Fila kotuk ba hahalok mundu nian

Tanba Maromak hatudu sai ona Ninia grasa nebee lori salvasaun ba ema hotu. Grasa nee foo hanorin ba ita atu fila kotuk ba hahalok nebee la hamtauk Maromak no atu la kaan buat mundu nian. Grasa nee hanorin ita atu moris ho hanoin diak, hahalok loos no hamtauk Maromak iha tempu nee. Tito 2:11-12 BK

Serake ita hanoin tempu ne'ebé Maromak salva ita husi ita-nia hahalok aat sira? Oinsá mak Maromak fó ba ita moris foun, esperansa ne'ebé foun, no futuru ne'ebe di'ak? 

Tanba Maromak nia laran-di'ak ne'ebé furak tebes, Nia fó kbiit mai ita atu moris ho aten-barani ba Maromak. 

Iha Paulo nia karta ba ninia kolega, amigu, no kimpañeru viajen nian, Tito, nia hatete: "Tanba Maromak hatudu sai ona Ninia grasa nebee lori salvasaun ba ema hotu. Grasa nee foo hanorin ba ita atu fila kotuk ba hahalok nebee la hamtauk Maromak no atu la kaan buat mundu nian. Grasa nee hanorin ita atu moris ho hanoin diak, hahalok loos no hamtauk Maromak iha tempu nee" Tito 2:11-12 BK

Maromak kria mundu iha ne'ebé ita bele hetan moris, iha ne'ebé ninia kriasaun sira bele fó fuan, iha ne'ebé ninia povu bele ukun hodi nia naran, no iha ne'ebé ema hotu bele haree Ninia glória. 

Maibé kuandu ninia povu hili atu haluha ka ignora ninia hakarak ne'ebé nakonu ho domin, no kuandu sira kontra hasoru ninia planu sira, ida-ne'e halo susar barak mosu iha ita-nia moris.

Tanba Maromak Nia laran-di'ak ka tamba grasa de'it mak ita bele hetan salvasaun. No husi fundasaun ne'e mak ita bele harii ita-nia moris ba Maromak. 

Maromak kria ita no hatene ita-nia laran. Nia hadomi Ita no hatene oinsá mak ita bele moris di'ak liu. Tamba, nia mak ita-nia kriadór. Tan ne'e mak Maromak fó matadalan, instrusaun no mós alerta ba ninia povu bainhira sira halo sala atu hatudu ba sira oinsá atu hetan moris ne'ebé di'ak liu. 

Bainhira ita-nia salvasaun sai seguru ona no ita hatene katak ita la bele halo buat ida atu hetan Maromak nia domin, depois ita bele simu Ninia konvite atu moris no atu sai parte ida husi istória boot liu iha mundu ne'e nian. Maromak kria ita atu halo nune'e duni.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Nanaal iha podér hodi halo mate ka moris

Nanaal iha podér hodi halo mate ka moris, no sira nebee hadomi nanaal sei haan ai fuan hosi nia. Provérbiu 18:21

Proverbios ida-ne'e hateten katak liafuan sira-ne'e iha kbiit boot. Atake verbál rasik la bele harahun ruin. Maibé, lia-fuan bele inspira reasaun pozitivu ka negativu. Nia bele harii, ka bele haketak. Tuirmai eskritura sira seluk ne'ebé hatudu katak liafuan sira-ne'e iha kbiit boot (Proverbios 10:19; 15: 1-4; Tiago 3: 5-8). 

Salomão mós hatete katak liafuan ne'e lori konsekuénsia ba ema ne'ebé ko'alia (Mateus 12:36; Proverbios (Amsal) 18:20). Iha proverbio Ingles ne'ebé hatete: "Sira ne'ebé moris ho surik sei mate ho surik."adapta hosi Jesus Ninia lia-fuan Iha Mateus 26:52. Iha livru Proverbios, ita bele hatete katak ema ne'ebé "moris tuir sira-nia liafuan" sei "mate tuir sira-nia liafuan". Liafuan ne'ebé fó moris, saudavel, bele lori susesu no seguransa (Proverbios 15:23). Liafuan ne'ebé aat bele hamosu susar (Proverbios 18: 6).

Profeta Isaias fó-hatene nanis katak iha tempu balu, ema sei kastigu no oho Mesias, maibé nia hili atu la ko'alia hodi defende nia an rasik. Bíblia iha Testamentu Antigu kompara Jesus ho bibi-malae ne'ebé ema dada atu ba oho (Izaias 53: 7). Bainhira Jesus hetan julgamentu, nia kompletamente inosenti, maibé nia la selu fali insulta sira ho insulta. Maski nune'e, Sanhedrin tribunál ne'ebé julga Nia, selu sasin falsu sira no hodi kondena Jesus ba mate iha krús. 

Lia-fuan hosi ema fiar na'in sira bele rezulta ba moris rohan-laek ba ema sira ne'ebé fiar liafuan husi Evanjellu (Apos 5: 20). Maibé, ema ne'ebé lakohi fiar sei sofre mate rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Labele rende

Maibee imi aten brani ba! Keta husik imi nia liman sai fraku. Tanba Nia sei selu fali imi tuir imi nia servisu. 2 Krónikas 15:7 BK

Karik Ita hanoin kona-ba tempu balu iha ne'ebé ita senti susar tebes no hakarak rende maibé la konsege? Ita hetan forsa husi ne'ebé? Saida mak halo ita bele kontinua la'o? 

Parte ida-ne'ebé furak liu hotu hodi sai ema Kristaun mak ita-nia forsa rasik mak parte ida de'it husi ekuazaun. Maromak nia forsa bele ajuda ita. Salmu 46: 1 hatete: "Maromak mak ita nia subar fatin no ita nia forsa, Nia besik loos hodi ajuda ita iha tempu terus" . Ida ne'e inkredivél, Maromak Ninia lia-fuan la dehan: "Dala ruma ajuda." Maibé Nia mak "sempre ajudu iha tempu susar (kualkér tempu susar).

Iha 2 Cronicas (Tawarikh) 15, ita haree katak Asa, Liurai Juda, hasoru susar boot tebes, tan nia re-fokus nasaun Juda ba Maromak fila fali depoisde tinan barak sira halo adorasaun ne'ebé la loos no funu. Nia hasoru dezafiu boot tebes! Liuhusi profeta Azariah, Maromak fó korajen ba nia atu hametin nia: 

"Maibee imi aten brani ba! Keta husik imi nia liman sai fraku. Tanba Nia sei selu fali imi tuir imi nia servisu" 2 Krónikas 15:7 BK

Maromak hatene saida mak Asa hasoru. Nia hatene didi'ak kona-ba todan hotu ne'ebé nia hasoru. Maromak mós hatene katak nia bele fó forsa ba ema ne'ebé sadere ba Nia. Nia la dehan: "Boa sorte iha liur ne'ebá, bainhira ita hasoru susar." Maibé Nia hatete: "Keta husik imi nia liman sai fraku. Tanba Nia sei selu fali imi tuir imi nia servisu" 2 Krónikas 15:7 BK

Hanesan Asa ne'ebé rona liafuan sira-ne'e no hetan aten-barani, ita mós bele sai aten-barani. Ita bele depende ba Maromak Ninia forsa. Ita-nia kolen hotu Maromak sei selu. Keta rende!.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More