rona liafuan nee: Maromak hatudu katak Nia haruka Jesus hosi Nazaré, tanba Maromak halao kbiit, milagre no sinál sira liu hosi Jesus iha imi nia leet. Imi mos hatene ida nee.

23 Ema entrega Jesus ba imi tuir Maromak nia planu no Nia hatene ida nee uluk kedas. No imi prega Jesus ba krús no oho Nia liu hosi ema aat sira nia liman.

24 Maromak halo Jesus moris hias ona. Nia kore terus mate nian hosi Jesus. Tanba terus mate nee la iha kbiit atu kaer Jesus.

25 Tanba David koalia kona ba Nia,‘Hau haree Nai sempre iha Hau nia oin, Hau sei la nakdedar tanba Nia iha Hau nia liman loos,

26 Nunee mak Hau nia fuan laran haksolok, no Hau nia nanaal kontenti liu,

no Hau nia isin mos sei hela metin ho esperansa.

27 Tanba O sei la husik Hau nia klamar iha Fatin Mate, no O sei la husik O nia Ema Santu nee sai isin dodok.

28 O foo hatene dalan moris nian mai Hau, O sei halo Hau nakonu ho haksolok iha O nia oin.’

29 Maun-alin sira, hau bele koalia lo-loos ba imi kona ba ita nia bei-ala David, katak nia mate ona no mos ema hakoi ona nia. No ninia rate sei iha ita nia leet too ohin loron.

30 Nunee tanba David mak profeta ida, nia hatene katak Maromak jura ona ba nia katak Maromak sei tau ninia bei-oan ida iha ninia kadunan.

31 Tanba nee David hatene uluk no dehan katak Kristu sei moris hias, no Maromak sei la husik Ninia klamar iha Fatin Mate, no mos Ninia isin sei la sai dodok.

32 Maromak halo Jesus nee moris hias ona. No ami hotu sai sasin kona ba ida nee.

33 Nunee tanba Nia sae ona ba Maromak nia liman loos, no Nia simu ona Espíritu Santu nebee Aman promete, Nia fakar buat nee, nebee imi haree no rona.

34 Tanba David la sae ba lalehan, maibee nia rasik dehan, ‘Nai dehan ba hau nia Nai,

“Tuur iha Hau nia liman loos,”

35 “too Hau tau O nia inimigu sira iha O nia ain okos.”’

36 Nunee Israel nia uma kain tomak bele hatene lo-loos katak Maromak halo Jesus nee, nebee imi prega ona ba krús, nudar Nai no Kristu.

37 Bainhira sira rona tiha nunee, sira nia laran kanek, no sira dehan ba Pedro no apostolu sira seluk, “Maun-alin sira, ami tenki halo saida?”

38 Depois Pedro dehan ba sira, “Arepende ba, no imi ida-idak simu batizmu hodi Jesus Kristu nia naran atu hetan perdua ba sala, no imi sei simu prezenti Espíritu Santu nian.”

39 Tanba promesa nee ba imi, no ba imi nia oan sira, no ba ema hotu nebee dook, ema hotu nebee Nai, ita nia Maromak, sei bolu.

40 Pedro koalia liafuan barak hodi foo sasin no foo korajen ba sira, no dehan, “Salva aan hosi jerasaun aat nee.”

41 Depois sira nebee simu ninia liafuan ho laran kontenti hetan batizmu. Iha loron nee, sira aumenta maizoumenus ema nain rihun tolu.

42 Sira kontinua tuir metin ba apostolu sira nia hanorin no lao hamutuk, silu paun no halo orasaun.

43 Ema hotu tauk sira. Tanba apostolu sira halo milagre no sinál barak.

44 No ema hotu nebee fiar halibur hamutuk, no sira fahe buat hotu nebee sira iha ba malu.

45 Sira faan sira nia riku-soin no sasaan, no fahe osan nee ba ema hotu, tuir buat nebee ema ida-idak presiza.

46 Loro-loron, sira halibur hamutuk iha Templu no silu paun hosi uma ba uma. Sira haan sira nia hahaan ho haksolok no laran luak.

47 Sira hahii Maromak, no simu favór hosi povu tomak. No loro-loron, Nai aumenta sira nia igreja ho ema nebee hakarak simu salvasaun.

Roma 3:1-8 Biblia kadi 

1 Pedro no João sae ba Templu iha oras orasaun nian, nebee tuku tolu lokraik.

2 No iha mane ida nebee ain aat hosi moris mai kedas. Loro-loron ema lori nia no tau nia iha Templu nia portaun ida naran Furak, atu nunee nia bele husu ezmola hosi sira nebee tama ba Templu.

3 Bainhira nia haree Pedro no João atu tama ba Templu, nia husu ezmola.

4 Pedro, no mos João, fihir ba nia no dehan, “Hateke mai ami.”

5 No nia foo atensaun ba sira, tanba nia hanoin atu simu buat ruma hosi sira.

6 Depois Pedro dehan, “Hau la iha osan mutin ka osan mean, maibee buat nebee hau iha mak hau foo ba o. Hodi Jesus Kristu hosi Nazaré nia naran, hamriik no lao ba!”

7 Pedro kaer ninia liman loos no ajuda nia hamriik. No ninia ain no ain fukun sai forti kedas.

8 No nia haksoit no hahuu lao. Nia tama ba Templu ho sira no nia lao, haksoit no hahii Maromak.

Read More

Goza mudansa radikál moris nian

Bazeia ba Roma 2: 1-16 

Maromak hadomi Ita. Nia hakarak buat ne'ebé di'ak liu ba ita-nia moris. Nia lakohi ita lakon ita-nia moris. Sala lori ita tama ba nakukun laran (Roma 2:1). Maromak laran-di'ak, maibé nia la mamar. Ho laran-di'ak nia lori ita ho Ninia liman no lori ita ba mudansa radikál (Roma 2:4). 

Paulo ko'alia kona-ba Maromak nia laran nakali (Roma 2:5,8). Ne'e mak Maromak nia hirus ne'ebé nakonu ho domin no hahalok loos hasoru sala. Maibé Apóstolu Paulo la komesa ho Maromak nia laran-nakali. Nia hahú ho ninia laran-di'ak, pasiénsia no hahalok-di'ak ne'ebé nia simu (Roma 2:4). Maromak mak domin. Ninia hirus mak buat ne'ebé ikus liu ba sira ne'ebé buka aan rasik no la simu lia-loos no halo buat-aat (Roma 2:8). 

Maromak hadomi ema hotu. Nia la hatudu favoritismu (Roma 2:11). Nia hadomi ema judeu no ema jentiu. Maromak ne'e imparsiál. Nia mak juis ne'ebé loos. 

Ita hotu halo ona sala no la iha razaun. Bainhira ita kritika ema Ida, ita kondena ita-nia aan. Kritika no julga ema seluk hanesan dalan Ida atu hases aan hosi ita-nia sala atu ema la detekta ita-nia krimi no hahalok aat sira (Roma 2:1)

Fasil tebes atu julga ema seluk kona-ba buat ne'ebé ita rasik halo. Hahalok julga ema sempre foka ba ema seluk nia sala la'os buat ne'ebé ema halo loos. 

Livru lima husi Testamentu Antigu hatudu Maromak nia relasaun ho ninia povu no fó matadalan kona-ba oinsá atu moris. Maibé se ita la halo tuir buat ne'ebé Maromak haruka, ita lakon ita-nia tempu de'it (Roma 2:13). Tan ne'e, ita hotu sei hetan julgamentu liuhusi buat ne'ebé ita hatene. Ba ema balu, ne'e mak Maromak nia ukun-fuan, ba ema seluk nia konxiensia rasik: Buat ruma ne'ebé kle'an iha sira-nia laran ne'ebé hatudu Maromak nia loos no la loos (Roma 2:15). 

Bainhira ita halo sala, ita hotu presiza arrepende. Maromak nia laran-di'ak hakarak ita arrepende aan. Bainhira ita arrepende aan no fila fali ba Maromak, ita hetan oportunidade seluk tan atu hetan moris foun. Hahalok arrepende aan la'ós de'it kona-ba hasees an husi sala, maibé kona-ba fila aan ba Maromak. 

Nai, perdua ami ba tempu ne'ebé sira ne'ebé ami julga ema seluk. Obrigadu ba Na'i tamba loron-loron hanesan oportunidade ida ne'ebé Na'i fo ba Ami no biban atu hahú foun fila fali.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

🪷🪷🪷🪷🪷🪷🪷🪷🪷🪷🪷

Referensia 

Roma 2:1-16 Biblia Kadi

1 Nee duni, Oh ema, o la iha razaun atu tesi lia ba ema seluk. Tanba bainhira o tesi lia ba ema seluk, o kondena o nia aan rasik. Tanba maski o tesi lia, o mos halo hanesan sira.

2 Ita hatene katak Maromak tesi lia lo-loos ba ema nebee halo buat sira nee.

3 Oh ema nebee tesi lia ba ema seluk nebee halo buat sira nee, maibee o mos halo hanesan, o hanoin katak o bele halai sees hodi Maromak la tesi lia ba o ka?

4 Ou karik o hakribi Maromak nia laran diak tebes, nebee Nia hein hela ho pasiénsia naruk. O la hatene katak Maromak hatudu laran diak nee hodi o bele arepende ka?

5 Maibee o aumenta ba beibeik Maromak nia laran hirus hasoru o tanba o ulun toos no lakohi arepende. Laran hirus nee sei mai iha loron nebee Maromak tesi lia ho hahalok loos.

6 Nia sei selu ema ida-idak tuir ema nia hahalok.

7 Ba sira nebee halo diak ho pasiénsia hodi hetan glória, onra no moris nebee nunka mate, Maromak sei foo moris rohan laek.

8 Maibee ba sira nebee buka aan deit provoka ema seluk no lakohi halo tuir lia loos, maibee halo tuir hahalok nebee la loos, Maromak sei hatudu laran nakali no hirus.

9 Ema hotu nebee halo aat sei hetan terus no susar, primeiru ba ema Judeu no mos ba ema Jentiu.

10 Maibee ema hotu nebee halo diak sei hetan glória, onra no dame, primeiru ba ema Judeu no mos ba ema Jentiu.

11 Tanba Maromak la fihir ba ema ida.

12 Tanba ema hotu nebee halo sala maski sira la hatene lei, sira sei lakon ketak hosi lei. No ema hotu nebee halo sala bainhira sira hatene lei, Maromak sei tesi lia ba sira tuir lei nee.

13 Tanba laos ema nebee rona deit lei mak ema nebee sai loos iha Maromak nia oin, maibee sira nebee halo tuir lei mak sai loos.

14 Tanba bainhira ema Jentiu sira, nebee la iha lei, halo tuir deit buat nebee lei haruka, sira sai lei ba sira nia aan rasik, maski sira la iha lei.

15. Sira hatudu katak hahalok hosi lei nee hakerek ona iha sira nia fuan laran. Sira nia konsiénsia mos foo sasin, no sira nia hanoin mos akuza sira no mos defende sira.

16 Tuir evanjelhu nebee hau haklaken, ida nee sei akontese iha loron nebee Maromak tesi lia ba ema nia segredu liu hosi Jesus Kristu.

Read More