HAMTAUK EMA VS HAMTAUK MAROMAK

Hahalok nebee hamtauk ba ema sei sai lasu, maibee ema nebee tau ninia fiar iha Nai sei sai seguru. Provérbiu 29:25 BK

Versikulu ida ne'e hanorin ita lia-loos ida-ne'ebé forte: kuandu ita hanoin demais kona-ba saida mak ema-nia hanoin kona-ba ita, ita bele monu tama ba lasu. "Snare" ne'ebé tradus iha tetun hanesan lasu, mak rede ne'ebé uza atu kaer animál sira. Iha maneira ka dalan hanesan mós, ta'uk ba ema bele halo ita tama lasu ema nian.  

Dala ruma ita ta'uk atu ko'alia lia-loos Maromak nian tanba ita lakoi ofende ka halo ema seluk hirus. Dala ruma ita halo buat ne'ebé la loos atu ema bele simu ka gosta ita. Ne'e mak ta'uk ba ema. Maibé Maromak haruka ita atu la bele ta'uk ema. 

Duke ta'uk ema, ita tenke ta'uk no tau fiar ba Maromak. Kuandu ita tau fiar ba Maromak, nia promete katak nia sei proteje ita. Nia tau matan ba ita no ajuda ita atu halo buat ne'ebé loos maski susar. 

Jesus nunka husik ta'uk ba ema atu hapara Nia serbisu. Nia tau fiar ba Maromak no la'o tuir Nia, maski ema seluk hirus ba Nia. Ita bele halo tuir Ninia ezemplu. 

Kuandu ita ta'uk kona-ba buat ne'ebé ema seluk hatete ka halo kona-ba ita, foti momentu balu hodi halo orasaun. Husu Maromak atu fó aten-barani ba ita. Fiar katak nia hamutuk ho ita no sei proteje ita. 

Mai ita hanoin: koko atu halo ema kontente bele lori ita ba problema. Maibé kuandu ita tau fiar ba Maromak, ita sei la'o ho dame no seguru.

Orasaun: Nai, ajuda ha'u atu la hamta'uk ba ema. Hanorin ha'u atu tau fiar ba Ita no sempre la'o tuir Ita. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

HOSI PODÉR NAKUKUN BA REIÑU LALEHAN

Nia hasai tiha ita hosi nakukun nia podér no lori ita ba Ninia Oan Doben nia reinu. Kolose 1:13 BK

Versíkulu ne'e fó-hanoin ita kona-ba Maromak nia domin no kbiit ne'ebé boot. Versikulu ida-ne'e hatudu katak Maromak salva ona ita husi podér nakukun nian. Ne'e signiika sáida? Ne'e katak antes ita hatene kona-ba Jesus, ita moris iha pekadu nia laran, ta'uk, no la iha esperansa. Ita la'o tuir ita-nia dalan rasik no dook husi Maromak. 

Maibé Maromak la husik ita iha nakukun laran. Liuhusi Jesus, Maromak lori ita sai husi fatin nakukun ne'e. Nia salva ita hanesan ema ida ne'ebé hetan salva husi rai-kuak ne'ebé kle'an. Agora, ita partensi ba Jesus nia reiñu, Oan-Mane ne'ebé Maromak hadomi. Ne'e mak reiñu naroman, dame no esperansa nian. 

Jesus fó ninia moris atu ita bele sai livre. Tanba Jesus, ita la domina hosi toman aat, ta'uk, ka sala sira. Ita hetan perdua. Ita hetan domin. Agora ita sai parte husi Maromak Nia família. 

Dala ruma ita sente fraku ka halo sala. Maibé versíkulu ne'e fó-hanoin ita katak Maromak muda ona ita atu ba fatin ne'ebé di'ak liu. Ita la partensi ba nakukun. 

Entaun ohin, hanoin-ba katak ita hetan ona salvasaun. Ita la lakon tan. Ita mak Maromak nia oan, moris tuir Jesus nia naroman. La'o iha naroman ne'e. Hili buat ne'ebé di'ak no loos tuir Biblia nia hanorin. Tau fiar ba Maromak loroloron. Nia sei ajuda ita atu nafatin iha forsa no esperansa. 

Mai ita agradese ba Maromak tanba nia domin no salvasaun ba ita!

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KSOLOK MAI IHA DADEER

Tanba Nia hirus iha momentu ida deit, maibee Nia hatudu laran luak ba moris tomak; durante kalan iha tanis, maibee haksolok mai iha dadeer-saan. Salmu 30:5 BK

Salmu 30:5

Dala ruma moris sente susar tebes. Karik ita tanis iha kalan tanba problema, moras, ka triste. Karik ita sente mesamesak, ta'uk, ka kole. Maibé versíkulu ne'e fó-hanoin ba ita kona-ba buat ne'ebé importante tebes: ita-nia terus sei la dura ba nafatin. 

Bíblia hatete katak ita bele tanis agora, maibé ksolok sei mai. Hanesan loro-matan mosu depoisde kalan nakukun, Maromak nia domin mós sei lori esperansa foun ba ita depoisde hasoru difikuldade moris nian. Maromak la haluha ita. Nia haree ita-nia matan-been no rona ita-nia orasaun. Maski ita la komprende, maibé Maromak haka'as an atu ajuda ba ita-nia di'ak. 

Hanoin to'ok kona-ba dadeer. Dadeer ne'e fresku no naroman. Ne'e mak inísiu foun ida. Ne'e mak buat ne'ebé Maromak promete mai ita. Se ita tau fiar ba Nia, Maromak sei ajuda ita. Triste sei hela ba tempu balu de'it, maibé ksolok sei mai. Maromak bele halo ita-nia terus sai dame no ita-nia triste sai kanta. 

Salmu 30:5

Se ita la'o daudaun iha tempu susar ruma, kontinua tau fiar ba Maromak. Keta rende!. Halo orasaun no husu Maromak atu ajuda Ita. Hanoin-ba katak tempu nakukun ne'e la'ós rohan. Dadeer foun mai daudaun. Maromak hadomi ita no Nia hamutuk ho ita.

Orasaun: Aman Maromak, obrigadu ba Ita-Boot tanba maski ha'u triste, Ita hamutuk ho ha'u. Ajuda ha'u atu hanoin katak ksolok sei mai. Fó forsa mai ha'u atu kontinua la'o, maski susar. Ha'u fiar katak Ita sei lori naroman mai depoisde nakukun moris nian. Hodi Jesus nia naran, Ami harohan, Amen. 

Reflesaun: Saida mak halo Ita triste ohin loron? Ita bele fiar katak Maromak sei lori fali ksolok mai!

Salmu 30:5

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More