Paradigma foun

Keta selu aat ho aat fali, ka hataan tolok ho tolok fali. Maibee foo bensaun. Tanba imi hatene katak Maromak bolu imi ba hahalok nee atu nunee imi bele simu bensaun nudar liman rohan. 1 Pedro 3:9

Antes Jesus, Maromak nia povu halo tuir Moises nia ukun-fuan. Tuir ukunfuan sira ne'e, bainhira ema hakanek no estraga sira-nia an, ukun-fuan sira-ne'e klaru no justu: "matan troka matan, nehan troka nehan, liman troka liman, ain troka ain" Exodu 21:24. Esensialmente, ba ema ida-idak nia kanek, ema ne'ebé hakanek tenke hetan kanek ne'ebé hanesan. 

Maibé depois ne'e, Jesus mai. Jesus hanorin Kontrariu ho ukunfuan Moses nian ne'ebé temi iha Exodus 21:24. Iha Mateus 5, bainhira Jesus halo Ninia sermaun iha foho leten, Nia hatete: "Imi rona ona katak ema dehan, ‘Matan troka matan, no nehan troka nehan.’ Maibee Hau dehan ba imi: Keta hapara ema nebee halo aat. Maibee se ema ruma basa o nia hasan sorin loos, see tan o nia hasan sorin karuk ba nia" Mateus 5:38-39.

Jesus la'ós de'it hatudu oinsa Maromak nia povu sira trata ema seluk, maibé Nia hanorin paradigma foun ida: 

 Hadomi ema seluk maski sira odi Ita. 

 Serbí ema seluk maski sira halo aat ba Ita. 

 Halo orasaun ba ema seluk maski sira haterus 

  ita. 

Apóstolu Pedro, ne'ebé hakerek livru 1 no 2 Pedro, mak dixipulu ida ne'ebé hamutuk ho Jesus iha foho-leten durante Jesus halo sermaun iha Foho leten. Iha ninia karta ba ema fiar-na'in sira, tinan barak depoisde Jesus mate no moris hi'as, Pedro hatutan fali Jesus nia hanorin: 

"Keta selu aat ho aat fali, ka hataan tolok ho tolok fali. Maibee foo bensaun. Tanba imi hatene katak Maromak bolu imi ba hahalok nee atu nunee imi bele simu bensaun nudar liman rohan. 1 Pedro 3:9

La iha buat ida mak Jesus husu ba ita atu halo ne'ebé Nia rasik seidauk hatudu ezemplu . Se karik Maromak halo tuir ukunfuan tuan ne'ebé hatete 'Matan troka matan, no nehan troka nehan' oinsá mak nia bele salva ita? Tanba Jesus nia domin ne'ebé moos no Ninia perdaun, nia fó ninia moris ba ita ema maksalak. Nia oferese paradigma foun ida. Nia hanorin ita dalan ne'ebé bdi'ak liu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Fonte ba buat di'ak hotu

Prezenti hotu nebee diak no perfeitu mai hosi leten, no tuun mai hosi Aman naroman nian. Nia la muda. Ninia lalatak mos la muda. Tiago 1:17

Iha Tiago 1:17, fó-hatene buat barak kona-ba Maromak. Primeiru, Tiago hatete katak Maromak mak fó prezente di'ak no perfeitu. Ne'e tanba Maromak mak kria universu. Nia mak forma buat hotu no ema hotu. Buat hotu hahú ho Maromak, tan ne'e prezente di'ak hotu no bensaun hotu iha ita-nia moris maihosi Maromak.

Liután ne'e, Maromak mak fó salvasaun mai ita, ne'ebé mak prezente boot liu hotu. Nia fó ita moris rohan-laek liuhosi fiar ba Jesus ne'ebé salva ita. Maromak la'ós de'it fó prezente ne'ebé perfeitu, maibé Nia mós prezente ne'ebé perfeitu. 

Buat tuirmai ne'ebé ita aprende kona-ba Maromak iha versíkulu ne'e mak Maromak ukun husi lalehan, maibé nia mós tun husi lalehan ba ita. Maromak ukun husi ninia kadunan iha lalehan, hanesan Salmo 103:19 hatete. Maibé iha Joao 6:38 ita mós haree katak Jesus tun husi lalehan no sai hanesan ema. Nia mak prezente ne'ebé perfeitu ne'ebé tun ona husi lalehan. 

Ikusliu, ita aprende husi versíkulu ne'e katak Maromak la muda. Ema muda beibeik. Ita kontinua haburas ita-nia hanoin, aprende, no haburas hanoin foun. Maromak la hanesan ne'e. Nia hanesan horiseik, ohin, no aban, no ninia karakter nunka muda. 

Maromak ne'ebé hadomi ita no fó laran-di'ak mai ita ohin sei halo hanesan iha loron aban. Nia sempre di'ak. 

Tan ne'e, ohin loron, ita presiza foti tempu uitoan atu fó agradese ba Maromak tamba buat ne'ebé nia halo ona ba ita. Obrigadu ba Nia ba prezente no bénsaun sira ne'ebé Nia fó ona ba ita. 

Obrigadu ba Nia ba prezente salvasaun nian.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Ita-nia paun loroloron nian

Foo mai ami ai haan loro-loron nian. Mateus 6:11

Iha Mateus 6, Jesus nia dixipulu sira husu Nia oinsá mak sira halo orasaun. Tan ne'e, Jesus hanorin sira atu halo orasaun simples ne'ebé kobre area bazika moris nian. Modelu orasaun ne'ebé Jesus hanorin orienta ita-nia laran ba Maromak no Ninia reiñu Nia serbisu iha mundu. Iha orasaun ne'e nia klaran, Jesus hatete: "Foo mai ami ai haan loro-loron nian. Mateus 6:11" 

Buat ne'ebé Jesus hatudu mai ita mak ne'e: Maromak hakarak ita lori buat hotu ba nia liuhusi orasaun - inklui mós buat ki'ik sira. Maromak kuida ita no ita-nia presiza sira. 

Orasaun ne'e mós hatudu katak Maromak mak fó buat di'ak ba ita no fornese buat hotu ba ita. Maski ita haree hanesan ita rasik mak hetan ita-nia nesedidade bazika, maibé Maromak mak fó ita is-moris no ita-nia abilidade atu serbisu hodi hetan saláriu. Maromak mós kria ai-han ne'ebé ita han. 

Buat hotu ne'ebé ita iha mai husi Maromak. Ida-ne'e signifika katak ita bele uza tempu atu halo orasaun hodi agradese ba Maromak tanba buat ne'ebé nia fó mai ita, no ko'alia ho nia kona-ba ita-nia presiza sira. 

Buat ne'ebé importante mak Jesus la husu Maromak atu fó buat ne'ebé nia presiza ba aban ka semana oin - Nia so husu de'it ninia presiza ohin loron. Ita-nia moris tomak bele muda ka nakfilak derepente no buat ne'ebé ita rai hela ba tinan barak ona bele lakon derepente mós. Tan ne'e Jesus hanorin ita atu depende ba Maromak hodi bele hatán ba ita-nia presiza loroloron. Maibé dependensia ba Maromak presiza fiar, bainhira ita tau fiar ba Maromak ita bele moris tuir Na'i Nia podér no provizaun duke depende ba ita-nia kbit rasik. 

Foti tempu balu ohin-loron no agradese ba Maromak ba buat hotu ne'ebé nia fó ona ba ita. Hatoo agradesementu ba Maromak tanba nia tau matan ba ita-nia presiza loroloron nian, no husu ba Maromak atu kontinua tau matan ba ita-nia presiza loroloron nian. Konsidera to'ok oinsá mak ita bele moris hodi hatene liután kona-ba Maromak nu'udar fornesedor. Nia hadomi Ita no tau matan ba Ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More