Nunka haluha

Hahii Nai, Oh hau nia klamar, no la bele haluha buat diak hotu nebee Nia halo. Salmu 103:2 BK

Nu'udar ema, ita sempre haluha buat barak hosi tempu ba tempu. Ita haluha ita-nia kareta nia xave sira, ita-nia kolega nia aniversáriu, ita-nia password sira... buat sira ne'e ita haluha asidentemente, no ida ne'e halo ita sai frustradu kuandu ita hatene buat ne'ebé ita haluha ona. Maibé ita mós bele haluha buat di'ak ne'ebé akontese ba ita. 

Kuandu ita hasoru susar ruma, dala barak ita husu Maromak atu halo milagre ka husu ninia ajuda. Maibé kuandu ita la hetan buat ne'ebé ita harohan, ita bele haluha buat di'ak ne'ebé Maromak halo ona ba ita. Se Ita halo ona ida-ne'e, Ita la mesak de'it. Biblia nakonu ho istória kona-ba ema sira ne'ebé haluha buat di'ak ne'ebé Maromak halo ona ba sira. 

Maromak halo ona mundu ne'ebé furak tebes no hili tempu no fatin úniku ne'ebé ita moris ba. Maski ema iha mundu ne'e sira-nia moris sai bulak liutan no fatin iha mundu sai fatin ne'ebé la seguru liu tan iha minutu ida, maibé Maromak sempre halo serbisu iha situasaun susar sira iha mundu ne'e.

Ita bele luta hasoru haluha ita-nia moris agora - Liuhosi hanoin katak Maromak mak kria mundu ne'e no halo mundu ne'e nakonu ho buat di'ak sira - inklui mós Ninia povu! Maromak mak hatudu laran-sadi'a mai ita kuandu ita la merese. Maromak mak fó ba ita ojetivu moris nian ne'ebé loos: hadomi Nia no hadomi ema seluk; hatene Nia no fó-hatene Nia ba ema seluk. 

Entaun, serake iha ita-nia moris iha esperiensia balu ne'ebé Maromak ajuda ita ne'ebé Ita nunka haluha? Fo obrigadu ba buat di'ak ne'ebé Maromak halo ona ba ita, no adora nia nu'udar Maromak mesak ida de'it.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Maromak halo ita dezezu halo buat ne'ebé halo Nia kontenti

Tanba Maromak mak halo imi atu hakarak no mos atu halo duni buat nebee halo Nia kontenti. Filipe 2:13 BK

Hanoin to'ok kona-ba ne'e: Maromak mak kria ita. Maromak tau ita iha ne'e iha tempu espesifiku iha istória laran. Maromak iha planu no ojetivu ba ita-nia moris. 

La'ós ne'e de'it, maibé nia fó kakutak ida-ne'ebé bele hanoin, fuan ne'ebé baku, no pulmaun ne'ebé dada is. Nia fó ba ita talentu no abilidade, esperansa no dezezu. Nia fó tilun no matan, muskulus no ligamen ba ita. No nia tau ita iha planeta ne'e iha pozisaun ne'ebé di'ak liu iha ita-nia sistema solar atu bele moris. 

Ita mak parte ida husi Maromak nia planu. 

Buat ne'ebé furak tebes husi Maromak nia planu mak Maromak hili atu serbisu liuhusi ninia povu... 

"Tanba Maromak mak halo imi atu hakarak no mos atu halo duni buat nebee halo Nia kontenti" Filipe 2:13 BK

Buat hotu hahú ho Maromak no mai husi Maromak. Maibé ita tenke hili se ita hakarak rona ba ninia espíritu no la'o tuir Maromak nia matadalan, ka haluha/ignora nia. Ita bele deside se ita sei halo tuir Maromak nia hakarak, ka koko halo tuir de'it ita-nia hakarak. 

Buat hotu Maromak mak halo hotu, maibé Nia mós serbisu iha no liuhusi Ninia povu, tuir Nia hakarak. 

Ba ita sira ne'ebé partensi ba Kristu, ita nakonu ho Ninia espíritu, la'ós tan sai atan ba sala ka ba mundu ne'e. Ita iha ona kbiit atu la'o tuir Maromak. Maibé Nia fó mehi foun sira no dezezu, hanoin no kbiit, no laran-sadi'a duke hanoin an de'it. 

Tan ne'e, se ita hanoin kona-ba bénsaun ka korajen ba ema seluk, keta husik tiha ideia ne'e liu let de'it. Se derepente de'it ita iha dezezu tebes atu fahe Ninia mensajen, atu serbí ema seluk, atu fó ho laran-luak, ka atu hatudu Maromak Ninia domin, fó atensaun tamba Ida ne'e Maromak ko'alia hela ho ita atu halo buat sira ne'e.

Karik ida ne'e akontese, Maromak nia espíritu mak fó kbiit no hakarak atu halo buat ne'ebé halo nia kontente.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Ema sai loos tamba Kristu

Maromak halo Nia nebee la hatene sala atu sai sala tanba ita, atu nunee iha Nia ita bele sai hahalok loos Maromak nian. 2 Korinto 5:21 BK

Ojetivu kle'an liu hosi umanidade ida mak buka-hatene sira-nia identidade - ita hakarak hatene se mak ita! Dala barak ema koko atu buka-hatene sira-nia identidade hosi fonte mundu ne'e. Maibé bainhira ita buka validasaun iha fonte temporáriu mundu nian no espera katak sira sei define ita-nia identidade, ita sei la hetan.

Iha 2 Korinto 5:21, apóstolu Paulo deskrebe identidade eternal ida ne'ebé Na'i Jesus Kristu fo. "Maromak halo Nia nebee la hatene sala atu sai sala tanba ita, atu nunee iha Nia ita bele sai hahalok loos Maromak nian"

Jesus foti pekadu nia todan hotu - absorbe pekadu nia konsekuensia - maibé nia la halo sala ida. Nia halo ida-ne'e atu nune'e ita bele iha rekonsiliasaun ho Maromak ho ita-nia identidade ne'ebé define hosi Kristu nia loos, la'os ita-nian, mós la'os mundu ne'e nian. Liuhosi Jesus Ninia sakrifisiu, Nia fo ona identidade no ojetivu foun ba ita.

Ita-nia dezezu atu hetan identidade so bele hetan iha Kristu. Ita simu Maromak nia hahalok loos. No iha Maromak, ita-nia identidade sei seguru ba nafatin. 

Ohin loron, hanoin to'ok oinsá mak lia-loos ne'e forma it-nia valor. Serake ita buka validasaun mundu nian, ka ita deskansa iha Jesus nia hahalok loos? Oinsá mak hatene ita-nia identidade bele troka ita-nia hanoin kona-ba oinsá ita haree ita-nia an no halo interasaun ho mundu ne'e?

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More