MAROMAK SEI HAMARAN SIRA-NIA MATAN BEEN

Maromak sei hamaran matan been hotu hosi sira nia matan. La iha tan mate, no la iha tan laran susar, tanis ka moras. Tanba buat sira nebee uluk nian liu tiha ona. Apokalipse 21:4 BK

Versíkulu ne'e fó esperansa boot mai ita. Moris iha mundu ida ne'e la fasil no dala barak ita hasoru susar oinoin. Ita hasoru moras, triste, no mate. Dala ruma ita tanis tanba ita lakon ema ne'ebé ita hadomi. Dala ruma ita tanis tanba moris todan liu. Maibé Maromak promete ba ita katak loron ida, terus hotu ne'e sei lakon. 

Apokalipse 21: 4 ko'alia kona-ba lalehan foun no mundu foun. Iha fatin foun ne'e, Maromak rasik sei moris hamutuk ho ninia povu. Nia sei moris besik tebes ho ita ema to'o nia sei hamoos matan-been hotu husi ita-nia matan. Ema sei la tanis tan, la iha tan moras, no la iha tan mate. Buat-aat hotu ne'ebé ita hasoru agora sei lakon hotu. 

Ida ne'e la'ós mehi de'it. Ida ne'e mak Maromak nia promesa. Nia hakarak ita hatene katak ita-nia terus loron ida sei hotu. Se ita tau fiar ba Jesus, ita iha esperansa atu hetan moris rohan-laek. Loron ida, ita sei hamutuk ho Maromak iha fatin ne'ebé haksolok nunka remata. 

Bainhira ita moris iha mundu ne'e, ita sei hasoru susar nafatin. Maibé ita bele hetan komfortu tanba ita hatene katak futuru ne'ebé di'ak liu hein hela ita. Maromak haree ita-nia matan-been hotu agora, no nia tau matan ba ita. Nia la'o hamutuk ho ita bainhira ita hasoru terus hotu, mesmuke ita la haree. 

Mai ita kaer metin ba promesa ne'e. Mai ita hateke nafatin ba Jesus, ne'ebé sei lori ita ba fatin furak ne'e iha ne'ebé la iha tan triste. Bainhira ita hein hela promesa ne'e, mai ita tau fiar ba Maromak no fahe Ninia domin ba ema seluk. 

Orasaun: Oh Maromak, obrigadu ba Ita-Boot nia promesa kona-ba fatin ne'ebé la iha tan moras ka matan-been. Ajuda ha'u atu tau fiar ba Ita loroloron. Fó ha'u forsa no esperansa bainhira Hau hasoru susar moris nian. Hodi Jesus nia naran, Ami harohan, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá Sai loos iha Maromak Ninia prezensa?

Haʼu dehan ba imi: Kuandu mane neʼe fila ba uma, Maromak haree nia nuʼudar ema laran-loos liu fali ema Farizeu neʼe. Tanba ema neʼebé foti an, Maromak sei hamoe nia, no ema neʼebé haraik an, Maromak sei foti aas nia. Lucas 18:14 TMF

Iha Lucas 18, Jesus konta ai-knanoik ida kona-ba mane nain-rua ne'ebé ba templu hodi halo orasaun. Ida mak ema farizeu, ne'ebé sente orgullu ho ninia alkansamentu iha vida espirituál, nia alista buat di'ak sira ne'ebé nia halo hanesan prova katak nia ema loos duni. Ida seluk mak kobradór impostu, ida-ne'ebé ema hakribi iha sosiedade nia laran, ne'ebé so bele baku de'it ninia hirus-matan no hakilar dehan: "Maromak, hatudu laran-sadi'a mai ha'u, ema sala-na'in ida." 

Jesus halo ema sira ne'ebé rona Nia sai hakfodak tamba Jesus dehan katak kobradór impostu la'os ema farizeu mak fila ba uma sai ema ne'ebé loos. Tanbasá? Tanba Maromak la sukat hahalok loos hosi li'ur de'it, maibé buat ne'ebé iha ema-nia laran. 

Orgullu hatete ba ita katak ita bele servisu atu hetan dalan ba Maromak. Humildade hanorin mai ita katak, ita-nia servisu sei la lori ita ba Maromak. Ema farizeu ne'e foka liu ba ninia an - ba ninia hahalok di'ak sira, no ninia superiodade kompara nia an ho ema seluk, maibé kobradór impostu foka liu ba Maromak nia laran-sadi'a. 

Jesus fó-hanoin ita iha versíkulu ohin loron nian katak "Ema neʼebé foti an, Maromak sei hamoe nia, no ema neʼebé haraik an, Maromak sei foti aas nia" Maromak nia Ukun la hanesan ho ema-nia espetativa. Sira ne'ebé sadere ba sira-nia hahalok-di'ak rasik sei lakon salvasaun. Ema sira ne'ebé rekoñese katak sira presiza Maromak Ninia grasa sei hetan salvasaun. 

Hahalok loos hahú ho haraik-an, - Rekoñese ita-nia dependensia ba Maromak. Kuandu ita hakbesik ba Maromak ho laran hanesan ho kobradór impostu, ita la'os de'it hetan laran-sadi'a, maibé sei hetan tane aas iha Maromak Ninia prezensa. 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

ORASAUN NE'EBÉ HALO RAI-NAKDOKO

 No bainhira sira halo ona orasaun, rai nakdoko iha fatin nebee sira halibur hamutuk nee. No sira hotu sai nakonu ho Espíritu Santu, no sira foo sai Maromak nia liafuan ho aten brani. Apostolu 4:31 BK

Hanoin to'ok kona-ba ne'e: Jesus moris, mate, no moris hi'as fali. Ninia belun balu, Apóstolu Pedro no Joao, fó-hatene ba ema hotu kona-ba milagre ne'ebé sira haree ona. Sira mós halo milagre furak balu hodi Kristu Nia naran, hanesan kura ema ne'ebé aleizadu husi moris mai kedas. 

Ema rihun ba rihun fiar apóstolu Pedro no Joao ninia sasin kona-ba Jesus, maibé ulun-nain relijiaun barak la fiar. Tuir Ulun-nain sira, mensajen no milagre sira-ne'e perigu tebes, tan ne'e sira kaer apóstolu Pedro no João no hatama ba prizaun.. 

Maibé kuandu sira Sai hosi prizaun, apóstolu Pedro no Joao fila fali ba ema kristaun seluk hodi halo buat ne'ebé baibain sira halo, ne'e mak halo orasaun ho aten-barani no tau fiar ba Maromak. Apostolu 4: 31 hatete mai ita katak "No bainhira sira halo ona orasaun, rai nakdoko iha fatin nebee sira halibur hamutuk nee. No sira hotu sai nakonu ho Espíritu Santu, no sira foo sai Maromak nia liafuan ho aten brani" Apostolu 4:31 BK

Apóstolu Pedro no Joao iha toman halibur hamutuk ho ema kristaun seluk, halo orasaun hamutuk ho ema kristaun seluk, no ko'alia ho aten-barani kona-ba Maromak nia Lia-fuan. Bainhira sira halo buat sira-ne'e, espíritu santu halo sira nakonu ho Maromak nia kbiit boot. 

Hanesan apóstolu Pedro no Joao, ne'ebé hasoru opozisaun barak tebes tamba sira-nia fé, ita mós bele tau fiar nafatin ba Maromak no la'o hamutuk ho Nia. Ita bele kontinua halibur hamutuk ho ema fiar-na'in sira ne'ebé iha hanoin hanesan. Ita bele kontinua halo orasaun ho aten-barani ne'ebé ita mesak la bele alkansa. Ita bele kontinua ko'alia ho aten-barani kona-ba esperansa ne'ebé ita iha Jesus.

No bainhira ita halo nune'e, Maromak nia Espiritu sei hakonu ita no dirije ita iha dalan hotu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More