Bibi 1 ne'ebé Lakon valor boot hanesan 99

Imi hanoin oinsaa? Se ema ida iha bibi atus ida, no bibi ida lao lakon hosi sira. Laos ema ida nee husik bibi sia-nulu resin sia iha foho, no baa buka ida nebee lao lakon? Mateus 18:12

Serake ita iha korajen atu buka Jesus? Serake ita sinti la'o dook ona husi Maromak nia dalan? 

Tuir loloos, Jesus hatete katak Ita mak importante ba Nia. 

La iha kualifikasaun atu Maromak hadomi no buka Ita. Nia bolu ita-nia naran atu mai hasoru nia, no nia hakarak ita atu hamutuk ho nia. 

Lee fali liafuan sira-ne'e: Nia hakarak ita atu hamutuk ho nia. Iha Mateus 18:12, Jesus ko'alia ai-knanoik tuirmai ne'e: 

Imi hanoin oinsaa? Se ema ida iha bibi atus ida, no bibi ida lao lakon hosi sira. Laos ema ida nee husik bibi sia-nulu resin sia iha foho, no baa buka ida nebee lao lakon? Mateus 18:12

Ida-ne'e la'ós de'it istória ida, maibé ida-ne'e hatudu realidade kona-ba Jesus Ninia domin no komitmentu ba ita ida-idak. Jesus, Bibi-Atan Diak, nunka rende an ba ninia bibi sira ne'ebé lakon. Nunka!. Nia buka didi'ak ema ne'ebé la'o lakon hosi dalan loos. 

Ita hotu iha ita-nia moris esperiensia ka sente hanesan bibi-malae ne'ebé la'o-lakon. Dala ruma ita sente katak ita la'o dook demais husi dalan loos. Maibé hanoin ida-ne'e: Jesus la haluha ita, no ita hotu importante ba Jesus. Nia tau matan ba ida ne'ebé la'o lakon hanesan nia halo ba 99 ne'ebé la lakon (Mateu 18:13). 

Entaun, hakbesik an ba nia ohin. Tanba maski ita la'o iha fatin ne'ebé de'it, iha ita-nia viajen espirituál, Jesus buka ita, hodi bolu ita hodi la'ós de'it la'o tuir Nia, maibé atu hamutuk ho Nia. 

Oinsá mak Ita bele hatán ba Jesus bohin loron?

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Rona

No Nia dehan ba sira, “Ema nebee iha tilun hodi rona, husik nia rona ba.” Marcos 4:9

Iha Eskritura nia pájina hotu, iha liafuan balu ne'ebé repete fali: ezemplu iha ita-nia versíkulu ohin loron nian mak " rona". Iha Testamentu Antigu, lia-ebraiku "Shema" tradús ba lia-ingles nu'udar " rona" no dala barak ema interpreta hanesan rona, komprende no halo tuir. 

Kultura tempu agora, ema valoriza liu halo buat barak iha tempu hanesan; dala barak ita koko atu rona bainhira hanoin kona-ba serbisu seluk, ne'ebé halo ita la fokus. Karik ema ida nia lian bele mai iha ita-nia tilun, maibé se ita mós halimar hela ka haree hela média sosiál iha telemovél, ka halo serbisu eskola nian, ka tein hela, ita sei la komprende didi'ak sira-nia liafuan. 

Maibé iha Biblia nia laran, " rona" la'ós de'it atu simu ema nia lian, maibé mós atu halo tuir ho didi'ak no haka'as an atu komprende. 

Iha Marcos 4:9, Jesus konvida ita atu rona no halo tuir, hodi fó korajen mai ita atu tau atensaun didi'ak ba ninia liafuan sira: "Ema ne'ebé iha tilun atu rona, husik nia rona ba." 

Jesus la'ós de'it husu ita atu rona didi'ak ninia liafuan sira no kontinua halo tuir ita-nia planu rasik, maibé nia mós fó korajen mai ita atu rona no halo tuir ninia lia-loos. Rona no halo tuir mak buat ne'ebé hametin ita-nia fiar ba Jesus Kristu. Rona Maromak nia Liafuan tenke lori transformasaun ba ita-nia moris ne'ebé iha fuan. 

Bainhira ita refleta kona-ba rona iha Eskritura, konsidera to'ok ita-nia laran no oinsá ita simu Maromak Ninia lia-fuan. Serake ita simu didi'ak Maromak nia Liafuan hodi transforma ita-nia moris, ka ita rona maibé la fokus no halo ita komprende no kontra Maromak nia liafuan?

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Sai naroman ba mundu

Imi mak naroman ba mundu nee. Ita la bele subar sidade ida nebee iha foho leten. Mateus 5:14

Hanoin to'ok komunidade ida-ne'ebé ema laran-moos serbisu hamutuk atu hadi'a buat ne'ebé aat. Ema hotu ne'ebé ita hasoru hadomi duni ita, no ita mós hadomi sira hanesan. Oinsá mak moris iha komunidade hanesan ne'e bele troka ita-nia hanoin, sentimentu, no hahalok? 

Jesus konvida ita ba komunidade hanesan ne'e. Iha Mateus 5:14, Jesus hatete: "Imi mak naroman ba mundu nee. Ita la bele subar sidade ida nebee iha foho leten" Mateus 5:14.

Liafuan gregu ba "hill ka foho kiik" mós bele signifika "foho", no iha tempu antigu, foho sira mak fatin ne'ebé lalehan no rai hasoru malu - fatin ne'ebé ema bele hasoru sira-nia maromak. Ema Ebreu antigu hatene katak foho sira mak fatin úniku ne'ebé Maromak hasoru ema no ema ho Maromak hela hamutuk nu'udar sira-nia parseiru. 

Abrão esperiensia teste divinu hosi Maromak no hetan bénsaun iha foho ida. Maromak konvida Moises atu sa'e foho ida atu hetan instrusaun. Profeta Isaias uza imajen foho nian atu mehi kona-ba loron ida iha ne'ebé spasu lalehan-iha-rai sei habelar, hodi halo nakonu mundu ho Maromak nia Ukun no halakon nakukun diabu nian. 

Ida-ne'e halo Jesus nia hanorin sai fuik duni! Nia dehan katak lalehan no rai halibur hamutuk liuhusi ema liuhusi ita. Kuandu Jesus bolu ninia dixipulu sira nu'udar "sidade iha foho ida", nia dehan katak sira sei lori esperiénsia iha foho leten ba mundu. Nia konvida ita atu sai foho movel, hodi kria kaixa lalehan nian iha rai ba fatin ne'ebé de'it ita ba.

Ita bele halo ida-ne'e hodi husik dalan aat sira ne'ebé uluk ita hali atu luta hasoru ita-nia inimigu sira, no hodi halo tuir Jesus nia hahalok sira, hanesan fó-han ema ne'ebé hamlaha, moris ho justisa no hadomi ema ho pasiénsia. Kuandu ida-ne'e akontese, Maromak nia naroman ne'ebé lori ita ba moris ne'ebé loos sei nabilan iha laran. Tan ne'e, mai ita buka dalan atu partisipa halo Maromak nia Ukun ne'ebé nabilan iha rai nuudar iha lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More