Matadalan ne'ebé folin-boot

Maibee hau dehan ida nee, lao iha Espíritu, no imi sei la halo tuir buat nebee isin kaan. Galásia 5:16

Serake ita bele moris hodi fó glória ba Maromak? Serake ita bele treinu ita-nia neon no isin atu halo buat ne'ebé loos, duke sente katak ita la iha kbiit atu hasoru tentasaun? 

Paulo nia karta ba igreja sira iha Galasia mak hanesan resposta ba pergunta sira hanesan ne'e: 

 "Maibee hau dehan ida nee, lao iha Espíritu, no imi sei la halo tuir buat nebee isin kaan" Galásia 5:16

Se ita la submete an ba Maromak nia hakarak, ita-nia natureza maksalak sei halo funu hasoru buat ne'ebé Maromak hakarak. 

La ho Maromak, se ita la'o mesak, ita sei buka de'it mundu nia hakarak. No kuandu ita rende ita-nia an ba tentasaun ita sei hakarak liutan halo tuir isin nia kaan (hanesan buka pornografia hodi buka ksolok isin nian). Maibé ho espíritu santu nia ajuda, ita-nia laran sei mamar, hodi bele aprende oinsá atu hanoin kona-ba buat ne'ebé Maromak hanoin di'ak liu ba ita. 

Maibé, segredu atu moris tuir Maromak nia hakarak mak espíritu santu. No espíritu santu mak Maromak ida husi Trindade: Aman, Oan-Mane (Jesus), no espíritu santu. 

Jesus halo ona serbisu salvasaun ne'ebé susar no furak liu hotu, liuhusi moris, mate, no moris fali tanba Ninia oan sira, maibé agora Nia hakarak kontinua ninia serbisu ne'ebé boot iha ita no liuhusi ita. 

Se ita hanoin ida-ne'e imposivél, ida-ne'e sei la bele akontese, se ita luta mesak de'it. Maibé, hanesan Jesus hatete ba ninia dixipulu sira: “Ba ema, la bele; maibee laos ba Maromak: tanba ba Maromak, buat hotu bele deit” Marcos 10:27. Ema ne'ebé hakerek salmu mós fo perspetiva di'ak ida hodi dehan: "Oinsaa joven ida bele hamoos ninia hahalok? Liu hosi halo tuir O nia liafuan" Salmu 119:9

Kuandu ita kaer-metin ba Maromak nia Liafuan, ne'ebé inspira hosi espíritu santu, buat hotu la'os de'it posivél maibé ita bele moris hodi fó glória no onra ba Maromak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Paradigma foun

Keta selu aat ho aat fali, ka hataan tolok ho tolok fali. Maibee foo bensaun. Tanba imi hatene katak Maromak bolu imi ba hahalok nee atu nunee imi bele simu bensaun nudar liman rohan. 1 Pedro 3:9

Antes Jesus, Maromak nia povu halo tuir Moises nia ukun-fuan. Tuir ukunfuan sira ne'e, bainhira ema hakanek no estraga sira-nia an, ukun-fuan sira-ne'e klaru no justu: "matan troka matan, nehan troka nehan, liman troka liman, ain troka ain" Exodu 21:24. Esensialmente, ba ema ida-idak nia kanek, ema ne'ebé hakanek tenke hetan kanek ne'ebé hanesan. 

Maibé depois ne'e, Jesus mai. Jesus hanorin Kontrariu ho ukunfuan Moses nian ne'ebé temi iha Exodus 21:24. Iha Mateus 5, bainhira Jesus halo Ninia sermaun iha foho leten, Nia hatete: "Imi rona ona katak ema dehan, ‘Matan troka matan, no nehan troka nehan.’ Maibee Hau dehan ba imi: Keta hapara ema nebee halo aat. Maibee se ema ruma basa o nia hasan sorin loos, see tan o nia hasan sorin karuk ba nia" Mateus 5:38-39.

Jesus la'ós de'it hatudu oinsa Maromak nia povu sira trata ema seluk, maibé Nia hanorin paradigma foun ida: 

 Hadomi ema seluk maski sira odi Ita. 

 Serbí ema seluk maski sira halo aat ba Ita. 

 Halo orasaun ba ema seluk maski sira haterus 

  ita. 

Apóstolu Pedro, ne'ebé hakerek livru 1 no 2 Pedro, mak dixipulu ida ne'ebé hamutuk ho Jesus iha foho-leten durante Jesus halo sermaun iha Foho leten. Iha ninia karta ba ema fiar-na'in sira, tinan barak depoisde Jesus mate no moris hi'as, Pedro hatutan fali Jesus nia hanorin: 

"Keta selu aat ho aat fali, ka hataan tolok ho tolok fali. Maibee foo bensaun. Tanba imi hatene katak Maromak bolu imi ba hahalok nee atu nunee imi bele simu bensaun nudar liman rohan. 1 Pedro 3:9

La iha buat ida mak Jesus husu ba ita atu halo ne'ebé Nia rasik seidauk hatudu ezemplu . Se karik Maromak halo tuir ukunfuan tuan ne'ebé hatete 'Matan troka matan, no nehan troka nehan' oinsá mak nia bele salva ita? Tanba Jesus nia domin ne'ebé moos no Ninia perdaun, nia fó ninia moris ba ita ema maksalak. Nia oferese paradigma foun ida. Nia hanorin ita dalan ne'ebé bdi'ak liu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Fonte ba buat di'ak hotu

Prezenti hotu nebee diak no perfeitu mai hosi leten, no tuun mai hosi Aman naroman nian. Nia la muda. Ninia lalatak mos la muda. Tiago 1:17

Iha Tiago 1:17, fó-hatene buat barak kona-ba Maromak. Primeiru, Tiago hatete katak Maromak mak fó prezente di'ak no perfeitu. Ne'e tanba Maromak mak kria universu. Nia mak forma buat hotu no ema hotu. Buat hotu hahú ho Maromak, tan ne'e prezente di'ak hotu no bensaun hotu iha ita-nia moris maihosi Maromak.

Liután ne'e, Maromak mak fó salvasaun mai ita, ne'ebé mak prezente boot liu hotu. Nia fó ita moris rohan-laek liuhosi fiar ba Jesus ne'ebé salva ita. Maromak la'ós de'it fó prezente ne'ebé perfeitu, maibé Nia mós prezente ne'ebé perfeitu. 

Buat tuirmai ne'ebé ita aprende kona-ba Maromak iha versíkulu ne'e mak Maromak ukun husi lalehan, maibé nia mós tun husi lalehan ba ita. Maromak ukun husi ninia kadunan iha lalehan, hanesan Salmo 103:19 hatete. Maibé iha Joao 6:38 ita mós haree katak Jesus tun husi lalehan no sai hanesan ema. Nia mak prezente ne'ebé perfeitu ne'ebé tun ona husi lalehan. 

Ikusliu, ita aprende husi versíkulu ne'e katak Maromak la muda. Ema muda beibeik. Ita kontinua haburas ita-nia hanoin, aprende, no haburas hanoin foun. Maromak la hanesan ne'e. Nia hanesan horiseik, ohin, no aban, no ninia karakter nunka muda. 

Maromak ne'ebé hadomi ita no fó laran-di'ak mai ita ohin sei halo hanesan iha loron aban. Nia sempre di'ak. 

Tan ne'e, ohin loron, ita presiza foti tempu uitoan atu fó agradese ba Maromak tamba buat ne'ebé nia halo ona ba ita. Obrigadu ba Nia ba prezente no bénsaun sira ne'ebé Nia fó ona ba ita. 

Obrigadu ba Nia ba prezente salvasaun nian.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More