Ita-nia eransa hein hela

Depois Liurai nee sei dehan ba sira nebee iha Ninia liman loos, ‘Mai, imi nebee simu ona bensaun hosi Hau nia Aman. Simu reinu nee nudar liman rohan nebee Nia prepara ona hosi mundu hahuu. Mateus 25:34 BK

Iha Mateus 25:34, Jesus deskrebe konvite ksolok ne'ebé kle'an: "Depois Liurai nee sei dehan ba sira nebee iha Ninia liman loos, ‘Mai, imi nebee simu ona bensaun hosi Hau nia Aman. Simu reinu nee nudar liman rohan nebee Nia prepara ona hosi mundu hahuu"

Versíkulu ne'e hatudu lia-loos importante ida husi Evanjellu: salvasaun la'ós buat ne'ebé ita hetan tamba ita merese, maibé ne'e prezente ne'ebé ita simu. Liafuan "eransa" mak xave iha ne'e. Liman-rohan ka eransa ita hetan tamba relasaun (ho Maromak), la'ós tanba ita-nia serbisu. Liuhusi Jesus, ita hetan konvite atu tama ba Maromak Nia família, no nu'udar Ninia oan sira, ita hola parte iha reiñu ne'ebé Nia prepara ona ba ita. 

Imajen reiñu " ne'ebé Nia prepara ona hosi mundu hahuu" Fo hanoin-ba ita kona-ba Maromak Ninia planu eternal. Molok tempu hahuu, Maromak hakarak atu ita iha relasaun di'ak ho Nia. No hafoin adão no Eva no jerasaun mundu tomak monu ba sala (Jenesis 3), Maromak loke dalan atu ita bele restaura ita-nia relasaun ne'e liuhusi Jesus. 

Liman-rohan ka eransa ne'e ita hetan la'os tanba ita merese, maibé tanba Maromak nia grasa, ne'ebé nia fó ho livre ba ema hotu ne'ebé fiar. Oinsá mak hatene katak salvasaun mak prezente grasa, la'ós tamba ita-nia serbisu, muda oinsá ita moris ohin loron?

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Refleta Maromak Ninia domin

Bainhira Ema Nia Oan mai iha Ninia glória, hamutuk ho anju santu sira hotu, Nia sei tuur iha Ninia kadunan glória nian. Nasaun hotu sei halibur iha Ninia oin. Depois Nia sei haketak ema ida-idak, hanesan bibi atan haketak ninia bibi malae hosi bibi timor. Mateus 25:31-32 BK

Mateus 25:31-32

Iha evanjelu Mateus 25:31-32, Na'i Jesus deskrebe kona-ba oinsá Nia sei fila-fali mai. Nia sei mai ho glória, hamutuk ho anju hotu, tuur iha ninia kadunan, no nia sei haketak ema hanesan bibi-atan ida haketak bibi-malae hosi bibi-timur sira. Ida ne'e la'ós de'it kona-ba eventu ida iha futuru, maibé liuhosi imajen ida ne'e mós Maromak bolu ita atu ezamina ita-nia moris ohin loron. 

Mateus 25:31-32

Imajen bibi-atan ne'e signifikativu tebes. Iha tempu uluk, tempu biblikal nian, bibi-malae no bibi-timur sira dala barak han hamutuk iha pastajen ida, maibé sira-nia natureza la hanesan. Bibi-malae halo tuir sira-nia bibi-atan nia lian, fiar no depende ba bibi-atan. Maibé bibi-timur ne'e independente liu, la tuir bibi-atan ninia lian. Jesus uza ai-knanoik ne'e atu fó-hanoin ba ita katak: la sufisiente atu hatudu an hanesan ema di'ak hosi liur de'it- buat ne'ebé importante mak tuir Maromak Iha ita-nia fuan-laran.

Nu'udar Jesus bolu ita atu refleta/hatudu ninia domin, ita tenke husu ita-nia an: serake ita moris nu'udar ninia bibi-malae, halo tuir ninia lian no hatudu domin ba ema seluk hanesan nia hatudu ona ba ita? Serbí ema seluk, liuliu sira ne'ebé presiza, mukit no kbiit-laek, aktu sira ne'e mak dalan ida atu la'o tuir Jesus no fo onra ba Nia. Ita-nia asaun ba ema kiik no mukit sira hanesan serbí Na'i Jesus rasik Mateus 25:40).

Mateus 25:31-32

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La iha buat ida mak bele haketak ita

Tanba hau fiar duni katak la iha buat ida - mate ka moris, ka anju sira, ka ukun nain sira, ka buat sira nebee iha agora, ka buat sira nebee atu mai, ka kbiit, ka buat aas, ka buat klean, ka buat seluk-seluk tan iha kriasaun tomak - la iha buat ida nebee bele haketak ita hosi Maromak nia domin, iha Kristu Jesus ita nia Nai. Roma 8:38-39

Paulo nia liafuan iha Roma 8:38-39 asegura katak fiar-na'in sira seguru iha Maromak nia domin liuhosi Kristu. Versikulu ne'e ko'alia ho klaru katak la iha buat ida (luta internal ka esternal) ne'ebé bele haketak ita hosi ligasaun entre fiar-na'in ho sira-nia Salvador. 

Tema grande konflitu entre forsa nakukun no naroman subliña iha testu ida-ne'e. Ita moris iha universu ida ne'ebé iha funu espirituál laran, iha ne'ebá satanas buka atu deskoraje, lohi no destroi ita. Maski nune'e, apóstolu Paulo hatete ho aten-barani katak maski forsa nakukun boot halo nusa mós, la bele halakon Maromak nia domin ba ita. Domin Kristu nian, ne'ebé hatudu liuhusi Ninia moris, mate, no halo interasau/orasaun iha fatin sagradu iha lalehan, nafatin metin. 

Importante liu mak domin ne'e la'ós de'it kona-ba sentimentu, maibé mós kona-ba redensaun. Ohin loron, Kristu kontinua serbí iha santuariu iha lalehan, iha ne'ebé Nia kontinua halo orasaun ba ita (Ebreu 7:25).

"Tanba nee, Nia bele salva too kompletu duni sira nebee hakbesik ba Maromak liu hosi Nia. Tanba Nia sempre moris atu halo orasaun ba sira" Ebreu 7:25

Ita-nia fiar la'ós bazeia ba ita-nia sentimentu ka situasaun, maibé bazeia ba Kristu Nia serbisu ne'ebé hotu ona no kontinua halo advokasia ba ita. 

Kuandu ita hasoru susar, lakon, ka ta'uk, Roma 8 fó-hanoin ba ita kona-ba lia-loos ne'ebé nunka lakon: Maromak nia domin la fraku. Maromak Ninia domin la muda tamba ita-nia falla/monu no lakon iha tempu balu. Maromak Ninia domin ne'e ba nafatin, konsisten, no personal. 

Biarba versikulu ida ne'e hametin ita-nia laran, ohin loron. Tamba ita la'os depende ba ita-nia kbiit rasik, maibé ba Maromak ne'ebé Ninia domin boot - mate no moris la bele halakon domin ne'e. 

Reflesaun: 

Serake ita tau fiar tomak ba Kristu nia domin ohin loron, ka husik sentimentu tauk domina ita? Intrega an ba Maromak no reklama vitoria ne'ebé paulo deskrebe - domin rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More