Sabedoria ba moris nian

Se imi ida falta matenek klean, nia bele husu ba Maromak. Maromak sei foo matenek klean ho laran luak no la buka sala. Maromak sei foo ba ema nee. Tiago 1:5 BK 

Sabedoria ka Matenek kle'an mak aspetu importante ida husi maturidade. Dala barak ita hanoin katak ita sei hetan sabedoria bainhira ita krese Sai maduru, maibé sai maduru la'os tamba idade. Sabedoria krese bainhira ita Komesa aplika koñesementu ba desizaun no iha situasaun loroloron nian. 

Tiago, Jesus nia alin no autór ba livru Tiago, ko'alia kona-ba oinsá prosesu kresimentu spiritual sai maduru iha Tiago 1: 1-5. Nia hatete ba ita katak ema ne'ebé buka sabedoria simplesmente husu de'it ba Maromak, no Maromak sei fó ho laran-luak ba ema ne'ebé husu. 

Kresimentu sabedoria espirituál akontese Kuandu ita uza ita-nia koñesimentu kona-ba Maromak, mundu, no ita-nia an rasik, atu ita bele halo desizaun ne'ebé loos kona-ba oinsá ita tenke foti asaun, moris, no ko'alia nu'udar ema kristaun. Bainhira ita hatene didi'ak kona-ba Maromak, ita bele krese iha Maromak Ninia sabedoria no iha koñesimentu ne'ebé ita presiza atu moris iha moris ne'ebé nakonu ho hahi'i ba Nia. Ho ida-ne'e, sabedoria mai husi ita-nia relasaun ho Maromak. 

La iha ema ida mak presiza falta sabedoria tanba Maromak fó livremente liuhusi relasaun ho Nia. Bainhira ita buka Maromak no ninia sabedoria, Nia fó oportunidade mai ita atu prátika sabedoria no ita-nia fiar mós krese ba Nia. No bainhira ita tau fiar ba Maromak ho ita-nia moris loronloron, ita komesa haree sabedoria suli mai ita-nia moris. 

Entaun, saida mak ita presiza halo atu kultiva sabedoria iha ita-nia moris? Pasu primeiru mak husu ajuda husi Maromak. Kuandu ita mai hasoru Maromak ho haraik-an no rekoñese katak ita presiza Nia, Maromak sei fó sabedoria hotu ne'ebé ita presiza.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hili atu halo buat ne'ebé loos, mesmu difisíl

Tanba sei o nonook iha tempu nee, liberdade no salvasaun sei mai ema Judeu sira hosi fatin seluk, maibee o no o nia aman nia uma kain sei lakon. See mak hatene, karik o tama ba reinu nee tanba tempu ida nee? Ester 4:14 BK

Istória kona-ba Ester mak sasin boot iha eskritura laran. Eskritura ne'e ko'alia kona-ba Ester ne'ebé foti risku ba ninia moris hodi salva Maromak nia povu husi perigu. Ester hasoru desizaun entre buat ne'ebé fasil no buat ne'ebé difisíl, no nia hili dalan ne'ebé difisíl liu tanba buat ne'ebé loos atu halo. 

Ester 4:14 hatete katak Ester nia ojetivu moris mak hakesi an ba momentu hanesan ne'e. Maromak mak kria no halo nia atu kumpre ninia hakarak sira iha ninia jerasaun. Maromak tau nia iha situasaun ne'ebé úniku. 

Maski ita barak la'ós atan iha liurai ka liurai-feto nia uma, maibé ita hotu iha desizaun difisíl atu halo iha ita-nia moris. Loron-loron ita hasoru situasaun ne'ebé fasil no difisíl atu hatán. 

Istória kona-ba Ester hanorin ita katak Maromak fó ona ojetivu moris ne'ebé espesifiku ba ita ida-idak. Maski la fasil la'o tuir dalan Maromak nian, maibé Maromak promete katak nia sei hamutuk ho ita bainhira ita la'o tuir dalan ne'ebé nia hatudu. 

Ester la hetan susesu tamba ninia esforsu mesak de'it. Nia hetan apoiu husi ninia komunidade ne'ebé halo jejún no halo orasaun ba nia. Hanesan ne'e mós ho ita, ita labele hetan susesu iha moris ida-ne'e mesak de'it. Ita presiza apoiu husi ita-nia komunidade hodi halo orasaun ba ita. No sira mós presiza ita iha sira-nia moris. 

Ohin loron, foti tempu balu hodi refleta kona-ba Ita-nia istória rasik. Serake hanesan ho Ester nia istoria? Hanoin to'ok kona-ba objetivu úniku ne'ebé Maromak kria ona ita atu hili. Halo orasaun ba Maromak hodi husu Nia forsa atu halo desizaun ne'ebé loos iha ita-nia moris, no kontinua lao tuir dalan ne'ebé Nia lidera. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Hela iha ikan nia kabun laran kalan 3, loron 3

No Nai haruka ikan boot ida mai tolan tiha Jonas. No nia hela iha ikan nia kabun laran too kalan tolu, loron tolu. Jonas 1:17 BK

Bíblia hatete katak Maromak hili ema Izrael nu'udar povu atu sai naroman ba nasaun sira no fó sai ninia salvasaun ba ema jentiu sira.

Isaias 49: 6 hatete: "...."Hau sei halo imi sai naroman ida ba nasaun sira, hodi Hau nia salvasaun bele too iha mundu tomak.” Isaias 49:6 BK

Ida-ne'e hatudu katak ema Izrael nia misaun la'ós de'it ba sira-nia an rasik, maibé ba nasaun hotu. Iha Testamentu Foun, Jesus fó-hanoin fali kona-ba ne'e bainhira nia haruka ninia dixipulu sira, ne'ebé barak mak ema Izrael, atu "halo nasaun hotu sai ninia dixipulu sira" (Mateu 28:19). Paulo mós hatete katak ema judeu no ema jentiu sira sei hetan salvasaun no katak ema Izrael sei haklaken lia-foun di'ak. Iha Apostolu sira-nia tempu, apóstolu sira, hanesan Pedro no Paulo, haklaken ba ema jentiu sira, hodi hatudu katak Maromak nia planu atu salva ema hotu mak hanesan ne'e.

Atu kumpri Maromak Ninia ojetivu atu alkansa ba ema Jentiu sira, iha antigu Testamentu, Maromak fo instrusaun ba Jonas atu haklaken ba ema Niniveh sira. "Iha loron ida Nai koalia ba Jonas, Amitai nia oan. Nia hatete, “Hamriik ba no baa iha sidade boot Nínive. Koalia makaas ba ema iha sidade nee, tanba Hau hatene ema sira nee aat tebe-tebes.” Jonas 1:1-2

Jonas la halo tuir Maromak Ninia instrusaun no halai ses. "Maibee Jonas halai ba Tarsis fali hodi dook tiha hosi Nai nia prezensa. Nia tuun baa iha Jope. Iha nebaa nia hetan roo boot ida nebee atu baa Tarsis. Nia selu tiket roo boot nian no nia sae roo nee. Nia baa hamutuk ho sira atu baa Tarsis, hodi dook hosi Nai nia prezensa" Jonas 1:3 BK

Tamba ne'e Maromak halo laloran boot no no ro ne'ebé tula nia besik atu mouth no ikus ema sira iha ro laran some Nia tun ba tasi laran no Maromak haruka ikan boot tolan nia. "No Nai haruka ikan boot ida mai tolan tiha Jonas. No nia hela iha ikan nia kabun laran too kalan tolu, loron tolu. Jonas 1:17 BK

Husi versíkulu ne'e ita bele aprende lisaun importante balu: 

 1. Soverania Divina. Maromak mak kontrola buat hotu, inklui mós natureza. Ikan boot ne'e la'ós koinsidensia, maibé Maromak espesifikamente prepara ona atu kumpre ninia hakarak. 

 2. Konsekuensia hosi desobedese ka la halo tuir Maromak Ninia lia-fuan. Jonas halai ona husi Maromak Nia instrusaun atu haklaken iha Niniveh no ninia desobedese rezulta ba situasaun Ida ne'ebé la iha esperansa no perigu. Ida-ne'e hanorin ba ita katak halai husi Maromak bele lori susar no dixiplina. 

 3. Maromak nia laran-sadi'a no oportunidade segundu. Maski Jonas la halo tuir, maibé Maromak la husik hela nia. Ikan boot ne'e servi nu'udar konsekuénsia no mós nu'udar meiu atu proteje. Ida-ne'e reprezenta Maromak nia laran-di'ak, no fó oportunidade segundu ba Jonas atu kumpre ninia misaun. 

 4. Xamada ba arependimentu. Hela iha ikan snia kabun laran sai hanesan pontu ida-ne'ebé troka Jonas nia moris. Iha ikan laran, nia arrepende an no halo orasaun, no hatudu katak susar sira bele lori ema fila ba Maromak.

 5. Prefigurasaun Kristu. Ikusmai Jesus ko'alia kona-ba Jonas nia loron tolu iha ikan laran nu'udar símbolu ba ninia mate no moris-hias rasik (Mateus 12: 40), hodi hametin liután ninia tema kona-ba salvasaun no salvasaun. 

Enjeral Jonas 1:17 hanorin katak Maromak fó dixiplina tanba domin, fó oportunidade segundu, no ikusmai halo buat hotu tuir Maromak nia hakarak.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More