KSOLOK MAI IHA DADEER

Tanba Nia hirus iha momentu ida deit, maibee Nia hatudu laran luak ba moris tomak; durante kalan iha tanis, maibee haksolok mai iha dadeer-saan. Salmu 30:5 BK

Salmu 30:5

Dala ruma moris sente susar tebes. Karik ita tanis iha kalan tanba problema, moras, ka triste. Karik ita sente mesamesak, ta'uk, ka kole. Maibé versíkulu ne'e fó-hanoin ba ita kona-ba buat ne'ebé importante tebes: ita-nia terus sei la dura ba nafatin. 

Bíblia hatete katak ita bele tanis agora, maibé ksolok sei mai. Hanesan loro-matan mosu depoisde kalan nakukun, Maromak nia domin mós sei lori esperansa foun ba ita depoisde hasoru difikuldade moris nian. Maromak la haluha ita. Nia haree ita-nia matan-been no rona ita-nia orasaun. Maski ita la komprende, maibé Maromak haka'as an atu ajuda ba ita-nia di'ak. 

Hanoin to'ok kona-ba dadeer. Dadeer ne'e fresku no naroman. Ne'e mak inísiu foun ida. Ne'e mak buat ne'ebé Maromak promete mai ita. Se ita tau fiar ba Nia, Maromak sei ajuda ita. Triste sei hela ba tempu balu de'it, maibé ksolok sei mai. Maromak bele halo ita-nia terus sai dame no ita-nia triste sai kanta. 

Salmu 30:5

Se ita la'o daudaun iha tempu susar ruma, kontinua tau fiar ba Maromak. Keta rende!. Halo orasaun no husu Maromak atu ajuda Ita. Hanoin-ba katak tempu nakukun ne'e la'ós rohan. Dadeer foun mai daudaun. Maromak hadomi ita no Nia hamutuk ho ita.

Orasaun: Aman Maromak, obrigadu ba Ita-Boot tanba maski ha'u triste, Ita hamutuk ho ha'u. Ajuda ha'u atu hanoin katak ksolok sei mai. Fó forsa mai ha'u atu kontinua la'o, maski susar. Ha'u fiar katak Ita sei lori naroman mai depoisde nakukun moris nian. Hodi Jesus nia naran, Ami harohan, Amen. 

Reflesaun: Saida mak halo Ita triste ohin loron? Ita bele fiar katak Maromak sei lori fali ksolok mai!

Salmu 30:5

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HAMRIIK METIN BA BUAT NE'EBÉ LOOS

Ita bele sobu rahun hanorin hotu no hanoin aas nebee ema harii hasoru Maromak nia matenek. Nunee ita bele kaer hanoin hotu atu halo tuir Kristu. 2 Korinto 10:5 BK 

Lee Eskritura importante tebes atu ita bele iha relasaun ne'ebé metin ho Maromak. Maromak nia Liafuan mak ita-nia kilat. Maromak Ninia lia-fuan mak moris, ativu no kro'at liu fali surik ne'ebé iha isin rua (Ebreu 4:12). No kuandu ita subar eskritura iha ita-nia laran, ida-ne'e ajuda ita atu luta hasoru forsa aat sira. Ita iha inimigu ida (satanas), no buat ikus ne'ebé nia hakarak ita atu halo mak tau fiar ba Maromak no Ninia Liafuan. 

Ita-nia inimigu espirituál ne'e hakarak ita dúvida kona-ba Maromak. Maibé kuandu ita hatene se mak ita, ita bele halakon lia-bosok hotu ne'ebé halo ita sente laran-tun no destroi ita-nia fiar. Hanesan Jesus, ita mós bele uza Eskritura atu fó-hanoin ita-nia an kona-ba lia-loos no luta hasoru Satanas nia planu aat sira. 

Hanoin to'ok kona-ba lia-bosok balu ne'ebé Ita konsege fiar ona. Karik ida-ne'e mak: "Hau la halo buat ida ka ha'u falla, ha'u nunka halo buat ida-ne'ebé loos," ka "Maromak la prekupa ho ha'u, tan ne'e mak buat-aat sira-ne'e akontese mai ha'u." Se ita husik lia bosok hosi satanas sai parte ida husi ita, fasil liu ba ita fiar ba ninia lia-bosok sira. 

Maibé bainhira ita rekoñese lia-bosok ne'ebé ita rai ona iha ita-nia laran, ita sei manán. Maromak fó Ninia Liafuan mai ita atu ita bele hatene lia-loos, no ninia lia-loos mak halo ita livre (João 8:36).

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK SEI HAMARAN SIRA-NIA MATAN BEEN

Maromak sei hamaran matan been hotu hosi sira nia matan. La iha tan mate, no la iha tan laran susar, tanis ka moras. Tanba buat sira nebee uluk nian liu tiha ona. Apokalipse 21:4 BK

Versíkulu ne'e fó esperansa boot mai ita. Moris iha mundu ida ne'e la fasil no dala barak ita hasoru susar oinoin. Ita hasoru moras, triste, no mate. Dala ruma ita tanis tanba ita lakon ema ne'ebé ita hadomi. Dala ruma ita tanis tanba moris todan liu. Maibé Maromak promete ba ita katak loron ida, terus hotu ne'e sei lakon. 

Apokalipse 21: 4 ko'alia kona-ba lalehan foun no mundu foun. Iha fatin foun ne'e, Maromak rasik sei moris hamutuk ho ninia povu. Nia sei moris besik tebes ho ita ema to'o nia sei hamoos matan-been hotu husi ita-nia matan. Ema sei la tanis tan, la iha tan moras, no la iha tan mate. Buat-aat hotu ne'ebé ita hasoru agora sei lakon hotu. 

Ida ne'e la'ós mehi de'it. Ida ne'e mak Maromak nia promesa. Nia hakarak ita hatene katak ita-nia terus loron ida sei hotu. Se ita tau fiar ba Jesus, ita iha esperansa atu hetan moris rohan-laek. Loron ida, ita sei hamutuk ho Maromak iha fatin ne'ebé haksolok nunka remata. 

Bainhira ita moris iha mundu ne'e, ita sei hasoru susar nafatin. Maibé ita bele hetan komfortu tanba ita hatene katak futuru ne'ebé di'ak liu hein hela ita. Maromak haree ita-nia matan-been hotu agora, no nia tau matan ba ita. Nia la'o hamutuk ho ita bainhira ita hasoru terus hotu, mesmuke ita la haree. 

Mai ita kaer metin ba promesa ne'e. Mai ita hateke nafatin ba Jesus, ne'ebé sei lori ita ba fatin furak ne'e iha ne'ebé la iha tan triste. Bainhira ita hein hela promesa ne'e, mai ita tau fiar ba Maromak no fahe Ninia domin ba ema seluk. 

Orasaun: Oh Maromak, obrigadu ba Ita-Boot nia promesa kona-ba fatin ne'ebé la iha tan moras ka matan-been. Ajuda ha'u atu tau fiar ba Ita loroloron. Fó ha'u forsa no esperansa bainhira Hau hasoru susar moris nian. Hodi Jesus nia naran, Ami harohan, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More