Renova koñesimentu kona-ba Maromak

Tanba buat sira ne'e hotu mak Maromak nia laran nakali sei mai. Uluk imi la'o tuir buat sira ne'e bainhira imi moris hanesan ne'e. Maibé agora imi tenki hasai tiha buat hotu ne'e: laran hirus, laran nakali, hahalok aat, koalia aat no keta husik liafuan fo'er sai hosi imi-nia ibun. Keta bosok malu tanba imi hasai tiha imi-nia aan tuan hamutuk ho hahalok sira ne'e, no imi hatais ona imi-nia aan foun, nebee sai foun fali iha matenek tuir Ninia Kriadór Nia ilas. Agora la iha ema Gregu ka ema Judeu, ema ne'ebé hetan sirkunsizaun ka la hetan sirkunsizaun, ema ho lian seluk, atan ka ema livre; maibé Kristu mak hotu no iha hotu. Kolose 3:6-11 BK 

Kolose 3:8

Bíblia hanorin katak moris kristaun mak kona-ba mudansa ida. Maromak bolu ita atu husik ita-nia "hahalok aat" no tau moris foun iha Kristu (Koloso 3: 9-10). Mudansa ne'e la'ós de'it iha li'ur, maibé hahú iha laran no iha neon. 

Ita-nia hahalok tuan neʼe iha ligasaun ho pekadu. Bíblia hatete katak ita-nia hahalok uluk nian krúsifika hamutuk ho Kristu atu nune'e ita labele sai tan atan ba sala (Roma 6: 6). Tan ne'e, ita tenke hasai tiha hahalok sala nian hanesan hirus, bosok, no odi (Koloso 3: 8-9; Levitico 19: 11, 18). 

Porezemplu, ita presiza kontrola ita-nia hirus. Bíblia hanorin ita atu rona lalais, ko'alia neneik, no labele sai hirus lalais, tanba ema nia hirus la hamosu Maromak nia hahalok loos (Tiago 1: 19-20). Jesus rasik mós hatudu katak, hirus tenke gia hosi lia loos, hirus so tamba kontra hahalok neʼebé la loos. (Mark 3:5). 

Maromak bolu ita atu hasai ita-nia pekadu hanesan hasai ropa fo'er. Eskritura hatete katak Maromak hasai tiha ita-nia roupa fo'er no hatais ita ho roupa ne'ebé moos (Zacarias 3: 4). Ida-ne'e hatudu katak Maromak halo transformasaun iha ita-nia moris. 

Transformasaun ne'e akontese liuhusi koñesimentu kona-ba Maromak no Ninia lia-loos. Bainhira ita haree Nia, ita transforma ba Ninia ilas husi glória ba glória (2 Korinto 3: 18). Kuandu ita aprende liután kona-ba Maromak, ita sei sai hanesan Nia. 

Biblia mós haruka ita atu halakon ita-nia dalan moris uluk nian, hodi hetan moris foun iha ita-nia atitude, ita-nia neon iha lia-loos no moris santu (Efeso 4:22-24). 

Iha moris foun ida-ne'e, la iha divizaun, la iha bareira tamba rasa, status sosiál, ka background tanba Kristu mak buat hotu no iha buat hotu (Koloso 3: 11). 

Transformasaun ida-ne'e ajuda ita prepara an ba julgamentu ne'ebé sei mai, bainhira ema ne'ebé rejeita Maromak sei koko atu subar an husi Maromak nia prezensa (Apokalipse 6: 16). Maibé sira ne'ebé hetan renovasaun iha Kristu bele hamriik metin nafatin ko konfiansa. 

Bainhira ita kontinua krexe iha koñesimentu kona-ba Maromak no husik nia transforma ita-nia moris, ita sei la'o ho laran-metin loroloron iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏