Ita-nia paun loroloron nian

Foo mai ami ai haan loro-loron nian. Mateus 6:11

Iha Mateus 6, Jesus nia dixipulu sira husu Nia oinsá mak sira halo orasaun. Tan ne'e, Jesus hanorin sira atu halo orasaun simples ne'ebé kobre area bazika moris nian. Modelu orasaun ne'ebé Jesus hanorin orienta ita-nia laran ba Maromak no Ninia reiñu Nia serbisu iha mundu. Iha orasaun ne'e nia klaran, Jesus hatete: "Foo mai ami ai haan loro-loron nian. Mateus 6:11" 

Buat ne'ebé Jesus hatudu mai ita mak ne'e: Maromak hakarak ita lori buat hotu ba nia liuhusi orasaun - inklui mós buat ki'ik sira. Maromak kuida ita no ita-nia presiza sira. 

Orasaun ne'e mós hatudu katak Maromak mak fó buat di'ak ba ita no fornese buat hotu ba ita. Maski ita haree hanesan ita rasik mak hetan ita-nia nesedidade bazika, maibé Maromak mak fó ita is-moris no ita-nia abilidade atu serbisu hodi hetan saláriu. Maromak mós kria ai-han ne'ebé ita han. 

Buat hotu ne'ebé ita iha mai husi Maromak. Ida-ne'e signifika katak ita bele uza tempu atu halo orasaun hodi agradese ba Maromak tanba buat ne'ebé nia fó mai ita, no ko'alia ho nia kona-ba ita-nia presiza sira. 

Buat ne'ebé importante mak Jesus la husu Maromak atu fó buat ne'ebé nia presiza ba aban ka semana oin - Nia so husu de'it ninia presiza ohin loron. Ita-nia moris tomak bele muda ka nakfilak derepente no buat ne'ebé ita rai hela ba tinan barak ona bele lakon derepente mós. Tan ne'e Jesus hanorin ita atu depende ba Maromak hodi bele hatán ba ita-nia presiza loroloron. Maibé dependensia ba Maromak presiza fiar, bainhira ita tau fiar ba Maromak ita bele moris tuir Na'i Nia podér no provizaun duke depende ba ita-nia kbit rasik. 

Foti tempu balu ohin-loron no agradese ba Maromak ba buat hotu ne'ebé nia fó ona ba ita. Hatoo agradesementu ba Maromak tanba nia tau matan ba ita-nia presiza loroloron nian, no husu ba Maromak atu kontinua tau matan ba ita-nia presiza loroloron nian. Konsidera to'ok oinsá mak ita bele moris hodi hatene liután kona-ba Maromak nu'udar fornesedor. Nia hadomi Ita no tau matan ba Ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak nia promesa ba Izrael sei mantein

 Reflesaun bazeia ba Roma 11: 11-32 

Hanesan ita haree ona, iha Roma 11 Paulo hatán ba pergunta ne'e: "Serake maromak rejeita ninia povu? Ninia resposta mak: Lae, lae, lae: Maromak nia prezente no ninia xamada la bele muda (Roma 11:29). Maromak nia prezente sira no Maromak nia xamada sei garantia nafatin, nunka kansela, nunka lakon (Roma 11:29). 

Maski nune'e, Paulo kontinua hanoin katak maioria seidauk simu Jesus. Nia ko'alia kona-ba ema Izrael sidi (Roma 11:11) no halo laran toos (Roma 11:25). Agora sira hanesan ai-oliveira ne'ebé tohar tiha ona (Roma 11:17). Oinsá mak ida-ne'e bele komprende kona-ba Maromak nia promesa ba Ninia povu ne'ebé labele falha hanesan hakerek iha Testamentu Antigu? 

Sira-nia laran toos ne'e parsiál de'it. Sempre iha nafatin povu restu ne'ebé fiél eskoilla hosi Maromak (Roma 11:11-16). 

Ema Izrael ninia laran toos ne'e fo fuan, tamba rezulta ba alkansamentu ba ema jentiu sira: "Maibee liu hosi sira nia sala mak salvasaun too ba ema Jentiu sira" Roma 11:11. Bainhira sira sai, sira husik odamatan nakloke no ema jentiu sira la'o tama.

Ema Izrael ninia laran toos ne'e temporariu. "Serake sira sai permanente? " No resposta ne'e klaru lae (Roma 11:11). Izraél nia laran-toos ba Maromak mak temporáriu (Roma 11:25). "Agora, se sira nia sala lori riku-soin ba mundu, no bainhira sira lakon ema Jentiu sira hetan riku-soin, oinsaa liu tan bainhira sira sai nakonu! Roma 11:12

 Liafuan ikus ne'e importante tebes ba Paulo, ne'ebé hanoin tebes kona-ba ninia povu Izrael. Nia hakarak tebes atu inklui povu Izrael (Roma 11:12). Nia la hatete katak "karik" ida ne'e akontese, maibé "bainhira" ida ne'e akontese. Nia uza ai-oliveira ida nu'udar dezeñu ba nasaun judeu (Roma 11:17,24). Kristu mai. Nasaun la simu nia. Ai-huun ne'e tesi tiha, maibé abut sira-ne'e husik hela. To'os na'in taka fali/graft ho ema jentiu sira (Roma 11:17). 

Tempu sei mai, bainhira ema judeu sira-nia ramu sira sei tutan ka taka fali (Roma 11:23-24). Tuirmai ai-huun tomak sei sai kompletu. Ema jentiu sira sai boot husi ai-huun ne'ebé tesi ona, sira la suporta ai ninia abut (ema judeu sira-nia huun), maibé sira-nia abut mak apoia sira (Roma 11:18). Iha faze tolu ne'ebé tuir loloos atu kumpre Maromak nia planu kona-ba salvasaun: 

 1. Izraél nia parte boot mak la fiar " Ai-sanak balu aparu (Roma 11:17) 

2. Inkluzaun ema li'ur barak liuhusi sira-nia fiar ba Jesus: ai-oliveira fuik taka tama/grafted ba ai-huun hakiak ne'e (Roma 11:17) 

3. Salva ema Izrael hotu (Roma 11:26) 

Maibé, "Izrael hotu sei hetan salvasaun" signifika sáida? Ema balu dehan katak ida-ne'e signifika ema Izrael sei hetan salvasaun la liuhosiKristu. Maibé, pozisaun ida-ne'e la kredivel. Iha Paulo Nia epistola (karta) tomak hatete katak Jesus mak dalan ba salvasaun ema nian.

Paulo konkluzaun hanesan tuir mai "Tanba iha tempu uluk imi la halo tuir Maromak. Maibee agora imi simu laran luak tanba sira la halo tuir Maromak. Nunee mos sira nebee agora la halo tuir Maromak bele simu laran luak, hanesan imi mos simu ona laran luak. Tanba Maromak taka ema hotu hamutuk ba hahalok nebee la halo tuir Nia, atu nunee Nia bele hatudu laran luak ba ema hotu" Roma 11:30-32

Oh Nai, obrigadu ba Ita-Boot katak Maromak nia prezente no liafuan sira-ne'e la bele dada fila fali. Ha'u harohan atu iha konversaun boot iha mundu Jentiu nian nomos hosi povu Izrael atu fiar ba Kristu 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Referensia Roma 11:11-32

Entaun hau husu, sira sidi atu monu lakon ka? La bele! Maibee liu hosi sira nia sala mak salvasaun too ba ema Jentiu sira. Ho ida nee ema Israel sira sai laran moras. Roma 11:11

Agora, se sira nia sala lori riku-soin ba mundu, no bainhira sira lakon ema Jentiu sira hetan riku-soin, oinsaa liu tan bainhira sira sai nakonu! Roma 11:12

Agora hau koalia ba imi nebee ema Jentiu sira. Hau mak apostolu ba ema Jentiu sira entaun hau aumenta hau nia ministériu. Roma 11:13

Tanba hau buka oinsaa atu hau bele provoka hau nia maluk Judeu sira atu sai laran moras. No karik liu hosi dalan nee sira balu bele hetan salvasaun. Roma 11:14

Tanba se bainhira Maromak rejeita sira, ida nee loke dalan atu mundu bele dame malu ho Maromak, entaun oinsaa bainhira Maromak simu fali sira? Nee katak ema bele moris hias hosi mate! Roma 11:15

Tanba se trigu masa rohan ida nebee oferese nudar rezultadu primeiru sai santu, nunee masa tomak sai santu. No se abut mak santu, entaun sanak sira mos santu. Roma 11:16

Maibee Maromak silu sai sanak balu, no Nia taka fali imi ba ai huun hakiak nee, maski imi mak ai oliveira fuik, atu imi hetan benefísiu hosi ai oliveira nia abut nee. Roma 11:17

Maibee keta gaba aan hasoru sanak sira nee. Se imi halo nunee karik, hanoin katak laos imi mak suporta abut, maibee abut mak suporta imi. Roma 11:18

Depois imi sei dehan, “Nia silu sai sanak sira hodi taka fali hau ba ai huun hakiak nee.” Roma 11:19

Nee loos. Nia silu sai sira tanba sira la fiar. No imi hamriik metin liu hosi fiar. Entaun keta foti aan, maibee hamtauk ba. Roma 11:20

Tanba se Maromak la husik ai sanak orijinál, Nia sei la husik imi. Roma 11:21

Haree took Maromak nia laran diak no oinsaa Nia tesi lia. Nia tesi lia ba sira nebee monu tiha. Maibee Nia hatudu laran diak ba imi, se imi kontinua iha Ninia laran diak. Se lae, Nia sei tesi sai imi. Roma 11:22

No ba sira mos, se sira la kontinua ho laran nebee la fiar, sira bele tama fali. Tanba Maromak bele taka fali sira ba ai huun hakiak nee. Roma 11:23

Tanba Nia tesi sai imi hosi ai oliveira fuik, no Nia taka fali imi ba ai oliveira diak maski ida nee kontra sistema naturais. Saa tan ai sanak sira nee, nebee ai sanak loos tuir sistema naturais, katak Nia bele taka fali sira ba sira nia ai huun rasik? Roma 11:24

Maun-alin sira, hau hakarak imi kompriende mistériu ida nee atu imi la hanoin katak imi matenek klean iha imi nia matan rasik: Ema Israel sai ulun toos uitoan too ema Jentiu sira tama mai too kompletu ona.Roma 11:25

No liu hosi ida nee, ema Israel hotu sei hetan salvasaun. Hanesan ema hakerek nanis ona,

“Salvadór ida sei mai hosi Zion, no Nia sei hasai laran nebee la hamtauk Jacó nia Maromak.”Roma 11:26

Tanba ida nee mak Hau nia aliansa ho sira, bainhira Hau hasai sira nia sala sira nee. Roma 11:27

Kona ba evanjelhu, sira mak Maromak nia inimigu sira tanba imi. Maibee kona ba ema nebee Maromak hili, Nia hadomi sira tanba sira nia bei-ala sira. Roma 11:28

Tanba bainhira Maromak foo prezenti sira no bolu ema, Nia la troka fali Ninia hanoin nee. Roma 11:29

Tanba iha tempu uluk imi la halo tuir Maromak. Maibee agora imi simu laran luak tanba sira la halo tuir Maromak. Roma 11:30

Nunee mos sira nebee agora la halo tuir Maromak bele simu laran luak, hanesan imi mos simu ona laran luak.Roma 11:31

Tanba Maromak taka ema hotu hamutuk ba hahalok nebee la halo tuir Nia, atu nunee Nia bele hatudu laran luak ba ema hotu. Roma 11:32

Read More

Hasoru Maromak ho aten brani

Nunee mai ita hakbesik ba kadunan grasa nian ho konfiansa, atu ita bele simu laran luak no hetan grasa nebee tulun ita iha tempu nebee ita presiza. Ebreu 4:16

Figura sentrál ba fiar ema kristaun nian mak la'ós Maromak Ida ne'ebé dook ka remota ne'ebé ita labele hakbesik ba, ka espíritu ne'ebé halo ita senti tauk, ka Maromak ne'ebé la Hatene ita ema maksalak ninia natureza. Se nune'e, orasaun bele halo ita ta'uk no karik la iha sentidu buat ida. Felizmente, Jesus la'ós de'it komprende ita-nia susar no fallansu sira (Ebreu 2:14-18), maibé nia mós manán ona obstaklu no susar sira ne'e (Ebreu 4:15). 

Versíkulu ne'e mak hanesan konkluzaun husi versíkulu 14. Depoisde fó korajen ba ema kristaun atu halo hotu serbisu sira ne'ebé Maromak fó mai ita (Ebreu 4: 1-11), autór ba libru Ebreu fo hanoin ba ita katak Maromak nia liafuan mak sasukat ba ita-nia hanoin, hahalok no intensaun sira (Ebreu 4:12). La iha buat ida mak subar an iha Maromak Ninia futar oin, Maromak mak ita-nia última juis (Ebreu 4: 13). Versíkulu 14 no 15 hatudu ho klaru katak ita bele mantein ita-nia fiar iha tempu susar nian, tanba ita hatene katak Kristu hatudu ona dalan ba ita. Nia la'ós de'it hetan terus, mate, no hetan tentasaun, maibé nia la monu ba sala. 

Tan ne'e, tanba ita hatene katak Kristu komprende ita-nia frakeza sira no sente ona ita-nia terus, ita bele halo orasaun. Kuandu ita husu Maromak nia laran-sadi'a, grasa, ajuda, ka perdua, ita bele iha konfiansa katak ita sei hetan (Ebreu 3:6). La iha ema ida mak bele komprende di'ak liu ita-nia terus liu fali Jesus, tan ne'e mak so Jesus de'it mak bele sai ita-nia Amlulik Boot no mós bele kasu ita-nia sala (Ebreu 2: 18).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More