Sai manu-ain ba lia-foun di'ak

Maibee oinsaa mak sira bele bolu ba Nia se sira la fiar? No oinsaa mak sira bele fiar iha Nia se sira nunka rona kona ba Nia? No oinsaa mak sira bele rona se la iha ema ida atu haklaken? Roma 10:14 BK

Roma 10:14 

Pauza iha momentu balu no refleta kona-ba ita-nia papél hanesan manu-ain (messenger) ba evanjelu (lia-fuan di'ak). Serake ita boot ativanente fahe Kristu Nia domin ba ema sira ne'ebé hale'u ita? Serake ita buka atu sai nu'udar sasin moris kona-ba Maromak Ninia grasa? 

Karik ita lee apóstolu Paulo nia konvite atu "haklaken" iha Roma 10:14 no hanoin katak konvite ne'e rezerva ba pastor, misionariu no mestri hanorin biblia sira. Maibé Iha fatin ne'ebé de'it ita horik ba, iha ita-nia uma, fatin servisu, no komunidade sira, bele sai nu'udar fatin haklaken bainhira ita hakarak sai instrumentu Maromak nian. Iha fatin sira ne'ebé haree hanesan baibain ne'e, ita bele fahe Kristu Ninia domin liuhusi hato'o mensajen ba rona-nain sira atu lori dame ba sira-ne'ebé neon susar, liman ne'ebé ajuda sira ne'ebé presiza, ka liafuan korajen no esperansa ba sira ne'ebé la iha esperansa. 

Nu'udar Kristu nia dixipulu, ita hotu kualifikadu atu fahe esperansa ne'e no fó korajen ba ema seluk! Buat ne'ebé Maromak hakarak mak obedese no hakarak ita sai Ninia instrumentu hodi haklaken Ninia Liafuan di'ak sira. Iha ita-nia interasaun simples sira loronloron, ita bele sai Maromak Ninia instrumentu ba Maromak Ninia domin, no Sai manu-ain ba lia-fuan di'ak.

Nu'udar ema fiar-na'in, ita iha knaar atu fahe Jesus Kristu Ninia Evanjellu. Bainhira ita halo ita-nia an disponivel atu sai hanesan instrumentu Maromak nian, Espíritu santu fó podér ba ita. Maromak hili no fó podér ba ita. No fini sira ne'ebé ita kari, mesmuke ki'ik liu, iha podér atu habelar mensajen salvasaun nian.

Roma 10:14 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Espiritu lia-loos nian

Maibee bainhira Espíritu lia loos nian mai, Nia sei lori imi tama ba lia loos hotu. Tanba Nia sei la koalia hosi Ninia aan rasik, maibee Nia sei koalia buat hotu nebee Nia rona. No Nia sei foo sai ba imi kona ba buat sira nebee atu mai. João 16:13 BK

Promesa boot ida hosi promesa sira iha Testamentu Antigu mak: katak loron ida Maromak Nia Espiritu sei hela iha Maromak Nia povu Nia leet. Antes ne'e, Maromak nia povu halo interasaun ho Maromak Nia prezensa iha templu laran. 

Hodi kumpre ba Eskritura, Jesus promete katak nia sei haruka Espiritu Santu atu fó matadalan no fó komfortu ba Maromak Nia povu. Ida ne'e iha implikasaun boot. Ida-ne'e signifika katak ema kristaun bele hetan asesu ba Maromak liuhusi Espiritu Santu ne'ebé hela iha ita-nia leet. Maromak Nia Espiritu hamutuk ho ita iha fatin ne'ebé de'it ita ba. 

Jesus temi iha João 16: 13 katak Maromak Nia Espiritu sei dirije ita ba lia-loos hotu. Maromak hakarak sai parte iha ita-nia moris loroloron nian, hodi ajuda ita no gia ita ba buat ne'ebé loos. 

Kuandu ita iha pergunta kona-ba diresaun saida mak ita atu foti iha ita-nia moris, Espiritu Santu iha ne'eba hodi ajuda ita. Kuandu ita la hatene saida mak loos ka sala, Espiritu Santu hamutuk ho ita atu ajuda ita halo desizaun. 

Jesus hatete katak Espiritu Santu sei ko'alia ba ita tuir Aman no Oan-Mane Nia hakarak. Espíritu Santu mós sei haforsa no ajuda ita atu komprende buat ne'ebé ita lee iha Eskritura. 

Durante semana ida-ne'e, haka'as an atu hanoin didi'ak kona-ba Espiritu Santu Ninia prezensa iha ita-nia moris. Fo hanoin ba ita-nia an katak Maromak hamutuk ho ita loroloron. Husu Espiritu Santu atu gia no fó naroman ba ita-nia dalan iha ita-nia moris, no gasta tempu atu halo orasaun atu Maromak fó komfortu no haforsa ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lalehan fó sai Maromak nia glória

Buat sira neʼebé iha lalehan fó sai Maromak nia glória; Sira haklaken kona-ba serbisu neʼebé nia halo ho ninia liman. Salmo 19:1 TMF

Salmu 19: 1 fó-hanoin ita katak kriasaun mak sasin ba Maromak nia majestade. Bainhira ita hateke ba lalehan, fitun sira ne'ebé nabilan iha kalan, loro-matan ne'ebé nabilan iha dader, no fulan ne'ebé fo naroman iha kalan hakmatek, iha buat sira ne'e hotu ita haree Maromak nia kbiit boot ida-ne'ebé la iha liafuan atu deskrebe, sira hatudu ho klaru Maromak nia glória. 

David, ema ne'ebé hakerek salmu, konvida ita atu pauza no hateke ba leten. Lalehan la nonook de'it; sira-nia ezistensia hatudu evidénsia katak iha Kriador ida ne'ebé iha kbiit no matenek ne'ebé kria buat hotu. Lalehan nia furak sira hatudu buat ne'ebé Maromak halo ona, hanesan dezeñu ida hatudu artista ne'e nia mstenek. Lalehan fó sai Maromak Ninia gloria ba mundu tomak.

Iha mundu ne'ebé nakonu ho barullu, distrasaun, no inserteza, versikulu ida-ne'e bolu ita atu rekoñese Maromak nia lian iha Ninia kriasaun. Ida-ne'e fó korajen ba ita atu haree Maromak liutan Iha natureza - atu haree Maromak nia obra bainhira loro-matan sa'e Kada dader, iha kalohan hotu, no fitun iha kalan. 

Husik versikulu ne'e inspira ita ohin loron. Uza tempu balu atu adora Maromak ne'ebé halo buat hotu. Maromak la dook hosi ita. Nia sempre hatudu Ninia an liuhosi buat ne'ebé Nia kria ona inklui kriasaun iha lalehan leten aas ba. Biarba ita-nia matan sei nakloke ba ninia glória, no biarba ita-nia laran responde ho hahi'i ba Maromak. 

Nai, loke ami-nia matan atu haree Ita-nia glória iha kriasaun hotu. Ajuda ami atu haree Ita-nia Gloria ne'ebé Ita hatudu iha lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More