Kadi hahalok

Besi kadi besi, no ema ida kadi ninia belun nia hahalok. Provérbiu 27:17 BK

Iha versikulu ida Iliha Proverbios ne'ebé dala barak ema sira/temi bainhira refere ba amizade no kazamentu... 

 "Besi kadi besi, no ema ida kadi ninia belun nia hahalok" Provérbiu 27:17 BK

Loos, ita hakarak fó korajen ba malu, fó laran-manas ba malu, no kadi malu emosionalmente, fizikamente, no espirituálmente. Maibé kuandu ita hanoin kona-ba versíkulu ne'e nia implikasaun, versíkulu ne'e la'ós buat foun ida. 

Besi sai kro'at liuhusi prosesu manas, kadi, kose no tesi. Bainhira ema baku tiha besi, besi ne'e forma sai buat ne'ebé furak, ho iha funsaun no di'ak liu fali uluk. 

Prosesu kadi ne'e iha ojetivu Ilida maibé prosesu ne'e halo ita sente moras. Intensaun hosi frisaun (kose ba malu entre besi) rezulta ba ema ida atu sai pura liu, forte liu, no karakter ne'ebé kro'at liu. Ita lahetan kadi hosi ema ne'ebé ema ne'ebé hanoin ladi'ak maibé hosi ema sira ne'ebé hadomi ita, sira ajuda ita atu hasai hahalok aat hosi ita no halo ita tuir hahalok ne'ebé Maromak hakarak. 

Ita bele hetan kadi hosi mentór sira, pastor sira, entre feen ka laen sira, mestre sira no kolega sira. Maibé ita mós bele hetan kadi hosi espíritu santu, parte ida husi Trindade, ida ne'ebé halo serbisu atu hadi'a ita sai loos. Espíritu santu mak hanesan serbisu-nain ne'ebé professional, ne'ebé hadi'a ita-nia karakter sai loos. 

 "Besi kadi besi, no ema ida kadi ninia belun nia hahalok"

Kuandu ita entrega ita-nia an ba Maromak nia serbisu atu hadi'a ita-nia moris, ita bele ajuda ema seluk atu haree Maromak Nia serbisu iha sira-nia moris rasik. Entaun ohin loron, permiti Maromak kadi ita. Husu ba Maromak atu hatudu buat ne'ebé ita presiza hadi'a iha ita-nia moris no intrega ba Maromak atu muda.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Sakrifísiu hahi'i nian

Keta haluha atu halo diak no atu fahe buat nebee ita iha. Tanba Maromak kontenti kona ba sakrifísiu hanesan nee. Ebreu 13:16 BK

Serake Ita hanoin ona kona-ba oinsá mak Ita-nia moris bele fo ksolok ba Maromak? Iha Eskritura laran tomak, ita aprende oinsá mak ita bele uza ita-nia moris hodi halo Maromak kontente. Tuir loloos, Maromak kria ita atu halo nia kontente. 

Tanba ita hetan ona moris foun iha Kristu, no ita hetan ona Maromak nia grasa, ita presiza halo Maromak kontente. Tanba Maromak fó ona buat hotu iha ita-nia moris, ita tenke fó buat hotu ne'ebé ita iha ba Nia. 

Autór Ebreu hatete katak iha dalan rua mak ita bele halo hodi halo Maromak kontente. Primeiru mak iha Ebreu 13:15 "Nunee liu hosi Nia, mai ita oferese nafatin sakrifísiu nebee hahii Maromak, nebee liafuan hosi ibun nebee foo sai Ninia naran"

Hakerek-nain ne'e hatete katak ita-nia sakrifísiu primeiru ba Maromak mak atu hahi'i nia. Ida ne'e mak bíblia bolu nu'udar "hahi/adorasaun". 

Adorasaun mak orientasaun ita-nia moris tomak ba Maromak tamba buat hotu ne'ebé Nia halo ona ba ita. Ita bele adora Maromak la'ós de'it liuhusi knananuk sira ne'ebé ita kanta, maibé mós liuhusi oinsá hala'o ita-nia moris loronloron.

Ebreu 13: 16 hatete ba ita dalan seluk tan atu halo Maromak kontente: liuhosi hadomi ema seluk. Kuandu ita hadomi ema seluk, ita hatudu domin ne'ebé Maromak iha ba sira. Tan ne'e mak importante atu haree oinsa ita trata ema seluk iha ita-nia moris loronloron.

Ita-nia asaun sira sai hanesan reflesaun kona-ba oinsá Maromak hadomi ona ita. No tanba Maromak hadomi ona ita, ita tenke halo buat di'ak ba ema sira ne'ebé hale'u ita. 

Dalan rua ne'e mak ita bele halo hodi fó ksolok ba Maromak: liuhusi adora Maromak no hadomi ema seluk. Ida-ne'e hanesan ho buat ne'ebé Jesus hatete iha Mateus 22:36-40.

 "Mestri, ukun fuan ida nebee mak boot liu iha Lei?” Jesus dehan ba nia, “‘O sei hadomi Nai, o nia Maromak, ho o nia laran tomak, o nia klamar tomak, no o nia neon tomak.’ Ida nee mak ukun fuan uluk liu no boot liu. No ida segundu mak hanesan ida nee, ‘O sei hadomi o nia maluk hanesan o nia aan rasik.’ Lei no Profeta sira hotu nia huun mak ukun fuan rua nee”Mateus 22:36-40 BK

Nia halo sumariu ida katak ita tenke hadomi Maromak no hadomi ema seluk. Ita hadomi Maromak liuhusi adora Nia no hahi'i Nia. Ita hadomi ema seluk liuhusi hatudu hahalok-di'ak ba sira no fahe buat ne'eba ita iha ho sira. 

Oinsá mak Ita hatudu domin ba Maromak no hadomi ema seluk? Serake ita gasta tempu loroloron iha Eskritura no orasaun hodi hahi'i Maromak? Se ita la hadomi uluk Maromak, ita la bele hadomi mós ema seluk iha ita-nia moris.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Konvite laran-luak

Haree ba, Hau hamriik iha odamatan no dere. Se ema ida rona Hau nia lian, no loke odamatan, Hau sei tama no haan hamutuk ho nia, no nia sei haan hamutuk ho Hau. Apokalipse 3:20 BK

Bainhira João sai dadur iha illa Patmos tanba nia haklaken Maromak nia liafuan no fó sai ninia esperiénsia ho Jesus, nia hetan vizaun ida. 

Jesus haruka nia hakerek buat ne'ebé nia haree no haruka ba igreja hitu. Maski mensajen ne'e envia ba igreja literál iha tempu ne'ebá, maibé sira nafatin relevante ba ita ohin loron. 

Agora ba kontestu balu, mai ita ko'alia kona-ba Jesus nia mensajen ba igreja iha Laodiseia... 

Jesus hatete katak igreja iha Laodiseia ne'e la manas ka malirin, maibé morna. Sira riku no konfortavel, prosperu no auto-sufisiente, apatétiku la prekupa ho ema seluk. Maski nune'e, Jesus kontinua fó konvite ho laran-luak: 

 "Haree ba, Hau hamriik iha odamatan no dere. Se ema ida rona Hau nia lian, no loke odamatan, Hau sei tama no haan hamutuk ho nia, no nia sei haan hamutuk ho Hau" Apokalipse 3:20 BK

Serake ita haree no sente ida ne'e? 

Ida-ne'e mak konvite ida ba intimidade, ba relasaun kle'an ho Maromak, Kriador, sustentador no redentor ba buat hotu. 

Maibé keta haoin sala, Jesus ne'e laran mamar. Nia lakohi obriga ema ida. Duke halo nune'e, nia book ema-nia laran no fó konvite ba sira... 

... Maibé ita tenke loke odamatan. 

Igreja iha Laodiseia nakonu, maibé espirituálmente mamuk. Sira desorientadu hosi sentimentu seguransa falsu. Sira hetan susesu tuir mundu nia sasukat, maibé sira la susesu tuir Maromak nia sasukat.

Maski nune'e, Jesus kontinua bolu sira. Jesus kontinua dere odamatan ba sira. Nia mós sei bolu no dere odamatan ba ita iha ita-nia tempu agora. Maromak ne'ebé tau planeta sira ba sira-nia fatin no kria foho sira ne'ebé ezisti, hakarak atu besik ita, hamutuk ho ita no salva ita. 

Entaun, se ita rona Maromak bolu, ka ita sente katak nia dere hela ita-nia odamatan laran nian, loke ba ó-nia odamatan

Nia hein hela ho liman nakloke.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More