Maromak fo komfortu ita atu ita mós bele ajuda ema seluk

Bensaun ba ita nia Nai Jesus Kristu nia Maromak no Aman. Nia mak Aman nebee hatudu laran luak no Maromak nebee foo kamaan hotu. Nia foo kamaan ba ita iha ita nia terus hotu, atu nunee ita bele foo kamaan ba ema seluk nebee iha terus saida deit, liu hosi kamaan nebee ita simu hosi Maromak. 2 Korinto 1:3-4 BK

Karik ita pernah sente triste, ta'uk, ka sente moras? Karik ita lakon ema ruma ne'ebé ita hadomi ka ita hasoru susar ruma?. Iha momentu sira-ne'e, ita bele sente mesamesak. Maibé versíkulu husi Biblia ohin loron fó-hanoin ita kona-ba buat ne'ebé importante tebes, katak Maromak sempre hamutuk ho ita, no Nia fó komfortu mai ita. 

Maromak mak hanesan aman di'ak ida ne'ebé tau matan ba Ninia oan sira. Kuandu ita laran tristi, no hetan terus, nia haree ita-nia matan-been. Nia rona ita-nia orasaun. Nia fó dame mai ita iha ita-nia laran, maski buat sira ne'ebé hale'u ita la fo dame. Ida ne'e mak Bíblia bolu "komfortu". Ne'e la dehan katak problema ne'e sei lakon lalais, maibé ne'e signifika katak ita bele sente Maromak Nia domin no forsa bainhira hasoru hela problema ida. 

Maibé la'ós ne'e de'it. Maromak la fó komfortu mai ita ba ita-nia an rasik de'it. Nia mós hakarak ita atu fahe Ninia komfortu ne'e ho ema seluk. Karik Ita hatene ema ne'ebé triste ka iha problema hela. Ita bele ajuda sira atu sente di'ak liu. Ita bele halo orasaun ba sira, ko'alia ho sira, ka iha ne'ebá de'it hamaluk sira. Tanba Maromak ajuda Ita, agora Ita mós bele ajuda ema seluk. 

Entaun kuandu ita esperiensia ka la'o liu tempu susar ruma, hanoin-ba katak Maromak hamutuk ho ita. Nia sei fó komfortu ba ita. No depois ne'e, nia sei uza ita atu fó kmaan ba ema seluk mós. 

Orasaun: Aman Maromak, obrigadu ba fó kmaan mai ami kuandu ami triste ka laran kanek. Ajuda ami atu fó kmaan ba ema seluk mós. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JOVEN KUALIDADE

Keta husik ema ida hatuun o tanba deit o sei joven. Maibee sai ezemplu ba fiar nain sira iha liafuan, iha hahalok, iha domin, iha fiar no iha laran moos. 1 Timóteo 4:12 BK

Versikulu ida ne'e mak mensajen espesiál husi Biblia ne'ebé fó korajen ba joven sira. Dala ruma, ema hanoin katak ita la importante ka la bele halo buat di'ak tanba ita sei joven. Maibé Maromak hatete: "Keta husik ema ida hatuun o tanba deit o sei joven" Ida-ne'e signifika katak hanesan joven, ita tenke sente orgullu no fiar-an ho saida mak ita halo. 

Apóstolu Paulo, ne'ebé hakerek karta ne'e, hatete ba Timoteo katak nia bele hatudu ezemplu di'ak ba ema seluk. Ita bele sai ezemplu di'ak liu husi: 

- Buat ne'ebé Ita hatete: Koalia ho laran-di'ak no laran-moos. Hatete buat ne'ebé bele ajuda no fó korajen ba ema seluk. 

- Oinsa mak ita moris: Hatudu hahalok-di'ak. Onestu, hatudu respeitu, no hatudu laran-di'ak loroloron. 

- Ita-nia domin: Hadomi ema seluk ho fuan boot. Ajuda ema no tau matan ba sira. 

- Ita-nia fiar: Tau fiar ba Maromak maski susar. 

- Ita-nia hanoin no hahalok moos: Halo ita-nia hanoin sai moos no di'ak. 

Maski Ita sei joven, Maromak hakarak Ita sai naroman ba ema seluk. Ita bele inspira ema seluk liuhosi oinsa moris ne'ebé hatudu Maromak Ninia domin. Hanoin-ba katak sai joven la'ós problema ida - maibé ida-ne'e mak oportunidade atu hatudu ba ema seluk katak Maromak nia serbisu mak furak tebes iha ita-nia moris. 

Orasaun: Oh Maromak, obrigadu tanba Ita hadomi ami maski ami sei joven. Ajuda ami atu sai ezemplu di'ak iha buat ne'ebé ami ko'alia no halo. Fó domin, fé, no hahalok moos mai ami, atu nune'e loroloron ami bele sai naroman ba ema seluk ba ITA-NIA gloria. Amen. 

Forsa nafatin Joven sira no hanoin-ba katak Maromak uza ema hotu, maski joven, atu halo buat boot sira! SI Joven kualidade.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK HALO SERBISU BA ITA-NIA DI'AK

Ita hatene katak buat hotu halao hamutuk hodi halo diak ba sira nebee hadomi Maromak, ba sira nebee Maromak bolu tuir Ninia planu. Roma 8:28 BK

Moris ne'e la sempre fasil. Dala ruma ita sente moras, lakon, ka desapontadu ka laran-tun. Dala ruma susar atu komprende tanbasá mak buat sira-ne'e akontese. Maibé Roma 8:28 fó esperansa mai ita. Bíblia hatete katak Maromak bele uza buat hotu, maski buat susar no problema sira, atu ita bele hetan buat di'ak ruma. 

Versíkulu ne'e la dehan katak buat hotu ne'ebé akontese ne'e di'ak. Buat-aat sei akontese nafatin. Maibé ida-ne'e signifika katak Maromak sempre halo serbisu iha fatin ne'ebé ita la haree. Nia bele foti buat ne'ebé aat no lori buat ne'ebé di'ak husi buat aat sira ne'e. 

Porezemplu, hanoin to'ok kona-ba dosi ida. Dosi ninia ingredient mak trigu, manu-tolun, mina, ingredient sira ne'e se ida-idak, nia sabor la di'ak. Maibé kuandu ingredient sira ne'e kahur ka mistura hamutuk depois tunu, sai dosi, nia sabor sai di'ak. Nune'e mós, Maromak uza parte ida-idak hosi ita-nia moris, tau hamutuk hodi sai-ba buat di'ak ida. 

Promesa ne'e ba "ema sira ne'ebé hadomi Maromak". Se ita la'o tuir Jesus no tau fiar ba Nia, Maromak sempre serbisu atu halo buat di'ak ba ita. Maski ita la haree, nia iha planu ida ba ita. 

Tan ne'e, se ita hasoru susar iha moris, lembra katak Maromak mak kontrola buat hotu. Tau fiar ba Nia. Nia serbisu hela iha ita-nia moris too agora, atu lori buat furak ruma ba ita-nia moris. 

Orasaun: Aman Maromak, obrigadu ba Ita-Boot tanba Ita sempre serbisu ba ami-nia di'ak. Ajuda ami tau fiar ba Ita maski hasoru moris susar. Ami hatene katak Maromak iha planu di'ak ba ami-nia moris. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More