Maromak sei foo dalan sai

Tentasaun hotu nebee hasoru imi nee, baibain hasoru ema seluk. Maromak mak fiel, no Nia sei la husik imi atu hetan tentasaun nebee liu fali imi nia kbiit. Maibee bainhira tentasaun mai, Nia sei foo dalan ida hodi sai, atu nunee imi bele tahan tentasaun nee. 1 Korinto 10:13 BK

Moris nakonu ho difikuldade no dezafiu sira. Espesifikamente hanesan Kristaun, ita-nia hakarak atu halo tuir Maromak nia dalan dalaruma kontra fali ita-nia kultura. Moris tuir dalan Maromak nian mós, partukularmente difisíl tanba tentasaun oioin.

1 Korinto 10: 13 rekoñese katak ita hotu sei hasoru tentasaun. Versikulu ida-ne'e mós la promete katak ita-nia tentasaun hotu sei sai fasil atu manán. Maibé versikulu ne'e mós hatete katak Maromak ne'e fiél atu ajuda ita liuhusi tentasaun saida de'it ne'ebé ita hasoru. Maromak sei fó dalan ba ita atu halai sai husi tentasaun hotu. Maromak sei haforsa ita atu ita bele tahan hasoru tentasaun sira. 

Maromak fó ona instrusaun no dalan atu moris ho loloos tuir ninia Liafuan. Buat hotu ne'ebé ita presiza atu bele moris saudavél no bele moris tuir Maromak Nia hakarak inklui ona iha Eskritura.

Paulo, autór ba epistola ba igreja iha Korinto fó atensaun ba ninia lee-na'in sira atu labele foti-an iha sira-nia moris espirituál nian. Kuandu ita foti-an, ita hanoin katak ita iha imunidade ba tentasaun. Maibé, kuandu ita foti-an, ita bele fasíl monu ba tentasaun. 

Tan ne'e, duke foti-an, ita tenke haraik-an. Ita tenke sadere ba Maromak nia kbiit duke ita rasik nia kbiit. Tanba ita iha relasaun ne'ebé boot ho Jesus, ita bele hetan forsa atu tahan hasoru susar no tentasaun sira. 

Tamba ne'e duké foti an, ita tenke haraik an. Ita tenke depende ba Maromak Nia podér la'os Ita-nian. Ita so bele hetan forsa hasoru tentasaun no susar oinoin bainhira ita iha relasaun di'ak ho Na'i Jesus.

Karik ita sente tama ona lasu tentasaun ruma, hakbesik ba Maromak. Husu Maromak atu fo forsa atu bele tahan tentasaun. Halo prioridade atu haforsa relasaun ho Maromak liuhosi lee Eskritura no halo orasaun. Keta haluha katak Maromak sempre fó dalan ba ita atu halai husi tentasaun. Nia sempre fiél no sempre hamutuk ho ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Deskansa: Prezente husi Maromak

Depois Nia hatete ba sira, “Maromak halo loron Sabdu ba ema, laos ema ba loron Sabdu.” Marcos 2:27

Versikulu ida ne'e fó-hanoin ba ita kona-ba esensi hosi loron sabadu - prezente hosi Maromak ne'ebé dezeña ba ita-nia benefisiu. Loloos , loron Sabadu labele sai todan ka rekerementu legalistik ida maibé hanesan oportunidade sakrál ida atu deskansa, dezenvolve ligasaun ho Maromak, no hakle'an ita-nia relasaun ho Maromak no ema seluk.

Biblikamente, loron Sabadu sai nu'udar símbolu ba Maromak nia domin no Ninia kuida ba Ninia ema sira. Loron sábado estabelese iha tempu Kriasaun (Jenesis 2: 1-3) nuudar loron deskansa. 

"Nunee lalehan no rai kompletu ona, ho buat hotu nebee iha laran nee. Iha loron hitu, Maromak nia servisu nebee Nia halo remata ona. Nunee Nia deskansa iha loron hitu hosi Ninia servisu hotu nebee Nia halo ona. Maromak foo bensaun ba loron hitu, Nia halo loron nee santu, tanba iha loron nee Nia deskansa hosi Ninia servisu hotu nebee Nia halo iha kriasaun nee" Jénesis 2:1-3 BK

Loron sábado la'ós de'it tempu atu renova ita-nia moris fizikamente, maibé mós hanesan tempu reflesaun espirituál no komuñaun ho kriadór. Kuandu Jesus ko'alia liafuan sira-ne'e iha Marcos 2:27, nia klarifika objetivu ne'ebé loos husi loron Sabadu, Jesus kontra ema farizeu sira-nia hahalok ne'ebé legalistik. Ema Farizau sira halo fali observasaun loron sábado sai fali lista kona-ba buat ne'ebé sira bele halo no buat ne'ebé labele halo. Nune'e ema Farizeu sira la komprende esensi loloos hosi loron sábado.

Loron Sabadu nu'udar tempu atu ita tau ses ita-nia laran-susar no serbisu semanal nian, hodi fokus liu kona-ba Maromak nia prezensa no bénsaun sira. Loron sábado hanesan tempu atu hetan ksolok, adorasaun no amizade. Loron sábado fó-hanoin ita kona-ba Maromak nia kbiit iha kriasaun, ninia knaar nu'udar ita-nia redentor, no ninia promesa atu restaura Ninia reiñu rohan-laek. 

Mai ita haree loron Sabadu nu'udar prezente no grasa, loron deskansa iha Maromak nia domin no hakle'an liután ita-nia relasaun ho Nia. Biarba loron sábado fo hanoin ba ba ita kada semana katak ita-nia valór moris la'os de'it bazeia ba saida mak ita halo, maibé atu sai Maromak Nia oan doben sira.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Kadi hahalok

Besi kadi besi, no ema ida kadi ninia belun nia hahalok. Provérbiu 27:17 BK

Iha versikulu ida Iliha Proverbios ne'ebé dala barak ema sira/temi bainhira refere ba amizade no kazamentu... 

 "Besi kadi besi, no ema ida kadi ninia belun nia hahalok" Provérbiu 27:17 BK

Loos, ita hakarak fó korajen ba malu, fó laran-manas ba malu, no kadi malu emosionalmente, fizikamente, no espirituálmente. Maibé kuandu ita hanoin kona-ba versíkulu ne'e nia implikasaun, versíkulu ne'e la'ós buat foun ida. 

Besi sai kro'at liuhusi prosesu manas, kadi, kose no tesi. Bainhira ema baku tiha besi, besi ne'e forma sai buat ne'ebé furak, ho iha funsaun no di'ak liu fali uluk. 

Prosesu kadi ne'e iha ojetivu Ilida maibé prosesu ne'e halo ita sente moras. Intensaun hosi frisaun (kose ba malu entre besi) rezulta ba ema ida atu sai pura liu, forte liu, no karakter ne'ebé kro'at liu. Ita lahetan kadi hosi ema ne'ebé ema ne'ebé hanoin ladi'ak maibé hosi ema sira ne'ebé hadomi ita, sira ajuda ita atu hasai hahalok aat hosi ita no halo ita tuir hahalok ne'ebé Maromak hakarak. 

Ita bele hetan kadi hosi mentór sira, pastor sira, entre feen ka laen sira, mestre sira no kolega sira. Maibé ita mós bele hetan kadi hosi espíritu santu, parte ida husi Trindade, ida ne'ebé halo serbisu atu hadi'a ita sai loos. Espíritu santu mak hanesan serbisu-nain ne'ebé professional, ne'ebé hadi'a ita-nia karakter sai loos. 

 "Besi kadi besi, no ema ida kadi ninia belun nia hahalok"

Kuandu ita entrega ita-nia an ba Maromak nia serbisu atu hadi'a ita-nia moris, ita bele ajuda ema seluk atu haree Maromak Nia serbisu iha sira-nia moris rasik. Entaun ohin loron, permiti Maromak kadi ita. Husu ba Maromak atu hatudu buat ne'ebé ita presiza hadi'a iha ita-nia moris no intrega ba Maromak atu muda.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More