Hun ba buat hotu

Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau. Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida. João 15:4-5

Hateke hale'u... 

Buat hotu ne'ebé ezisti kria ona ho dezeñu ne'ebé furak: Lalehan, ai-huun, foho, tasi. animál sira, ema, buat ne'ebé haree no la haree. 

Ita bele dada-is tanba Maromak fo ona pulmaun, oksijen no ambiente ne'ebé bele sustenta moris. Ita bele la'o ba mai tanba ita hetan ona muskulus, tendon, no kakutak ne'ebé fó instrusaun ba ita-nia isin. Ita bele hanoin, mehi, planeia, kria, harii, tanba Maromak fo ona dezezu, matenek, no materiál sira. 

Tan ne'e, se ita hakarak moris ne'ebé iha valor, moris ne'ebé iha legacy ka memoria di'ak, ita tenke iha ligasaun nafatin ho fonte ba moris nian. Jesus hatete nune'e ho ai-knanoik ida-ne'ebé ninia rona-nain sira hatene: 

 "Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau. Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida" João 15:4-5 BK

Kuandu Jesus hatete: "Hau mak uvas-hun," nia halo deklarasaun ida. Nia dehan katak Nia mak hun ka fonte - ba buat hotu ne'ebé kria ona tamba Nia mak iha poder atu fo moris ne'e.

Tamba ne'e, se ita dezezu atu hetan lia-loos ne'ebé reál, ba sabedoria ne'ebé puru, ka atu halo diferensa eternal iha mundu ne'e, hakbesik an ba Maromak, tanba buat ne'ebé folin-boot ka merese atu halo hahú ho Jesus.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Saida mak serbisu ne'ebé importante liu?

Liu-liu hakaas aan atu hadomi malu, tanba domin mak taka sala barak liu. 1 Pedro 4:8 BK

Iha Biblia laran tomak, eskritura sira hatudu ho klaru katak domin mak sentru no importante liu atu sai Jesus nia dixipulu. 

Iha Mateus 22:36-40, Jesus hatete mandamentu boot liu mak hadomi Maromak ho buat hotu ne'ebé ita iha. 

Iha Joao 13: 35, Jesus hatete katak ema sei hatene katak ita mak Ninia dixipulu tanba ita hadomi ema seluk. Ema sei la koñese ita tamba ita-nia koñesimentu kona-ba Biblia, ita-nia família, ita-nia karreira, ka tempu ne'ebé ita gasta iha igreja. Maski buat sira-ne'e mak buat ne'ebé importante, maibé Jesus hatete katak hahalok ne'ebé importante liu mak oinsá ita hadomi ema seluk. 

1 Pedro 4: 8 hatete buat ne'ebé hanesan: Ita tenke sai ema ne'ebé hadomi liu ema seluk iha mundu, no ita-nia ojetivu tenke hadomi malu kle'an. Apóstolu Pedro, autór ba versikulu ne'e mós hatete katak domin mak xave atu perdua ema seluk. Hanesan Jesus fó perdua ona ba ita, ita mós presiza ho laran-manas fó perdua ba ema ne'ebé halo sala ba ita. 

Fo perdua ba ema ne'ebé hatudu hahalok-aat ba ita mak buat ne'ebé difisíl ba liu. Ida ne'e rekere domin ne'ebé kle'an tebes. Tan ne'e mak perdua hanesan evidensia Ida ka marka ida kona-ba moris tuir Maromak nia domin.

Se ema husu Ita-nia kolega sira kona-ba Ita-nia hahalok-di'ak sira, sira sei hatete saida? Serake sira sei hatete katak hatudu domin ba ema seluk hanesan ita-nia karakter ida? Se lae, hatene- ba katak ita la mesak de'it. La iha ema ida mak perfeitu, maibé ita hotu bele halo buat ne'ebé di'ak liu. Ohin loron, husu Maromak atu hatudu dalan oinsá ita bele hatudu domin ba ema seluk. Husik Maromak Nia domin hakonu ita-nia laran atu hadomi ema seluk.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Saida mak ita hetan bainhira ita tau fiar ba Maromak?

Bensaun ba ema nebee fiar ba Nai, nebee tau esperansa iha Nai! Jeremias 17:7 BK

Jeremias 17 hahú ho hasé. Maromak hasé ema Izrael sira tamba sira adora ídulu ka adora sira-nia estátua, tanba sira tau fiar ba maromak sira seluk no husik Maromak no Ninia hanorin sira ne'ebé loos. Hanesan inan-aman ida-ne'ebé iha oan ida-ne'ebé halo desizaun ne'ebé aat los, Maromak hatudu ho klaru katak desizaun sira-ne'e sei lori rezultadu no konsekuensia. Maski nune'e, Jeremias la hanoin de'it kona-ba buat hotu ne'ebé lakon no sei lakon tanba ema Izrael nia desizaun ne'ebé aat, maibé nia mós fo hanoin kona-ba Na'i Maromak Ninia di'ak: 

 "Bensaun ba ema nebee fiar ba Nai, nebee tau esperansa iha Nai!" Jeremias 17:7 BK

Nia bolu sira ne'ebé tau fiar ba Maromak "abensoadu/hetan bensaun" mesmu sira moris entre sira ne'ebé susar, sala, no adora estátua. Nia hatete katak ema ne'ebé tau fiar ba Maromak "Nia sei hanesan ai nebee kuda besik bee ninin, nia abut sira sei dolar ba mota ninin, nia sei la senti loron manas nebee mai, ninia tahan sei matak nafatin, nia la hanoin barak iha tinan nebee iha bailoron naruk, no nia sei la para atu foo fuan" Jeremias 17:8

Ita tenke hili se no saida mak ita adora. Ita tau konfiansa ba se? Ita tau fiar ba se? Se ita tau fiar ba Nai Maromak, hatene didi'ak ba katak ida-ne'e mak lori bénsaun ba ita-nia moris. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More