OINSÁ ATU SALVA ITA-NIA MORIS?

Tanba ema nebee hakarak salva ninia moris, sei lakon ninia moris nee; no ema nebee lakon ninia moris, tanba Hau no tanba evanjelhu, nia sei hetan fali ninia moris nee. Marcos 8:35 BK

Jesus voluntarimente sakrifika buat hotu tanba mundu ne'e - tamba ita. Nia foti kastigu ba ita-nia sala atu ita bele hatene Maromak ho kle'an ba nafatin. Kuandu Jesus hadeer husi mate (moris hi'as), nia halo ita iha relasaun besik liu ho Maromak posivél. 

Jesus fó dalan ba ita atu hatene Nia, maibé ita tenke hili se ita hakarak la'o tuir Nia ka lae. 

"No bainhira Jesus bolu ema lubun boot nee ba Nia ho Ninia eskolante sira mos, Nia dehan ba sira, “Ema nebee hakarak tuir Hau, nia tenki nega nia aan, lori nia krús no tuir Hau. Tanba ema nebee hakarak salva ninia moris, sei lakon ninia moris nee; no ema nebee lakon ninia moris, tanba Hau no tanba evanjelhu, nia sei hetan fali ninia moris nee.” Marcos 8:34-35 BK

Lori ka leba krus ne'e signifika saida? 

Ba Jesus, krús mak objetu literál ka real ida, iha ne'ebé Nia terus no mate ba. Krus mós reprezenta todan fiziku no todan espirituál ne'ebé Jesus lori. Krús mós reprezenta terus ne'ebé ita hotu hetan tamba hakarak hatene no obedese ba Kristu Ninia hanorin sira.

Apóstolu sira haree katak susar mak oportunidade atu hatene di'ak liutan kona-ba Jesus, maibé ita-nia kultura sira hatete ba ita katak susar ne'ebé ita hasoru mak obstaklu ba moris haksolok imediata. Jesus hatete katak entrega ita-nia moris ba Nia mak xave ba ita-nia moris tanba nia mak dalan ba moris rohan-laek, maibé ita-nia mundu hatete ba ita katak kuidadu ba ita-nia an mak dalan atu moris di'ak nakonu ho bensaun barak. 

Lori ita-nia krus signifika katak husik ita-nia direitu atu moris tuir de'it ita-nia hakarak. Ida-ne'e signifika katak ita tenke permiti Jesus gia ita-nia moris, no halo Nia sai buat ida ne'ebé ita buka liu fali buat seluk iha ita-nia moris tomak. 

Se ita lakohi atu foti krus no la'o tuir Jesus, ita sei terus nafatin. Ita sei hasoru susar barak nafatin. Maibé se ita kontinua fila kotuk ba Jesus, ita mós sei lakon prezente eterna ne'ebé Jesus fó mai ita tamba de'it hakarak goza komfortu temporariu iha mundu ida ne'e.

Lori ita-nia krús mak hahalok ida-ne'ebé ita halo ba moris rohan-laek. No loron ida, Jesus sei halo ita moris hi'as fali no hetan moris foun - moris ne'ebé la iha triste, terus, no mate. Ita sei moris ba nafatin iha Maromak nia prezensa. Ne'e mak promesa ne'ebé Jesus promete mai ita bainhira Nia husu ita atu la'o tuir Nia. Ne'e mak moris ne'ebé ita hein bainhira ita intrega ita-nia moris ba Maromak tanba hakarak tuir Jesus.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Desperadu buka Maromak

Buka Nai no Ninia forsa, buka Ninia oin beibeik! 1 Krónikas 16:11 BK

Dala ruma ita tenta hanoin katak ita mak forte, ita iha kbiit atu halo ida ne'e no ida ne'eba, no "ita hetan ona ida-ne'e no ne'eba ho ita-nia knit rasik". Maibé iha realidade, ita mesak, ita la iha kbiit atu halo ida-ne'e ka ida ne'eba. Ita desperadu presiza Maromak loroloron. 

Ita sei la ezisti to'o ohin loron se Maromak la kria ita. Ita la bele moris se Nia la sustenta ita. Ita sei la moris ho susesu se nia la gia, proteje no fó kbiit mai ita.

Hakerek-nain husi 1 Cronicas hatene kona-ba importansia hosi depende ba Maromak. Nia dehan: "Buka Nai no Ninia forsa, buka Ninia oin beibeik!" 1 Krónikas 16:11 BK

Iha mundu ne'ebé kontinua fokus ba ninia an rasik, importante tebes atu hatene ita-nia presiza atu sadere ba Maromak. Ita presiza Ninia forsa, ita presiza Ninia kbiit, no simplesmente atu hatete katak ita presiza de'it Maromak!

Se Ita sente fiar-an kona-ba ita-nia an rasik, husu Ita-nia an pergunta sira tuir mai: Se mak kria mundu ne'e? Se mak kria ha'u-nia isin, ha'u-nia neon no ha'u-nia moris? Ha'u-nia matan, ha'u-nia ain, ha'u-nia pulmaun? Se mak iha kbiit atu salva ka halakon? Se mak iha podér atu salva no destroi moris? Se mak kaer xave moris nian?

Hanesan ita presiza beibeik ar, ita mós presiza Maromak nia kbiit no Ninia prezensa atu sustenta ita-nia moris. 

Entaun, oinsá mak ita bele buka nafatin Ninia forsa no Ninia prezensa? Hodi nafatin mantein ligadu ho Maromak, hodi ko'alia ho Nia loronloron, hodi tau prioridade ba Maromak Iha ita-nia orariu ne'ebé barak, ho haraik-an husu Maromak nia kbiit. 

Maromak sei nunka nega ema ne'ebé buka nia ho laran tomak.

Entaun mai ita ba hasoru Nia ho ita-nia frakeza sira no Nia sei fó forsa ba ita. Mai hasoru nia ho ita-nia pergunta sira, ita-nia presiza, no ita-nia frakeza sira, no Nia sei fó Ninia an rasik. No ne'e mak buat ne'ebé di'ak liu hotu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAU NIA KOPU NAKONU RESIN

Salmu 23: 5-6 hatete: "O prepara meza ida ba hau, iha hau nia inimigu sira nia oin. O kose hau nia ulun ho mina. Hau nia kopu nakonu res-resin. Tebes, buat diak no domin metin sei tuir hau durante hau nia moris tomak, no hau sei hela iha Nai nia uma, too rohan laek" Salmu 23:5-6 BK

Versíkulu ne'e fó-hanoin ba ita katak Maromak kuida ka tau matan ba ita, maski ita hasoru problema ka haleu ho ema ne'ebé la gosta ita. Nia fó buat hotu ne'ebé ita presiza, hanesan ai-han, pas/dame no domin. Kuandu Maromak Ninia lia-fuan ne'e hatete: "O prepara meza ida ba hau, iha hau nia inimigu sira nia oin" ne'e signifika katak Maromak la ta'uk ho ita-nia problema sira. Nia hakbesik mai ita no haraik bénsaun ba ita iha fatin ne'ebé ita iha ba. 

Maromak mós "... kose hau nia ulun ho mina", ne'e katak nia hili ita no fó onra mai ita. Iha tempu Biblia nian, ida-ne'e hatudu katak ita mak ema espesiál no hetan Maromak ninia domin. Ita-nia ".... kopu nakonu res-resin" katak ita hetan bénsaun barak liu fali buat ne'ebé ita bele sura, ne'e mak Ninia domin, ksolok, no kuida. 

Versíkulu 6 mak promesa ida. Eskritura ne'e hatete katak Maromak nia laran-di'ak no laran-sadi'a sei tuir ita loroloron. Maski ita halo sala, maibé Nia hatudu nafatin laran-di'ak mai ita. No parte di'ak liu mak ne'e bainhira ita fiar ba Maromak, loron ida bainhira Na'i Jesus fila fali mai Ita sei moris hamutuk ho Maromak ba nafatin (João 14:1-3, 1 Tesalonika 4:16-17). Ninia uma mak fatin seguru, dame no ksolok nian. 

Entaun keta ta'uk maun-alin sira iha Kristu. Maromak hamutuk ho ita. Nia haree ita-nia susar sira, no agora mós nia fó bénsaun ba ita. Tau fiar ba Nia, no ita sei nunka la'o mesak. Ninia domin rohan la iha.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More