Haraik-an ho konfiansa

No ida nee mak konfiansa nebee ita iha ho Nia, katak se ita husu buat saida deit nebee tuir Ninia hakarak, Nia sei rona ita. 1 João 5:14 BK

Iha João kapítulu 5, apóstolu João esplika katak ema hotu ne'ebé fiar katak Na'i Jesus mak Kristu (Mesias ne'ebé fó sai nanis ona) - sai ona Maromak nia oan sira. 

Bainhira ita sai ita-nia Aman iha lalehan Ninia oan sira, ita la'ós de'it sai nu'udar liman-rohan eterna ba Ninia reiñu, maibé ita mós iha privelijiu atu hakbesik ba Liurai husi liurai hotu. 

Joao hatete nune'e: 

"No ida nee mak konfiansa nebee ita iha ho Nia, katak se ita husu buat saida deit nebee tuir Ninia hakarak, Nia sei rona ita" 1 João 5:14 BK

Bainhira ita kontinua lee versikulu ida ne'e, apóstolu João hatete fali katak Maromak hakarak fó buat ne'ebé ita husu ba ita, bainhira ita husu ho motivu ne'ebé loos. 

Hanoin to'ok kona-ba ida-ne'e: serake labarik ida hanoin barak kona-ba hakbesik an ba nia inan-aman bainhira nia presiza snack, hakoak, sujestaun ka ajuda ruma? 

Kuandu ita hakbesik ba Maromak ho konfiansa hanesan labarik ida ne'ebé aproxima ninia inan/aman, ho laran-moos, haraik-an, ho fiar, no desperadu ita bele serteza katak Nia rona ita. Kuandu ita hato'o pedidu ruma, karik ita hetan resposta "sin", ka karik ita hetan "lae" ka ita bele hetan "seidauk". Maski nune'e... 

Ita bele hatene katak Maromak rona ita bainhira ita tau fiar ba Nia ho ita-nia orasaun. 

Autór ba Livru Ebreu nian hatete: "Nunee mai ita hakbesik ho konfiansa ba kadunan grasa nian, atu ita bele simu laran luak no hetan grasa hodi tulun ita iha tempu nebee ita presiza" Ebreu 4:16 BK

Karik ita presiza matenek, matadalan, ka ajuda, ita bele hakbesik ba Maromak ne'ebé laran-di'ak. Ita bele hakbesik ba Maromak liuhusi ita-nia hahi'i no dúvida, ita-nia prekupasaun, ita-nia agradese no ita-nia pergunta sira. 

No kuandu ita husu buat ruma ne'ebé tuir ninia hakarak, Maromak sei nunka rejeita ita-nia orasaun, tanba ida-ne'e fó ksolok boot ba Maromak atu fó buat hotu ne'ebé ita presiza (Lukas 12:31-32).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Solusaun ida-ne'ebé dura

Maromak tau Jesus nudar sakrifísiu nebee taka ita nia sala nebee ita simu liu hosi fiar iha Jesus nia raan. Ida nee hatudu Maromak nia hahalok loos tanba Nia hatudu pasiénsia kona ba sala iha tempu uluk. Roma 3:25 BK

Serake Ita hasoru ona problema boot ruma ne'ebé la bele rezolve kedas? Problema balu iha ita-nia moris sei lori tempu atu hetan solusaun ne'ebé propriu. 

Iha Roma 3, apóstolu Paulo hahú introdus solusaun ba problema boot ida - pekadu. Sala mak hahalok sira ne'ebé la halo tuir Maromak Ninia mandamentu sira. No tanba Maromak ne'e santu no la halo sala, ita-nia sala haketak ita husi relasaun ho Maromak. 

Apóstolu Paulo esplika tan katak ema hotu la tuir Maromak nia matadalan atu moris 

 - ita hotu halo ona sala (Roma 3:23). Ita hotu haketak ona ka separadu husi Maromak. 

Ita bele hetan solusaun ba ita-nia problema iha Jesus. Apóstolu Paulo hatete katak Jesus mai atu reprezenta ita, no Ninia mate hamoos ita-nia sala. Ne'e katak Jesus foti kastigu ne'ebé ita merese hetan, no nia fornese dalan ba ita atu iha relasaun fali ho Maromak. 

Buat sira-ne'e hotu posivél liuhusi Ninia mate no moris-hias. Jesus fó ona solusaun permanente ba problema ne'ebé sériu tebes, no ita bele hola parte iha prezente ne'e ho gratuita. La iha buat ida-ne'ebé presiza atu selu hodi 8ta, maibé fiar no halo tuir de'it Ninia hanorin sira (Roma 10:9). 

Jesus nia mate no moris-hias la'ós de'it hamoos ita-nia sala sira, maibé mós hamoos ita-nia sala sira iha tempu uluk no iha futuru bainhira ita tau fiar no halo tuir Ninia hanorin sira. Ida-ne'e hatudu katak Maromak ne'e justu bainhira Nia rezolve ita-nia sala sira, maibé nia fornese dalan ba ita liuhusi Jesus. 

Serake iha sala sira iha pasadu ne'ebé Maromak fó perdua ona maibé ita sei kaer metin ba? Hanoin-ba katak Jesus selu sala sira ne'e hotu ona atu nune'e ita bele la'o iha liberdade nia laran.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More

Seguru ho Maromak

 Tanba nee hau nia fuan laran kontenti no hau nia aan tomak haksolok, no hau nia isin mos hela seguru. Tanba O sei la husik hau nia klamar ba Fatin Mate, no O sei la husik O nia ema santu atu sai isin dodok. Salmu 16:9-10 BK 

Kuandu ita sente katak ita-nia moris kolen no nakukun, ita bele hetan seguransa ne'ebé maihosi tau fiar ba Maromak. 

Liurai David, ne'ebé hakerek Salmo 16, hasoru susar oioin hanesan fizikamente, emosionalmente no spritualmente stress iha ninia moris tomak. Maski nune'e, nia sente dame no haksolok, tanba nia hatene katak ninia klamar seguru iha Maromak nia liman. 

 Nia hakerek... 

Tanba nee hau nia fuan laran kontenti no hau nia aan tomak haksolok, no hau nia isin mos hela seguru. Tanba O sei la husik hau nia klamar ba Fatin Mate, no O sei la husik O nia ema santu atu sai isin dodok. Salmu 16:9-10 BK

Eskritura hatete katak, tanba sala, ita-nia isin temporariu bele ran, ita-nia ruin bele tohar, no ikusmai ita-nia isin neneik neneik Sai ferik no katuas no ikus mai mate. Maibé hahi'i ba Maromak, tamba mate no rate sei la manan ita! Tanba Jesus selu ona ho Ninia moris rasik atu salva ita, tanba imposivél mate bele hanetik Nia, Nia hamoos ona dalan ba ita atu hetan moris rohan-laek. 

 Iha versíkulu tuirmai, David hatete tan:... 

 "O foo hatene kona ba dalan moris nian mai hau; hau sei haksolok tebes iha O nia prezensa" ,Salmu 16:11 BK

Jesus mak Mesias ne'ebé ema hein ba tempu naruk ona, ida ne'ebé perfeitu, Maromak ne'ebé nakfilak ba ema, Ida ne'ebé moris tuir Maromak Ninia hakarak, Nia mate ba ita, no Nia manan rate. Kuandu ita simu grasa, no domin ne'ebé Nia oferese, Nia sei la husik ita, Ninia espíritu sei fó kbiit mai ita no ita hetan asesu ba Maromak ba nafatin! 

Tan ne'e, se ita buka hela ultima seguransa, hatene ba katak ita la iha di'ak no susesu ne'ebé naton atu hetan seguransa ne'e. So Maromak mesak de'it mak bele guarda ita-nia moris, no ita bele konfia Nia.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Read More