Hasoru Maromak ho aten brani

Nunee mai ita hakbesik ba kadunan grasa nian ho konfiansa, atu ita bele simu laran luak no hetan grasa nebee tulun ita iha tempu nebee ita presiza. Ebreu 4:16

Figura sentrál ba fiar ema kristaun nian mak la'ós Maromak Ida ne'ebé dook ka remota ne'ebé ita labele hakbesik ba, ka espíritu ne'ebé halo ita senti tauk, ka Maromak ne'ebé la Hatene ita ema maksalak ninia natureza. Se nune'e, orasaun bele halo ita ta'uk no karik la iha sentidu buat ida. Felizmente, Jesus la'ós de'it komprende ita-nia susar no fallansu sira (Ebreu 2:14-18), maibé nia mós manán ona obstaklu no susar sira ne'e (Ebreu 4:15). 

Versíkulu ne'e mak hanesan konkluzaun husi versíkulu 14. Depoisde fó korajen ba ema kristaun atu halo hotu serbisu sira ne'ebé Maromak fó mai ita (Ebreu 4: 1-11), autór ba libru Ebreu fo hanoin ba ita katak Maromak nia liafuan mak sasukat ba ita-nia hanoin, hahalok no intensaun sira (Ebreu 4:12). La iha buat ida mak subar an iha Maromak Ninia futar oin, Maromak mak ita-nia última juis (Ebreu 4: 13). Versíkulu 14 no 15 hatudu ho klaru katak ita bele mantein ita-nia fiar iha tempu susar nian, tanba ita hatene katak Kristu hatudu ona dalan ba ita. Nia la'ós de'it hetan terus, mate, no hetan tentasaun, maibé nia la monu ba sala. 

Tan ne'e, tanba ita hatene katak Kristu komprende ita-nia frakeza sira no sente ona ita-nia terus, ita bele halo orasaun. Kuandu ita husu Maromak nia laran-sadi'a, grasa, ajuda, ka perdua, ita bele iha konfiansa katak ita sei hetan (Ebreu 3:6). La iha ema ida mak bele komprende di'ak liu ita-nia terus liu fali Jesus, tan ne'e mak so Jesus de'it mak bele sai ita-nia Amlulik Boot no mós bele kasu ita-nia sala (Ebreu 2: 18).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak sosa fali ita hosi mate

Hau la moe kona ba evanjelhu. Tanba evanjelhu nee mak kbiit hosi Maromak atu foo salvasaun ba ema hotu nebee fiar, primeiru ba ema Judeu no mos ba ema Gregu. Roma 1:16

Paulo nia karta ba igreja sira iha Roma nakonu ho matenek ne'ebé kle'an kona-ba Maromak nia natureza, kbiit husi Jesus nia serbisu iha krús, no oinsá mak ida-ne'e ajuda forma ita-nia moris. Iha inisiu hosi apóstolu Paulo nia karta, nia halo sumariu balu antes nia kontinua. 

Iha Roma 1:16-17, Paulo komesa ko'alia kona-ba ideia importante ida iha karta ba ema Roma sira. Nia komesa ho Evanjellu ka lia-fuan di'ak. Lia-fuan di'ak katak bainhira ema hotu sai atan ba sala hela, Jesus mai no moris hanesan ema ne'ebé perfeitu, no nia mate ba ita iha krús. Nia kumpre kastigu ne'ebe loloos ita mak merese. Liuhosi kruz Jesus sosa fali ita hosi mate.

Agora, ema hotu ne'ebé fiar ba evanjellu ne'e bele hetan moris ne'ebé loos no hetan salvasaun. Liuhusi mensajen husi Evanjellu de'it mak ita bele hetan salvasaun. 

Liután ne'e, ema hotu mós iha asesu ba salvasaun. La iha ema ida-ne'ebé iha status espesiál iha Maromak nia oin atu hetan salvasaun. Ema ida-idak iha mundu bele hetan salvasaun husi Maromak liuhusi fiar ba Jesus nu'udar sira-nia Nai no Salvador. 

Paulo hatete katak liafuan ne'e ulukliu mai ba ema judeu sira, tanba Jesus nia misaun iha rai hahú ho Maromak nia povu. Maibé, mensajen ne'e habelar liuhusi Jesus no apóstolu sira ba ema jentiu sira. Nune'e, ema hotu iha asesu ba podér salvasaun hosi Maromak liuhusi Jesus. 

Se mensajen ne'e foun ba imi, uza tempu balu iha Maromak nia Liafuan hodi aprende kona-ba mensajen no esperansa husi Evanjellu. Obrigadu ba Maromak tanba nia haruka Jesus atu fó salvasaun ba ema hotu, inklui mós ba ita-nia an rasik. Agora, hatene ba katak ita iha asuransi katak ita bele hetan salvasaun no redensaun hosi Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Saida mak matenek tuir definisaun Biblia?

Hamtauk ba Nai mak matenek nia huun, maibee beik-teen sira despreza matenek klean no instrusaun.Provérbiu 1:7

Fatin atu hahú 

Iha fatin barak ne'ebé ita bele aprende kona-ba buat foun no haburas koñesimentu. Livru sira-ne'ebe ita bele asesu livremente atu bele aprende buat saida de'it ne'ebé ita bele mehi. Internét mós iha konteúdu barak no dalan atu aprende kona-ba kualkér tópiku ne'ebé ita bele imajina. 

Maski sira mak fatin ne'ebé di'ak atu hahú atu haburas koñesimentu, maibé eskritura hatete mai ita katak koñesimentu hotu hahú ho hamta'uk ba Maromak. Ida-ne'e katak, maski ita bele aprende buat barak husi ema ida, maibé koñesimentu ne'ebé loos hahú husi Maromak. 

Hanta'uk ba Nai la'ós katak ita tenke ta'uk ba Maromak. Ne'e katak ita tenke moris ho laran-haraik an ba Maromak. Ulukliu ita halo ida-ne'e hodi rekoñese se mak Maromak. Nia mak kriador no huun ba buat hotu. Nia mak iha kbiit tomak no hatene buat hotu.

Maromak nia Liafuan hatete katak nia kaer kbiit atu hamoris no hamate. Ita bele fiar katak ida-ne'e mak atributu Maromak nian ne'ebé bele halo ita hatudu laran-manas ba Maromak. 

Eskritura mós hatete katak Maromak hatudu domin, laran-di'ak no laran-sadi'a ba ita. Maski uluk, ita Ninia kriasaun rasik fila kotuk ba Nia no kontra nia, maibé ho laran-di'ak Maromak fo asesu fila fali ba Nia liuhusi Ninia Oan-Mane Jesus. Maromak ne'ebé kria lalehan no rai hadomi ita hotu. 

Hatene didi'ak Maromak ho loos no hamta'uk ba Maromak mak hun husi matenek hotu. 

Ita sei beik atu hasees an husi Maromak ne'ebé iha kbiit boot no laran-di'ak. Maski ita bele aprende buat barak liuhusi livru ka internét, maibé koñesimentu importante liu kona-ba Maromak rasik mai husi Ninia Liafuan. 

Uza tempu balu hamutuk ho Maromak hodi halo orasaun, hodi fó agradese ba Maromak tanba nia mak se no saida mak nia halo ona ba ita. Hahú hatoman an atu lee Eskritura beibeik atu nune'e ita bele hatene liután kona-ba Nia.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More