Reflesaun bazeia ba Roma 9: 1-21
Ita rona labarik sira ko'alia "Ne'e la justu" ida ne'e la'ós de'it labarik sira mak ko'alia ida ne'e, maibé mós ba ema-boot sira iha fiar kristaun nian mós dalaruma ko'alia ida ne'e ba Maromak.
Kuandu Paulo to'o tiha ona iha kapítulu 8 nia rohan, nia hanoin kona-ba Izrael nia rasa iha kapítulu 9-11. Paulo la hanoin katak sai ema kristaun ne'e hanesan ho konversaun hosi Judaismu. Nia hanoin katak ida-ne'e mak parte ida husi sai ema Izrael ne'ebé loos no sai Abraao nia oan sira. Paulo hanoin katak ida ne'e personal tebes. Nia bolu ema Izrael nu'udar ninia povu (Roma 9: 3), signifika la'ós ema kristaun, maibé ema Judeu. Sira mak ninia família. Nia sai boot ona hamutuk ho sira. Nia hatete katak nia sente triste tebes (Roma 9:2).
Ema balu hanoin katak ita la sente triste tan kuandu sai ona ema kristaun. Maibé ba Paulo sai ema Kristaun sente haksolok maibe iha mós triste. Ida-ne'e mak paradoksu ida-ne'ebé estrañu. Karik ita mós sente triste tebes bainhira ita-nia família ka belun sira rejeita Jesus.
Paulo hanoin tebes kona-ba sira-nia salvasaun to'o nia prontu atu mate la'ós de'it ba sira, maibé atu "hakotu an husi Kristu" (Roma 9:3), atu bele salva sira.
Moses halo orasaun hanesan ne'e, bainhira nia halo orasaun ba ema ne'ebé halo sala hasoru Maromak, hodi dehan: "Favór ida, foo perdaun ba sira nia sala, se lae, hamoos tiha hau nia naran hosi O nia livru nebee O hakerek ona, Exodu 32:32. Maromak la simu Moises (Exodu 32: 33-34a) ka Paulo nia sakrifísiu tanba sira-nia moris la bele kasu povu nia pekadu sira.
So Jesus Ninia moris sala laek de'it mak bele kasu sala. Tan ne'e, Jesus prontu atu simu malisan no lakon ninia moris (Roma 9: 3) ba ita. Nia la'ós de'it hakarak, maibé Ninia sakrifisiu Maromak simu no efetivu. La iha buat ida mak ita bele aumenta ba ida-ne'e.
Maski nune'e, Paulo sente triste tebes tanba nia hatene katak ninia povu barak la simu prezente furak redensaun no perdaun ne'ebé Maromak oferese ba sira (no ita), maibé sira opta atu rejeita prezente ne'e.
Buat ne'ebé halo Paulo sente triste liu tan mak, sira Maromak nia povu eskollidu. Maromak hili ona povu Izrael nu'udar Ninia povu: "Sira mak ema Israel nebee sai oan hakiak, no simu glória no aliansa. Maromak foo lei no promesa ba sira, no sira bele adora Nia. Sira mai hosi bei-ala boot sira. No liu hosi sira nia uma kain, tuir isin, ita hetan Kristu, Maromak nebee ukun buat hotu. Bensaun ba Nia too tinan ba tinan. Amén. Roma 9:4-5
Ho background ida-ne'e, nia hasoru pergunta ne'ebé halo nia laran-tun iha ninia serbisu haklaken tomak, hodi dehan: "Serake Maromak nia promesa falla? Nia hatán: Lae, la falla. Entaun, saida mak ninia esplikasaun kona-ba ida ne'e?
Ninia resposta primeiru mak: "Hatene ka lae, Maromak nunka promete ba Abraao nia bei-oan hotu? Tuirmai nia fó ilustrasaun rua, ida husi Isaac kompara ho ninia maun (Roma 6-9), ida seluk Jacob ho Esau (Roma 9: 10-13). Iha kazu rua ne'e, promesa fo ba ema ida no la'ós ba ida seluk.
Ida ne'e justu ka lae? Serake ida ne'e sai razaun atu dehan Maromak la justu? La bele!
Roma 9:14. Ninia resposta mak se ema ida dehan katak Maromak la justu, sira la hatene Maromak.
Doutrina kona-ba eleisaun ne'e bazeia ba Maromak nia laran-sadi'a: "Hau mak tau matan ba laran-sadi'a. Ha'u tau matan ba kompaixaun" kompaixaun ne'e Maromak fo ba it's la'ós tanba ita-nia laran-susar ka morál di'ak maibé tanba Maromak nia laran-sadi'a (Roma 9:15-16). Liafuan "mercy/laran sadi'a" no "kompaixaun" mosu dala hitu (Roma 8:14-18). Ita bele tau fiar ba Maromak kona-ba ita-nia futuru no ba sira ne'ebé ita hadomi. Nia mak iha ultima kontrolu. Ne'e mak ninia responsabilidade nu'udar ukun-na'in.
Bíblia la hatán pergunta hotu. Maibé ida-ne'e ko'alia kona-ba Maromak nia kompaixaun no mós kona-ba ninia justisa. Ida ne'e hanorin kona-ba eleisaun no liberdade atu hili. Liberdade atu hili signifika katak ita mak responsavel ba ita-nia desizaun rasik.
Dala barak lia-loos iha Biblia la'ós iha ai-riin ida ka iha ai-riin seluk, mós la'ós entre ai-riin rua, maibé iha ai-riin rua ne'e hotu. Bíblia hatete katak ida-ne'e la'ós misteriu ne'ebé Biblia atu rezolve ba ita - iha buat balu ne'ebé ita presiza foti konkluzaun ho ema ne'ebé hakerek salmu ne'ebé hatete: "O nia konhesimentu mai hau nee mak furak liu, no aas tebes too hau la hetan. Salmu 139:6. Ita mós presiza kaer metin lia-loos kona-ba eleisaun no liberdade atu hili iha tempu hanesan.
Nai, obrigadu ba Ita-Boot tanba Ita hadomi no hatudu laran-sadi'a, lalais atu hirus no riku ho domin. Obrigadu ba Ita-Boot ne'ebé mate ona tanba ami iha kruz, atu nune'e ema hotu ne'ebé fiar ba Ita bele hetan liberdade. Ajuda ami atu tau fiar ba Ita kuandu ami-nia komprensaun falla.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Roma 9:1-21
1 Hau koalia lia loos iha Kristu no hau la bosok. Hau nia konsiénsia mos foo sasin iha Espíritu Santu
2 katak hau tristi tebes no laran susar hela deit iha hau nia fuan laran.
3 Tanba hau prontu atu hau rasik simu malisan atu sai dook hosi Kristu hodi troka fatin ho hau nia maun-alin sira, nebee hau nia família tuir relasaun isin nian.
4 Sira mak ema Israel nebee sai oan hakiak, no simu glória no aliansa. Maromak foo lei no promesa ba sira, no sira bele adora Nia.
5 Sira mai hosi bei-ala boot sira. No liu hosi sira nia uma kain, tuir isin, ita hetan Kristu, Maromak nebee ukun buat hotu. Bensaun ba Nia too tinan ba tinan. Amén.
6 Maibee ida nee laos Maromak nia liafuan monu lakon deit. Tanba laos Israel nia bei-oan hotu mak Israel nian.
7 No laos Abraão nia jerasaun hotu mak Abraão nia oan sira. Maibee, “Liu hosi Isak mak o sei hetan bei-oan atu lori o nia naran.”
8 Nee katak, laos oan sira tuir isin mak Maromak nia oan sira, maibee oan sira nebee tuir promesa mak sura nudar oan sira.
9 Tanba promesa dehan nunee, “Tinan oin iha tempu hanesan nee, Hau sei fila fali mai, no Sara sei iha oan mane ida.”
10 Laos nee deit, maibee mos Rebeka kous oan kaduak liu hosi mane ida, nebee ita nia bei-ala Isak.
11 No bainhira oan sira nee seidauk moris mai, no seidauk halo buat ida diak ka aat, hodi Maromak nia planu bele lao ba oin, Nia hili ema ida, laos tanba hahalok maibee tanba Nia bolu ema nee.
12 Hanesan ema hakerek nanis ona, “Hau hadomi Jacó, maibee Hau odi Esau.”
13 Hanesan ema hakerek nanis ona, “Hau hadomi Jacó, maibee Hau odi Esau.”
14 Entaun ita sei dehan saida? Maromak la justu? La bele!
15 Tanba Nia dehan ba Moisés, “Hau sei hatudu laran luak ba ema nebee Hau hakarak hatudu laran luak, no Hau sei hatudu grasa ba ema nebee Hau hakarak hatudu grasa.”
16 Entaun ida nee depende laos ba ema nebee hakarak ka hakaas aan, maibee ba Maromak nebee hatudu laran luak.
17 Tanba Eskritura dehan ba Faraó, “Tanba razaun nee mak Hau foti o sai boot, hodi hatudu Hau nia kbiit iha o. Nunee ema bele foo sai Hau nia naran iha mundu tomak.”
18 Nunee Nia hatudu laran luak ba ema nebee Nia hakarak, no Nia foo laran toos ba ema nebee Nia hakarak.
19 Entaun imi sei dehan mai hau, “Tanba saa mak Nia foo sala? Tanba see mak bele kontra Ninia hakarak?”
20 Maibee o nee see, Oh ema, atu hataan fali ba Maromak? Buat nebee ema forma sei husu fali ba ema nee, “Nusaa mak o halo hau hanesan nee?”
21 Laos badaen rai mean iha direitu atu halo hosi rai mean kabuar ida sanaan ida ba servisu nebee iha onra no sanaan ida ba servisu nebee la iha onra?
